Mateyu 8:27 - Tonga Bible 1986

²⁷ Ndipo ŵanguzizwa ŵanthu wo, ŵakuti, “Ngwakutinji munthu uyu? Chifukwa chingana ndi mphepu ndi nyanja zitumvwiya.”

Mateyu 8:27 ပူးပေါင်းရင်းမြစ်များ

Mateyu 14:33

Ndipo ŵamu ngaraŵa ŵangumlambiya, ŵakuti, “Ndimwe nadi Mwana waku Chiuta.”

Mateyu 15:31

viyo kuti mzinda wo unguzizwa wachiwona ŵambuwu kurongoro, ŵakupunduka kuŵa ŵanthazi, ŵakuganthiya kwenda, ndi ŵachiburumutiya kulereska: ndipo ŵangumkankhuska Chiuta waku Yisraele.

Mateyu 8:10

Ndipo pa kumuvwa, Yesu wanguzizwa, ndipo wanguti ku ŵakumrondo, “Inyadi ndikuneniyani chingana ndi mu Yisraele kuti ndasaniya cha, chivwanu chikuru chaviyo.

Mateyu 8:26

Ndipo wanguŵanene, “Mutopanji, mwaŵachivwanu chimana?” Sono wachiyuka wanguchenya mphepu ndi nyanja: ndipo kunguŵapo bata likuru.

Mateyu 8:28

Ndipo wachiza iyo kusirgha, mu charu cha ŵaGadara, ŵangukumana nayo ŵaŵi, ŵademone, ŵakutuwa mu masano, ŵakari ukongwa, viyo kuti pengavi yumoza wakuŵa ndi nthazi kujumpha mu nthowa yiya.

Marko 1:27

Ndipo wose ŵanguzizwa, viyo kuti ŵangufumbana mwaku ŵija, “Nchine chenichi? Nchisambizgu chifya! Ndi mtufu wayichenya chingana ndi mizimu yawiyu, ndipo yitumvwiya.”

Marko 6:51

Ndipo wangukwera mu ngaraŵa ndi yingureka mphepu, ndipo ŵangurwita ukongwa mwaku ŵija:

Marko 7:37

Ndipo ŵazizwanga ukongwa limu ŵatinge, “Vyose wachita urusu; ŵamgota wati ŵasanduska ŵakuvwa, ndipo ŵambuwu ŵarongoro.”