Mateyu 8:29 - Tonga Bible 1986

²⁹ Ndipo awonani, ŵangubongo, “Tatinjinamwe, mwa Mwana waku Chiuta? Mwaziya kuno kuzachitisuzga, yeche yindafike nyengo?”

Mateyu 8:29 ပူးပေါင်းရင်းမြစ်များ

2 Samuele 16:10

Kweni karonga wanguti, “Kumbi ndendi kanthu uli ine ndi imwe, mwa ŵana ŵaku Zeruya? Asani watukiya pa chifukwa chakuti Ambuya amunene kuti, ‘Mutuki Davidi,’ ndiyani nanga yo wakambenge chifukwa, ‘Nchine wachita viyo?’ ”

2 Samuele 19:22

Kweni Davidi wanguti, “Ndenamwe ndi kanthu uli imwe, mwa ŵana ŵaku Zeruya kuti msana wale muŵi nge ngwakupindikana nane? Kumbi munthu wangabayika mu Yisraele msana wale? Kumbi kuti ndiziŵa cha kuti zuŵa lino nde karonga pa ŵaYisraele?”

1 ŴaKaronga 17:18

Ndipo munthukazi wanguti kwaku Eliya, “Wenane ndi kafukwa uli, wa munthu waku Chiuta we? ukuza kunu kwaku ine kundikumbuska mphurupuru yangu, ndi kuchitiska nyifwa pa mwana wangu!”

2 ŴaKaronga 3:13

Ndipo Elisha wanguti ku karonga waYisraele, “Nde nawe ndi chine iwe? Ruta ku ŵamchimi ŵa ausu, ndi ŵamchimi ŵa anyoko.” Kweni karonga waYisraele wanguti kwaku iyo, “Awa, MbAmbuya wo ŵadana ŵakaronga ŵatatu yaŵa kuŵapereka mu janja laku Moabu.”

2 Mikoka 35:21

Kweni wangutuma mathenga kwaku iyo kuti, “Kumbi nde nawe ndi kanthu uli iwe karonga waku Yuda? Kuti le ndaziya iwe cha kweni nyumba yiya nditambana nayo. Ndipo Chiuta wandilanguya kuti ndendeske. Reka kwambana nayo Chiuta yo wendi ine, vinu wangakupankhuwa.”

Yoele 3:4

“Mwe ayani imwe kwaku ine, imwe Turo ndi Sidoni, ndi mphaka zose za ŵaFilisti? Kumbi mutindiwezge thayu? Asani mutindiwezge thayu ruŵi ndiwezgenge thayu linu, pa mutu winu.

Mateyu 4:3

Ndipo wakwesa yo wanguza wangunena nayo, “Asani we Mwana waku Chiuta, nene mya iyi kuti yiŵe viŵande.”

Mateyu 8:30

Kweni kutariko ndi iwo kwarghanga mskambu wa nguruŵi zinandi.

Marko 1:24

ndipo wangukambura, kuti, “Te ndi chine ndi iwe, Yesu waku Nazarete? Kumbi waziya kuzachitinanga? Nditukuziŵa mo uliri, Wakupaturika we, waku Chiuta.”

Marko 3:11

Ndipo wose ŵakuŵa ndi mizimu yawiyu, ŵachimuwona, ŵaŵanga paurongo pake, ndipo ŵabongonga kuti, “Iwe ndiwe Mwana waku Chiuta.”

Marko 5:7

wakukambura ndi mazu ghakuru, wanguti, “Ndatinji namwe, Yesu, mwaMwana waku Chiuta Wamdengwendi? Ndikurapiskiyani ndi Chiuta, mungandisuzganga cha.”

Luka 4:34

“Owe! Te ndi chine ndi iwe, Yesu waku Nazarete? Kumbi waziya kwachinanga ifwe? Ndikuziŵa mo uliri, Wakupaturika we waku Chiuta.”

Luka 4:41

Ndipo ŵademone nawo ŵatuwangamo mu ŵanandi, ŵakukambura ndi ŵakuti, “Iwe ndiwe Mwana waku Chiuta!” Ndipo wanguŵachenya, kuti waŵazomerezganga kurongoro cha, pakuti ŵamziŵanga kuti wenga Kristu.

Luka 8:28

Ndipo pakuwona Yesu, wangukambura ndi wanguwa paurongo pake, ndipo ndi mazu ghakuru wanguti, “Ndendi chine ndi imwe, Yesu, Mwana waku Chiuta Wamdengwendi? Ndikuŵeyereni, mungandisuzganga.”

Yohane 2:4

Wamnene Yesu, “Ungandineniyanga cha cho nditenere kuchita, munthukazi we? Ora langu lindaze.”

Machitidu gha Ŵakutumika 16:17

Ndiyo wangurondo Paulo ndi ifwe, ndi wangukambura kuti, “Yaŵa ŵanthu mbateŵeti ŵaku Chiuta Wapachanya limu, wo ŵakutauliyani nthowa ya utaski.”

Yakobe 2:19

Iwe uvwana kuti walipo Chiuta Yumoza; uchita umampha: wademone wavwana, ndipo wambwambwanthiya.

2 Petro 2:4

Chifukwa asani Chiuta wengavi kulekerezga ŵangelo wo ŵangulakwa, kweni, pakuŵatayiya ku Gehena kumagoŵa gha munkhorwi, wanguŵakombole kusungirizgikiya ku cheruzgu,

Yuda 1:6

Ŵangelo nawo so viyo ŵeniwo ŵengavi kusunga ura waku ŵija, ŵangureka ujazi wapa mtima wawo, ŵaŵasunga mu magoŵa ghamuyaya pasi pa munkhorwe ku chisusa cha zuŵa likuru.

Ŵeruzgi 11:12

Pavuli Jefta wangutuma mathenga ku karonga wa Amoni, wanguti, “Wenane ndi chifukwa uli, pakuti waza kwangu kurwana ndi charu changu?”