Mateyu 5:24 - Tonga Bible 1986

²⁴ reka danga mpasku wako paurongo pa jochero, ndi kanga, danga wanjaniskika ku mbali wako yo, sono pavuli po uzipereke mpasku wako.

Mateyu 5:24 ပူးပေါင်းရင်းမြစ်များ

Jobu 42:8

Sono muchifukwa ichi toni nkhuzi zinkhonde ndi ziŵi, ndi mberere zinthurumi nazo zinkhonde ndi ziŵi, ndi rutani ku mteŵeti wangu Jobu, ndipo kajiperekiyeni sembe yakocha yakumaŵeni, ndipo Jobu mteŵeti wangu wakakurombiyaninga. Nkharondiyanga rombo lake chifukwa kuti ndikhumba kuchita namwe kwakuyana ndi uheni winu cha, pakuti mulive kukamba chinthu chamampha cha paku ine nge ndimo mteŵeti wangu Jobu wachitiya.”

Nthanthi 25:9

Kamba mlando wako ndi muzengezgani wako mweneko ndipo reka kusumuwa chakuubende chamunyako,

Mateyu 23:23

“Owe, mwa ŵalembi ndi mwa ŵaFarisi imwe, mwaŵakufuvya, pakuti cha chichumi nge ndi maŵe, mapira, ndi chitoŵe mupereka, kweni mureka vizitu vyakuzirwa vya langulu, cheruzgu, lisungu, ndi chivwanu: ivi ndivyo mungwenere kuchita, sono pavuli musazgiyeko vinyake vyo.

Mateyu 5:23

Viyo asani utole mpasku wako ku chakusopiyapo ndipo ukumbuka kuti mbali wako we nako kanthu paku iwe;

Marko 9:50

Mche ngwamampha: kweni asani mche wo wasukuruka, muwunoweskenge ndi chine? Muŵe ndi mche mwaku mwaŵeni, ndipo mujariyane mu chimangu.”

1 ŴaKorinte 11:28

Kweni wadange wajesa munthu ndi viyo warghepo chiŵande cho, ndi wamweko nkhombo yo.

1 Timote 2:8

Viyo ndiŵakhumba ŵanthurumi kuromba mu malo ghose, pakusoska manja ghakhovu kwambura chikwiya ndi suskanu.

Yakobe 5:16

Viyo sumuliranani vilakwa vinu, ndipo romberanani, viyo kuti muchizgike. Niniziku la murunji ndanthazi ukongwa pakuchita.