Mateyu 5:34 - Tonga Bible 1986

³⁴ Kweni ine ndikuneniyani, Ungarapa kose cha; chingana khuchanya, pakuti nchitengu chaku Chiuta;

Mateyu 5:34 ပူးပေါင်းရင်းမြစ်များ

Sumu 11:4

Ambuya ŵemu nyumba yawo yakupaturika, chitengu cha Ambuya che mu machanya; maso ghawo ghalereska, vikope vyawo vitesa ŵana ŵa ŵanthu.

Wakutaula 9:2

Pakuti chinthu chimoza chifikiya paku wose, ku murunji ndi muheni, wamampha ndi wawuyu, ku wakuphotoka ndi wambura kuphotoka, kwaku yo wapereka sembe ndi yo wareka kupereka sembe. Nge ndimo waliri munthu wamampha, ndimo waliri wakwananga; ndipo wakurapa rapu wayana ndi yo watopa rapu.

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

Yesaya 66:1

Viyo atiti Ambuya: “Kuchanya nchitengo changu charu chapasi ndi mpando wa marwayo ghangu; ndi nyumba uli yo mungandizenge ine, ndipo ndi malo uli gha chipumulu changu?

Machitidu gha Ŵakutumika 7:49

‘Kuchanya nchitengu changu chaufumu, ndipo charu nchitambaliru cha marundi ghangu. Mwamzenge ine nyumba yakutinji? atiti Ambuya, pamwenga ngane malo gha chipumulu changu?

Yakobe 5:12

Kwakuruska vyose, mwa ŵabali, mungarapanga cha, chingana ndi kuchanya, chingana ndi charu, chingana ndi rapu lose lamwenga: kweni inya winu wawe inya mbwenu, ndi cha winu, cha; kuti mungawanga pasi pa cheruzgu cha.