Mateyu 7:17 - Tonga Bible 1986

¹⁷ Viyo chimuti chose chamampha chipasa vipasi vyeneko; kweni chimuti chakuwo chipasi vipasi viheni.

Mateyu 7:17 ပူးပေါင်းရင်းမြစ်များ

Sumu 1:3

Wakozgana ndi muti wakupandika pa mphepete pa misisi ya maji, weniwo upasa vipasi vyake mu nyengo yake, jani lake kuti lifota cha; mwaku chose cho wachita, wasakata.

Yesaya 61:3

kunozge wo ŵatenje mu Zioni kuŵapaska vivwalo vyakunozga mu malo mwa vyoto, mafuta gha likondwa mu malo gha kutenje, munjirira wa marumbu mu malo mwa mzimu wakulakatuka; mwakuti ŵadanikenge miti yaukongorekwa, wakupandika ndi Ambuya, alinga kuti akankhuskike.

Yeremiya 11:19

Kweni ndenga nge ndi mberere yakuzika yakurongozgeke kukubayika. Ndengavi kuziŵa kuti chenga paku ine ŵangupangirana machitidu gha chiŵembo pa mutu wangu, ŵakuti, “Tiyeni tiphwanye chimuti ndi chipasi chake, tiyeni timudumuweko ku charu cha ŵamoyo, mwakuti zina lake lireke kukumbukika so cha.”

Yeremiya 17:8

Wakozgana ndi muti wakupandika pafupi ndi maji, weniwo utambaruliya misisi yake ku maji, ndipo kuti utopa cha chichiza chifundizi, pakuti mani ghake ghajaririya uŵisi, ndipo kuti usuzgika cha mu charu cha chilala pakuti kuti ureka cha kupasa vipasi.”

Mateyu 7:18

Kuti chiziŵa cha chimuti chamampha kupasa vipasi viheni chingana nchimuti chakuwo kupasa vipasi vyeneko.

ŴaEfeso 5:9

(chifukwa chipasi cha kungweruka ko nchamu umampha wose ndi urunji ndi uneneska),

ŴaFilipi 1:11

pakuzazika ndi vipasi vya urunji, vyamwaku Yesu Kristu, ku unkhankhu ndi rumbu laku Chiuta.

ŴaKolose 1:10

kuti mwendenge kwakwenere Ambuya, ndi kwakuŵakondweska, pakupasiya chipasi mu mlimu wose wamampha, ndi kukuliya mu chiziŵisku chaku Chiuta.

Yuda 1:12

Ŵenaŵa ndi maŵanga gha kufipa mu madghera ghinu ghachanju, pakurghiya pamoza namwe ŵajariska kwambura wofi: mitambo yambura maji, yakuyungwiskika ndi zimphepu; miti yachihanya yambura vipasi yakufwa kaŵi, yakuzgulika;