Mateyu 5:22 - Tonga Bible 1986

²² Kweni ine ndikuneniyani, kuti yose wakumtundiriya mbali wake waŵenge wakukoleke ku cheruzgu, ndipo yose yo wanganyoza mbali wake, waŵenge wakukoleke ku upu wo; ndipo yose yo wanganena, ‘Mvumbwa we’, waŵenge wakukoleke ku gehena la moto.

Mateyu 5:22 ပူးပေါင်းရင်းမြစ်များ

Chiyambo 37:4

Kweni penipo ŵana ŵanyake wanguwona kuti uskeu wangumwanja iyo kwakuruska ŵana ŵanyake wose, ŵangumutinkha ndipo kuti ŵakambanga nayo mu chimangu cha.

Chiyambo 37:8

Ŵana ŵanyake ŵanguti kwaku iyo, “Kumbi mbuneneska kuti ukatiusanga iwe? Pamwenga mbuneneska kuti ukatitufuliyanga iwe?” Chifukwa cho ŵangurutizga so ukongwa kumutinkha chifukwa cha maloto ghake ndi mazu ghake.

2 Samuele 16:7

Ndipo mu kutuka kwaku Shimei watinge, “Tuwa, tuwa, wamunthu wa ndopa iwe, wa munthu wakupusa iwe.

2 Samuele 6:20

Davidi wanguwe kwazitumbika ŵamu nyumba yake. Mikala mwana munthukazi waku Sauli wangutuwa ku kumana ndi Davidi, wanguti, “A! Nako nkhukuzgika ko karonga wa ŵaYisraele wajikuzga nako msana wale kujizuwa mweneko pa maso pa ŵasungwana ŵa ŵateŵeti ŵake, nge njumoza wa ŵanthu ŵazereza kujizuwa iyo mweneko kwambura soni!”

1 ŴaKaronga 21:4

Ndipo Ahabu wangusere mu nyumba yake wakufya mtima ndi wakuzitiskika, chifukwa chaku cho Naboti mu Yezerele yo wangukamba kwaku iyo, pakuti wangukamba kuti, “Kuti ndikupaskenge cha chihara cha ada.” Ndipo wangula pa chita chake, ndi wangung'anamukiya kunyake chisku chake, ndipo wangukana kurgha.

2 Mikoka 16:10

Penipo ndipo Asa wangukaripa ndi muwona wangumuŵika mu nyumba ya magoŵa, wangutundiya nayo pa chifukwa cha chinthu ichi. Ndipo Asa wangusuzga ŵanthu ŵanyake pa nyengo yeniyo.

2 Mikoka 19:5

Wanguŵika ŵeruzgi mu charu, mu misumba yose ya malinga yaku Yuda, msumba ndi msumba,

Nehemiya 5:8

ndipo ndinguti kwaku wo, “Ifwe uli ndi penipo taŵiya ndi mwaŵi, tawezga ŵabali ŵidu ŵaYuda wo ŵanguguliskika ku mitundu kweni imwe so musaska ŵabali ŵinu kuti ŵaguliskike kwaku ifwe.” Ŵanguja chisisi, ŵengavi kuwona kakukambapo.

Sumu 109:3

Ŵatindikambiya vinthu vyakofya, ŵarwana nane kwambura kafukwa.

Sumu 14:1

Wakupusa watiti mu mtima wake, “Kulivi Chiuta.” Makuvunda, ŵachita vya ukazuzi, kulivi wakuchita umampha.

Sumu 25:3

Inya, wose ŵakulindizga imwe kuti ŵalengeskekenge nanga njumoza cha; ŵachita soni wo ŵachita viŵembu kwambura chifukwa.

Sumu 35:19

Kuti ŵakondwe paku ine cha, wo mbamawongo ŵangu kwambura kafukwa, ŵareke kuphaniya jiso ŵakunditinkha kwawaka.

Sumu 37:8

Tuwako ku ukari, utaye kandundu! Reka kujikweŵeska, ichi chirongozge ku kwananga.

Sumu 49:10

Inya, wakawonanga kuti nanga mba vinjeru ŵatufwa, muzereza ndi muvumbwa ŵaparghang'ikenge kwakukozgana, ndi kusiliya ŵanyake uromba wawo.

Sumu 69:4

Wo ŵatinditinkha waka kwambura chifukwa mbanandi ukongwa kwakuruska sisi laku mutu wangu mbanthazi ukongwa wo ŵakhumba kundiparghang'a, wo ŵakamba kwautesi paku vyo ŵaŵiya ŵarwani ŵangu. Wandichitiska kuti ndiwezge vinthu vyo kuti ndinguba cha.

