Mateyu 5:19 - Tonga Bible 1986

¹⁹ Viyo yose yo wangaswa kamoza ka marangu yagha ghamanako, ndipo wangasambizga ŵanthu viyo, wadanikenge mumanako ukongwa mu Ufumu wa kuchanya: kweni yose yo wangachita ndi wangasambizga gho, mweniyo wadanikenge mura mu Ufumu wa kuchanya.

Mateyu 5:19 ပူးပေါင်းရင်းမြစ်များ

Sumu 119:128

Viyo ndirongozga michapu yangu mu virunguchizgu vinu vyose; nthowa zose ziheni nditinkha.

Sumu 119:6

Asani ndiphwere visimisimi vinu vyose, ipo kuti ndikalengeskekanga cha.

Danyele 12:3

Wo mbavinjeru ŵamuŵara nge nkhung'anima kwa mlengalenga; ndi wo ŵawezge ŵanandi ku urunji, nge ndi nyenyezi muyaya ndi muyaya.

Mateyu 11:11

Nadidi ndikuneniyani, mu ŵakupapika ndi ŵanthukazi kuti wayuka cha muraku kwakuruska Yohane Mbatizi: kweni mumanako yo mu ufumu wakuchanya ndi mura kwaku iyo.

Mateyu 19:28

Yesu wanguŵanene, “Nadidi ndikuneniyani, kuti imwe mwaŵakundirondo, mu charu chifya cho penipo Mwana wa munthu wajenge pa chitengo cha unkhankhu wake, namwe so mwazamuja pa vitengo chumi ndi viŵi, ŵakweruzga mafuku chumi ndi ghaŵi ghaku Yisraele.

Mateyu 20:26

Kuti kukaŵanga viyo cha mwaku imwe: kweni yose yo wakhumba kuŵa mura mwaku imwe, waŵenge mteŵeti winu;

Mateyu 28:20

ŵakuŵasambizga kuroreze vyose vyo ndalanguliya imwe: ndipo onani, ine nde namwe mazuŵa ghose mpaka ku umari wa mgonezi wo.”

Luka 1:15

Pakuti waŵenge mura pa maso gha Ambuya: ndipo vinyo ndi chikumwa chikari wangamwanga cha; ndipo wazazikenge ndi Mzimu Wakupaturika, kutuwa mu nthombo ya nyina.

Luka 11:42

“Kweni owe kwaku imwe, mwaŵaFarisi! Pakuti mupereka vyachichumi, nthenderu ndi vyema ndi sungwi yose, ndipo mujumpha cheruzgu ndi chanju vyaku Chiuta: kweni kungwenere kuchita vyenivi, ndi viya kuvireka cha.

Luka 9:48

ndipo wanguti kwaku wo, “Mweniyo yose wangaronde kana yaka pa zina laku ine, waronde ine: ndipo mweniyo yose wangaronde ine, waronde wakundituma: chifukwa mumanaku yo waku mose ndiyo waŵenge mura.”

Machitidu gha Ŵakutumika 1:1

Mu mazu ghakudanga gho, a Teofilo, ndingukonkhoska vyose vyenivyo Yesu wangwanda kuchita ndi so kusambizga,

ŴaRoma 3:8

Ndipo chifukwa chine tireka kukamba (nge ndimo titukikiya, ndi nge ndimo ŵanyake ŵatiti ifwe tikamba), tichitenge viheni, alinga vizenge vyamampha? Chisusa cha waviyo nchakurunjika.

ŴaRoma 6:1

Viyo tikatingenji? Kumbi tijaririyenge mu ulakwi, alinga kuti wezi wo ufurwe?

ŴaRoma 6:15

Na uli kumbi tilakwenge, pakuti kuti te pasi pa chilangulu cha, kweni pasi pa wezi? Kungaŵanga viyo cha!

Marangu 12:32

“Chinthu chose cho ndimulanguliyani mutenere kuphwere kuchita; mungasazgiyako pamwenga kutuzgako cha.

Marangu 27:26

“ ‘Watembeke yo kuti wazomerezga cha mazu gha dangu ili mu kughachita.’ Ndipo ŵanthu wose ŵanenenge, ‘Ameni.’

1 Timote 6:11

Kweni iwe, wa munthu waku Chiuta, thaŵa vyenivi, ndipo rondo urunji, uwopa Chiuta, chivwanu, chanju, unkhunthiya, upovu.

Tito 3:8

Ndamagomekezgeka nenedu lo, ndipo paku vyenivi ndikhumba ukokomezgepo iwe, alinga kuti wo ŵagomekezga maku Chiuta ŵaphwerenge kurongo milimu yeneko. Vyenivi ndivyo vyamampha ndi vyawanduzi ku ŵanthu:

1 Petro 5:4

Ndipo wachirongoleka Mliska mura yo, mwamronde ndumbu yambura mafoteka ya unkhankhu.

1 Yohane 3:4

Munthu yose yo wachita chilakwa, wachita uchikana marangu nawo so: ndipo chilakwa mbuchikana marangu.

Chivumbuzi 2:20

Kweni nde nako kakukususka iwe, kakuti utumulereska ŵaka munthukazi yo Yezebelu mweniyo watijitamula mchimi-munthukazi; ndipo wasambizga ndi warandizga ŵateŵeti ŵangu, kuti wachitenge ureŵi ndi kurgha vinthu vyakubayikiya vyangoza.

1 Samuele 2:30

Pa chifukwa ichi Ambuya Chiuta waku Yisraele watiti: ‘Ndingupangana kuti nyumba yako ndi nyumba ya ausu yendenge pa maso pangu muyaya’; kweni sono atiti Ambuya: ‘Chiŵe kutali ndi ine; pakuti wose wo atinditumbika ndikaŵatumbikanga, ndipo wose wo watindiyeya ŵakayuyulikanga.