Mateyu 5:37 - Tonga Bible 1986

³⁷ Kweni mazu ghinu pakurongoro ghaŵe, ‘Inya,’ pamwenga, ‘Awa’; ndipo ghakutaruliya kwaku yagha ngakutuwa ku mheni yo.

Mateyu 5:37 ပူးပေါင်းရင်းမြစ်များ

Mateyu 13:19

Wachivwa munthu mazu gho gha ufumu, ndipo kuti wawamo cha, watuza mheni yo, ndipo wapoka cho chamijika mu mtima wake. Iya ndiyo yingumijika mumphepete mu nthowa.

Mateyu 13:38

ndipo munda wo ncharu; mbeu yamampha, mbana ŵa ufumu; ndi maduru mbana ŵa mheni yo,

Mateyu 15:19

Chifukwa mu mtima mutuliya maghanaghanu ghaheni, zimbanda, maureŵi, mauyaya, maunkhungu, visimisimi vitesi, matuka.

Mateyu 5:36

Chingana nkhurapa pa mutu wako cha, pakuti ulive nthazi kwachichita sisi limoza kulisanduska kuti liŵe lituŵa pamwenga lifipa.

Mateyu 6:13

Ndipo mungatitole mu kesedu kweni titaskeni ku mheni yo.

Yohane 17:15

Kuti ndiromba cha kuti muŵatuzge mu charu, kweni kuti muŵasunge ku mheni yo.

Yohane 8:44

Imwe mwe ŵa uskemwe diabolo yo, ndipo maulakalaka gha uskemwe ndigho mukhumba kuchita. Iyo wenga mubayaŵanthu kutuwa ku mtendeku, ndipo kuti wendi kanthu ndi uneneska cha, pakuti mulive uneneska mwaku iyo. Po warongoro utesi, warongoro vya umoyo wake: pakuti ndi mtesi ndipo ndi uskeu wa ŵatesi.

ŴaEfeso 4:25

Viyo na pakuzuwa utesi, kambiranani uneneska, munthu yose ndi mwanase wake; pakuti te viŵaru yumoza wa munyake.

ŴaEfeso 6:16

pachanya paku vyose mujitole nguru ya chivwanu, ndi yeniyo muziŵa kuzimwa mivwi yose yakukole ya muheni yo.

ŴaKolose 3:9

Mungateterananga cha; pakuti mwazuwa munthu wakali pamoza ndi machitidu ghake,

ŴaKolose 4:6

Mazu ghinu ghaŵe ghawezi nyengo zose, ghakunoweskeka ndi mche, kuti muziŵe mo kutenere imwe kumwamukiya munthu yose, yumoza ndi yumoza.

2 ŴaTesalonika 3:3

Kweni Mbuya ngwamagomekezgeka, mweniyo wamkukukhozgani, ndi wamkukusungani ku mheni yo.

Yakobe 5:12

Kwakuruska vyose, mwa ŵabali, mungarapanga cha, chingana ndi kuchanya, chingana ndi charu, chingana ndi rapu lose lamwenga: kweni inya winu wawe inya mbwenu, ndi cha winu, cha; kuti mungawanga pasi pa cheruzgu cha.

1 Yohane 2:13

Ndikulembiyani mwaŵada chifukwa mumziŵa mweniyo ngwakutuliya ku mtendeku. Ndikulembiyani, mwamadoda, chifukwa mwampunda mheni yo. Ndikulembiyani, mwaŵampupuka, chifukwa mumziŵa Dada.

1 Yohane 3:12

Ulaka ndi Kaine cha, yo wenga wakutuliya ku mheni yo, ndipo wangubaya mhurwa wake. Ndipo wangumbayiya chifukwa chine? Chifukwa nchitu zake zenga ziheni, ndi za mhurwa wake zirunji.

1 Yohane 5:18

Tiziŵa kuti yose yo ngwakupapika kwaku Chiuta kuti warutiliya mu kulakwa cha, chifukwa Mwana yo waku Chiuta watimsunga ndipo mheni yo kuti wamkwaska cha.