Sumu 7:4

asani ndamuwezge uheni mwanasi wangu, pamwenga kuphanga vya murwani wangu kwambura kafukwa,

Sumu 92:6

Munthu muzereza wangaghaziŵa cha, wakupusa kuti wangawamo cha;

Nthanthi 14:16

Munthu wazeru wacheŵa ndipo watuwako ku uheni, kweni wakupusa wataya kujikanizga, ndi watuŵa mukata kuphwere.

Nthanthi 18:6

Milomo ya wakupusa yituza ndi ndeu, ndipo mlomo wake udana vikoti.

Yeremiya 17:11

Mweniyo wasaniya usambasi mu nthowa yambura kurunjika, wayana ndi nkhwali yeniyo yiunjika pamoza ŵana wo yengavi kukonkhomo iyo; viyo mukati mwa mazuŵa ghake usambasi ukamuthaŵanga, ndipo pa umari wake wakaŵanga bereŵeza.

Chitenje 3:52

“Ndaŵingika ulaka nkhayuni ndi wakupindikana nane kwambura kafukwa;

Danyele 3:13

Sono Nebukadanezara mu kandundu kake kakuru, wangulangula kuti ŵazi nawo Shadreke, Mesheke, ndi Abedenego. Ndipo ŵanguza nawo paurongo pa karonga.

Danyele 3:19

Viyo Nebukadanezara wangutundiya ukongwa ndipo kawonekedu ka chisku chake kangusanduka kakumikana ndi Shadreke, Mesheke, ndi Abedenego. Wangulangula kuti ŵasonkhenge ng'anjo kankhonde ndi kaŵi kwakuruska mo yasonkhezgekiyanga pakudanga.

Obadiya 1:10

Chifukwa cha phuzu lako lo unguchitiya mbali wako Yakobe, soni zikukonge, ndipo ubayikeyenge limu.

Obadiya 1:12

Kweni iwe, mphanyi ungwene ndi zuŵa la mbali wako, zuŵa la soka lake; kuti mphanyi wakondwa cha ndi ŵanthu ŵaku Yuda mu zuŵa la pharghaniko lawo; kuti mphanyi wajikuzga cha, mu zuŵa la suzgu.

Mateyu 10:17

Kweni ŵacheŵeni ŵanthu: chifukwa ŵamkomboleninge ku maupu, ndipo mu masinagoge ghawo ŵamkumukwechuwani,

Mateyu 10:28

Ndipo mungopanga cha ŵakubaya liŵavu, kweni mbakuwara nthazi kubaya mzimu: ukongwa mopenge yo ngwanthazi kwananga mzimu nawo ndi liŵavu mu gehena.

Mateyu 12:24

Kweni ŵati ŵavwa ŵaFarisi ŵanguti, “Uyu kuti watuzga ŵademone ndi kanthu kanyake cha kweni ndi Belzebule, fumu ya ŵademone.”

Mateyu 17:5

Wacharongoro iyo, wonani, mtambo wakuŵara unguŵabenekere: ndipo mazu ghakutuwa ku mtambo wo, ghenga ghakuti, “Mwenuyu ndi Mwana wangu, wakwanjiwa, mwaku mweniyo ndikondwere; muvweni iyo.”

Mateyu 18:21

Sono wanguza Petro, wanguti kwaku iyo, “Ambuya, mbali wangu wandilakwiyenge ndipo ndimgowokiyenge karinga. Mpaka kankhonde ndi kaŵi?”

Mateyu 18:35

Viyo Ada nawo ŵakuchanya ndimo achitiyenge we yose waku imwe, asani mbali winu mureka kumugowoke kutuliya ku mitima yinu.”

Mateyu 23:15

Okwe kwaku imwe, mwa ŵalembi ndi ŵaFarisi, mwaŵakufuvya! Pakuti muzunguliya nyanja ndi mtunda kwaching'anamuska mukhozi yumoza; ndipo penipo waŵa waviyo, mumsanduskamwana waku Gehena ukongwa kwakuruska mwaŵeni.

Mateyu 23:33

Mwazinjoka, mphapu ya vipiriŵiza, mungathaŵa uli cheruzgu cha Gehena?

Mateyu 25:41

Pavuli waneniyenge ŵaku maze, ‘Tuwaniko kwangu, mwaŵakutembeke, ku motu wamuyaya, wakurongosoleke diabolo yo ndi ŵangelo ŵake;

Mateyu 26:59

Ndipo ŵazukuru ŵara ndi upu wose ŵapenjanga ukaboni wa utesi paku Yesu, alinga kuti ŵamubaye,

Mateyu 3:17

Ndipo, wonani, liu linguvwika kutuwa kuchanya, lakuti, “Mweniyo ndi Mwana wangu, nkhwanjiwa, mwaku mweniyo ndikondwere.”

