Mateyu 6:27 - Tonga Bible 1986

²⁷ Ndipo njani mwaku imwe pakukweŵeka waziŵa kukuskiyako ku msinkhu wake mkono umoza?

Mateyu 6:27 ပူးပေါင်းရင်းမြစ်များ

Wakutaula 3:14

Ndiziŵa kuti chose cho Chiuta wachita chikajaririyanga muyaya; kuti kakasazgikiyangako kanyake nanga nkhutuzgapo kanthu kanyake kwaku cho cha; Chiuta wachichita ichi mwakuti ŵanthu wopenge paurongo pake.

Mateyu 5:36

Chingana nkhurapa pa mutu wako cha, pakuti ulive nthazi kwachichita sisi limoza kulisanduska kuti liŵe lituŵa pamwenga lifipa.

Mateyu 6:25

“Chifukwa chenichi ndikuneniyani, mungakweŵekiyanga umoyo winu cha, cho mungargha pamwenga cho mungamwa; chingana nkhu liŵavu linu, cho mungavwara. Asi umoyo ngukuru ku chaukurgha, ndi liŵavu ndikuru ku chakuvwara?

Mateyu 6:28

Napu mukweŵekiyanji pa chakuvwara? Pimiyani ŵabwatinda ŵamudondo, mo ŵamere; kuti ŵatakataka cha, chingana nkhuruka,

Mateyu 6:31

Viyo mungakweŵekanga, kuti, ‘Tirghengenji?’ Pamwenga, ‘Timwengenji?’ Pamwe, ‘Tivwalengenji?’

Mateyu 6:34

“Viyo mungakweŵekiyanga la mawa cha: chifukwa la mawa lijikweŵekiyenge lija. Ngwakukwaniya zuŵa lo uheni wake.

Luka 10:41

Kweni wakwamuka Mbuya wanguti kwaku iyo, “Marta, Marta, ukweŵeke ndi usuzgikiya pa chifwa cha vinthu vinandi:

Luka 12:11

Ndipo penipo ŵakutoliyeninge ku masinagoge gho, ndi ku ŵara, ndi ku mitufu, mungakweŵeka cha chenicho muŵamukenge, chingana nchenicho mukambenge:

Luka 12:22

Ndipo wanguti ku ŵasambizi ŵake, “Chifukwa chenichi ndikuneniyani, mungakweŵeke umoyo winu, chenicho mungargha; chingana nkhu liŵavu cho mungavwara.

1 ŴaKorinte 12:18

Kweni nge ndimo kuliri Chiuta waŵikamo mu liŵavu viŵaru vyo, che chose chaku vyo, nge ndimo wangukhumbiya.

ŴaFilipi 4:6

Mungakweŵeke kose cha; kweni mu kanthu kose, mu rombu ndi mu niniziku pamoza ndi kuwonga, mapemphu ghinu ghaziŵikwe kwaku Chiuta.

1 Petro 5:7

pakupong'a paku iyo kweŵeku linu lose, pakuti waphwere imwe.