Mateyu 5:18 - Tonga Bible 1986

¹⁸ Nadidi ndikuneniyani, mpaka kuchanya ndi panupasi virutenge, kweni kalembo kamoza kamwenga kadonthu kamoza kuti kangaruta cha kamu chilangulu, mpaka penipo vyose vyafiskika.

Mateyu 5:18 ပူးပေါင်းရင်းမြစ်များ

Sumu 102:26

Vyose vikamaranga, kweni imwe mukajaririyanga; vyose vikachujukanga nge vyakuvwara. Imwe mukavisinthanga nge ndi maraya, ndipo vikamaranga.

Sumu 111:8

Ngakujaririya muyaya; ghangupaskika mu uneneska ndi urunji.

Sumu 119:152

Kali ndikusambira ndi visimisimi vinu; ndipo mukuvijarika kuti vijaririye muyaya.

Yesaya 40:8

Uteka ufota, luŵa lisanduka; kweni mazu ghaku Chiuta widu ghakamanga muyaya.

Yesaya 44:26

mweniyo wakhozga mazu gha ŵateŵeti ŵake, ndipo wafiska fundu za mathenga ghake, mweniyo watiti gha paku Yerusalemu, ‘Wakajangamo ŵanthu,’ ndi gha mizi yaku Yuda, ‘Yikazengekanga; ndipo ndikasoskanga so malo ghawo gha mapopa’;

Yesaya 51:6

Soskiyani maso ghinu kuchanya, lereskani kusi kwa charu chapasi, pakuti machanya ghakawalanga uli ndi usi, charu chapasi chikachujukanga uli nchivwalo, ndipo ŵeniwo ŵaja mwaku cho ŵakafwanga uli mbuzuzu; kweni utaski wangu ukaŵanga wa muyaya, uwombozi wangu kuti ukamaranga cha.

Mateyu 10:15

Nadidi ndinene imwe, mu zuŵa la cheruzgu kuŵenge kwamakunthirikako ku charu cha Sodomu ndi Gomora, kwakuruska ku muzi muwa.

Mateyu 10:23

Ndipo ŵachimundondoroskani mu muzi uwu, thaŵiyani ku unyake; chifukwa nadi ndinene imwe kuti mukafiskanga mizi yose yaku Yisraele cha, wenga wandazi Mwana wa munthu.

Mateyu 10:42

Ndipo yose yo wangamweska yumoza wa ŵamana yaŵa chingana ndi chandi cha maji ghakuzizira mu zina la msambizi, ndikuneneskiyani, kuti wangataya mphotu yake cha.”

Mateyu 11:11

Nadidi ndikuneniyani, mu ŵakupapika ndi ŵanthukazi kuti wayuka cha muraku kwakuruska Yohane Mbatizi: kweni mumanako yo mu ufumu wakuchanya ndi mura kwaku iyo.

Mateyu 13:17

Chifukwa nadidi ndikuneniyani kuti ŵanandi ŵamchimi ndi ŵarunji ŵangunweka kuwona vyo mulereska, ndipo kuti ŵanguviwona cha; ndi kuvwa vyo mulereska, ndipo kuti ŵanguviwona cha; ndi kuvwa vyo mutuvwa, kweni kuti ŵanguvivwa cha.

Mateyu 16:28

Ndikuneneskiyani, Alipo ŵanyake ŵaku wo ŵatuma panu, wo kuti ŵesenge nyifwa cha, mpaka po ŵawona Mwana wa munthu wachiza mu ufumu wake.”

Mateyu 17:20

Iyo wanguŵanene, “Chifukwa cha chivwanu chinu chimana: chifukwa ndikuneneskiyani, asani mwenacho chivwanu nge ndi nje ya kamganje muneniyenge phiri ili, ‘Nyamuka panu kawi kuwa,’ linyamukenge; ndipo kanthu kose kuti katondekenge kwaku imwe cha. [

Mateyu 18:18

“Nadidi, ndikuneniyani, vyose vyo mumangenge panupasi, viŵenge vyakumangika kuchanya ndipo vyose vyo mufwatuwenge panupasi, viŵenge vyakufwatulika kuchanya.

Mateyu 18:3

Wanguti, “Inyadi ndikuneniyani, kwambura kuti mung'anamuka, ndi mutuŵa nge mbanamana, kuti muserenge mu ufumu wa kuchanya cha.

Mateyu 19:23

Ndipo Yesu wanguŵanene ŵasambizi, “Nadidi ndikuneniyani, nkhwaunononu msambasi kusere mu ufumu wa kuchanya.

Mateyu 19:28

Yesu wanguŵanene, “Nadidi ndikuneniyani, kuti imwe mwaŵakundirondo, mu charu chifya cho penipo Mwana wa munthu wajenge pa chitengo cha unkhankhu wake, namwe so mwazamuja pa vitengo chumi ndi viŵi, ŵakweruzga mafuku chumi ndi ghaŵi ghaku Yisraele.

Mateyu 21:21

Kweni wakwamuka Yesu wanguti, “Nadi ndikuneneskiyani, asani mungaŵa ndi chivwanu, ndi mungadonda cha, kuti muchitenge cho cha mkuyu wo pe cha, kweni chingana munganene phiri ili, ‘Uzulike ndi upong'eke mu nyanja,’ chikachitikanga.