Mateyu 5:34

Kweni ine ndikuneniyani, Ungarapa kose cha; chingana khuchanya, pakuti nchitengu chaku Chiuta;

Mateyu 5:44

Kweni ine ndikuneniyani, Ŵanjeni wamawongu ŵinu, ndipo ŵarombiyeni ŵakuŵemba imwe,

Marko 14:55

Ndipo ŵazukuru ŵara wo ndi upu wose ŵapenjanga ukaboni paku iyo, wakumukombole kunyifwa; ndipo kuti ŵanguwubowozga cha.

Marko 15:1

Ndipo sosonukweni ku mlenji-lenji ŵangupanga upu ŵazukuru ŵara pamoza ndi ŵara ndi ŵalembi, ndi upu wose, ndipo ŵangumumanga Yesu ndi kuruta nayo, kwaku Pilato,

Luka 12:5

Kweni ndazamrongo imwe yo mopenge: mopeni yo ngwakuŵa ndi mtufu, wati wabaya, kupong'amu mu Gehena; nadi, ndikuneniyani, mopeni mweniyo.

Luka 22:66

Ndipo kuchicha unguutika ura wa khamu lo, ŵazukuru ŵara ndi so ŵalembi; ndipo ŵangumrongozge ku upu wawo, ŵakuti,

Yohane 11:47

Viyo ŵazukuru ŵara ndi ŵaFarisi ŵanguungana upu, ndipo ŵafumbananga ŵakuti, “Tichitenji? Uyu munthu wachita visimikizgu vinandi.

Yohane 15:25

Kweni nchakuti ghafiskike mazu gho ghalembeka mu langulu lawo, ‘Wangunditinkha waka.’

Yohane 7:20

Mzinda wo ungwamuka, “We nayo demone: njani walembe kukubaya?”

Yohane 8:48

ŴaYuda ŵangwamuka ndi ŵangumnene, “Asi tikamba kwakurunjika kuti we muSamaria iwe, ndipo we ndi demone?”

Machitidu gha Ŵakutumika 17:18

Ndipo ŵanyake ŵanjazeru ŵaEpikuro ndi ŵaStoa ŵangukumana nayo. Ndipo ŵanyake ŵatinge, “Wangakambanji mbwebweta uyu?” Ndi ŵanyake, “Wawoneka kuŵa mtaula wa vyachiuta vilendo;” chifukwa wataulanga Yesu ndi chiyuka cho.

Machitidu gha Ŵakutumika 22:30

Kweni pa lamlenji, pakukhumba kuziŵa uneneska waku cho wangusumulikiya ndi ŵaYuda, wangumfwatuwa, ndi wangulanguliya ŵazukuru ŵara ndi upu wose kuwungana pamoza; ndipo wangusiskiyako Paulo wangumumika paurongo pa wo.

Machitidu gha Ŵakutumika 23:1

Ndipo Paulo, wakuti dodoli pa upu wo, wanguti, “Mwa ŵabali, ine ndajariya mu njuŵi yose yamampha paurongo paku Chiuta mpaka zuŵa lino.”

Machitidu gha Ŵakutumika 24:20

Pamwenga, ŵenaŵa ŵeneko ŵaukambe uheni wo ŵangusaniya, ndichima ine paurongo pa upu wawo;

Machitidu gha Ŵakutumika 4:15

Kweni ŵati ŵaŵalanguliya kuturiya kubwaro kwa upu wo, ŵangufumbana,

Machitidu gha Ŵakutumika 5:21

Ndipo ŵati ŵavwa, ŵangusere mu kasopi ku matanda kucha, ndipo ŵasambizganga. Kweni wachifikako mzukuru mura yo, ndi ŵa pamoza nayo, wanguwungang'a pamoza upu wo ndi ura wose wa ŵara ŵaku Yisraele, ndipo wangutumiya ku ulinda kwachiŵato.

Machitidu gha Ŵakutumika 5:27

Ndipo pakuŵato, ŵanguŵamika mu upu wo. Ndipo mzukuru mura yo wanguŵafumba,

Machitidu gha Ŵakutumika 6:12

Ndipo ŵanguyuska khamu lo, ndi so ŵara, ndi ŵalembi, ndipo pakuziya pake ŵangumkwekwete nthazi ŵangumgumizgiya ku upu wo,

Machitidu gha Ŵakutumika 6:15

Ndipo wose ŵakuteka mu upu wo, pakumudodoliska, ŵanguthoŵa chisku chake ulaka ndi chisku cha mungelo.

Machitidu gha Ŵakutumika 7:37

Mwenuyu ndi Mosese yo wanguti ku ŵana ŵaku Yisraele, ‘Chiuta wamkukuyuskiyani mchimi wamu ŵabali ŵinu, uli ndimo Wanguyuskiya ine.’

ŴaRoma 12:10

Mu chanju chaubali mwanjani.

1 ŴaKorinte 6:10

chingana mbakupoka, chingana mbachipanira, kuti ŵakaharanga ufumu waku Chiuta cha.

1 ŴaKorinte 6:6

Kweni awonani mbali watole mbali ku mphara, paurongo pa ŵazira chivwanu!

Marangu 15:11

Chifukwa ŵakavu kuti ŵamarenge cha mu charu, viyo ndimulanguliyani kuti mumujuliye janja linu mbali winu, wakusauka ndi mukavu, mu charu.

Marangu 16:18

“Muŵike ŵeruzgi, ndi ŵarongozgi mu misumba yinu yose yo Ambuya Chiuta winu wakupaskani, kwakuyana ndi mafuku ghinu, iwo ŵakayeruzganga ŵanthu ndi cheruzgu chakurunjika.

1 ŴaTesalonika 4:6

paŵevi yumoza wakunyumba ndi wakuŵiniwa mbali wake mu kanthu: chifukwa kuti Ambuya ndi mweruzgi mwaku vyenivyo vyose, nge ndimo tingumkambiyani limu ndi kusimikizga.

Tito 3:2

kuphara munthu yumoza cha, kuŵa ŵaziralisonji, ŵaroŵevu, ŵakurongo upovu wose ku ŵanthu wose.

ŴaHebere 12:25

Lereni vinu mungamkana mweniyo wakamba namwe. Chifukwa asani ŵa ŵengavi kupozomoka pakukana kuvwiya mweniyo wanguŵachenjezga panupasi, ukongwa viŵi kuti tikapozomokanga cha ifwe taŵakugaruka ku kwaku mweniyo wachenjezga kuchanya.

ŴaHebere 5:9

ndipo wanguti wafiskika wanguŵaŵiya wose ŵakumvwiya chata wa utaski wamuyaya;

Yakobe 2:20

Kweni unkhumba kuziŵa ati, wamunthu we wambughuya, kuti chivwanu pade pa milimu nchaŵaka?

Yakobe 3:6

Ndipo lilime ndi moto; lilime ncharu chambura urunji mukati mu viŵaru vidu, lakukazuzga liwavu lose, lakuŵika pa moto gulinga wa kaŵiru kidu, ndipo lakukozgeka moto ndi gehena.

1 Petro 2:23

wachinyozeka iyo, kuti wanyozanga cha; wachikomwa, kuti wafinganga cha, kweni wajiperekanga kwaku mweniyo wateruzga kwaurunji.

1 Petro 3:9

ŵakuwerezge uheni pa uheni cha, pamwenga chiphara pa chiphara; kweni kwakupambanako ndiko, muŵe ŵakutumbika; pakuti kwaku chenichi mungudanikiya, alinga kuti muharenge thumbiku.

1 Yohane 2:9

Yo watiti we mu kungweruka, ndipo ngwakumtinkha mbali wake, weche mu mdima mpaka sono.

1 Yohane 3:10

Mwaku chenichi ŵarongoleka ŵana wo ŵaku Chiuta ndi ŵana wo ŵaku diabolo: munthu yose wakuura kuchita urunji, kuti ngwa kwaku Chiuta cha, chingana ndi yo walive kumwanja mbali wake.

1 Yohane 5:16

Asani munthu wangawona mbali wake kuchita chilakwa, chakurata ku nyifwa cha, wakapemphanga, ndipo Chiuta wampaskenge umoyo kweni chifukwa chaku wo ŵalakwiya ku nyifwa cha. Chifukwa chakurata ku nyifwa chiripo: kuti ndikamba kuti wapemphe paku chenicho cha.

Yuda 1:9

Kweni Mikaeli, mungelo mura yo penipo pakususkana ndi diabolo yo wangulimbana nayo pa thupi laku Mosese, kuti wangugangiya cha kumsuska kwautusi, kweni wanguti, “Ambuya akuchenye.”

Chivumbuzi 20:14

Ndipo nyifwa ndi Hadesi vingupong'eka mu nyanja ya moto. Yeniyi ndi nyifwa yachiŵi, nyanja yo ya moto.