Mateyu 21:31

Mwaku wo ŵaŵi njani wanguchita khumbu la awiske?” Watiti, “Wakudanga yo.” Yesu wanguŵanene, “Nadidi ndikuneniyani kuti ŵamsonkhu ndi ŵanthukazi ŵareŵi ŵakudanjiriyeninge mu ufumu waku Chiuta.

Mateyu 23:36

Nadidi ndikuneniyani, vyose ivi vizenge pa mgonezi uwu.

Mateyu 24:2

Kweni wakwamuka wanguŵanene, “Asi muwona vyose vyenivi? Ndikuneneskiyani, kuti usiyikengepo cha panu mwa pa mwa, wo urekenge kupong'eka pasi.”

Mateyu 24:47

Nadidi ndikuneniyani kuti wamuŵikenge pa vyake vyose.

Mateyu 25:12

Kweni wakwamuka wanguti, ‘Ndikuneniyani, kuti ndikuziŵani cha.’

Mateyu 25:40

Ndipo karonga yo wakwamuka wanenenge kwaku wo, ‘Ndikuneneskiyani, mwenimo munguchitiya yumoza waku wo ŵabali ŵangu, ŵamanako wo, munguchitiya ine.’

Mateyu 25:45

Sono waŵamukenge, wakuti, ‘Ndikuneneskiyani, mwakuti mwengavi kuchitiya yumoza waku wo ŵamanako kwakuruska, kuti munguchitiya ine cha.’

Mateyu 5:26

Nadidi ndikunene, kuti ungatuwamo ŵaka mwenimo cha, mpaka po walipa katambala kakumariya.

Mateyu 6:16

“Ndipo penipo pose mungafunga, mungaŵanga nge mbakufuvya cha, ŵakuzimbwachisku: chifukwa ŵazimbwiska visku vyawo alinga kuti ŵawoneke ku ŵanthu kuti mbakufunga. Nadidi ndikuneniyani, ŵakuronde mphotu yawo.

Mateyu 6:2

“Penipo uchita wezi, ungakuŵanga mbata cha paurongo pako, uli ndimo ŵachitiya ŵakufuvya mu masinagoge ndi mu zinthowa alinga kuti ŵarumbike ndi ŵanthu. Nadidi ndikuneniyani, ŵaronde mphotu yawo.

Mateyu 8:10

Ndipo pa kumuvwa, Yesu wanguzizwa, ndipo wanguti ku ŵakumrondo, “Inyadi ndikuneniyani chingana ndi mu Yisraele kuti ndasaniya cha, chivwanu chikuru chaviyo.

Marko 10:15

Ndikuneneskiyani, yose yo wangaronde ufumu waku Chiuta nge nkhana cha, kuti wangasere mwaku wo cha.”

Marko 10:29

Yesu wanguŵanene, “Ndikuneneskiyani, palive yumoza yo wasiya nyumba, pamwe ŵabali, pamwe ŵazichi, pamwe nyina, pamwe wiske, pamwe ŵana, pamwe minda, pa chifwa chaku ine ndi pa chifwa cha evangeli,

Marko 11:23

Ndikuneneskiyani kuti yose yo wanganene phiri ili. ‘Uzulike, ndi upong'eke mu nyanja,’ asani kuti wakangang'a mu mtima wake cha, kweni wavwana kuti cho warongoro chingachitika; ndi chikamuŵiyanga.

Marko 12:43

Ndipo pakujidaniya ŵasambizi ŵake wanguŵanene, “Ndineneske imwe, kuti choko ichi chikavu chatayamo kwakuruska wose ŵakutayamo mu chambiku cho:

Marko 13:30

Ndikuneneskiyani, mgonezi uno kuti ukarutanga waka cha, vyenga vindaŵepo vyose ivi.

Marko 14:18

Ndipo wachija pa gome ndi kurgha, Yesu wanguti, “Ndikuneneskiyani, yumoza waku imwe wandipachiyenge yo nayo waturgha nane pamoza.”

Marko 14:25

Ndikuneneskiyani, kuti nkhamwangapo so cha vya chipasi cha mphereska, mpaka zuŵa leniliya, penipo ndikamwanga lifya mu ufumu waku Chiuta.”

Marko 14:30

Ndipo Yesu wangumnene, “Ndikuneneske kuti le, usiku uno, tambala wandakokoŵereke kaŵi, iwe undikanenge katatu.”

Marko 14:9

Ndipo ndikuneneskiyani, kweniko kose limemezekenge evangeli mu charu chose, ichi nacho cho wachita uyu, chikataulikanga, uli nchikumbusku chaku cho wachita.”

Marko 3:28

“Nadidi ndikuneniyani, vilakwa vyose virekekiyenge pa ŵana ŵa ŵanthu, ndi matuka ghenigho ŵangatuka?

Marko 6:11

Ndipo ku malo kose ko ŵareka kukurondeni, chingana nkhukuvwani, muchituwa kweniko, kung'unthani fuvu la kusi ku marwayo ghinu, nge nchisimisimi kwaku wo.”

Marko 8:12

Wakutamantha ukongwa mu mzimu wake, watiti, “Mgonezi uno upenjiyanji chisimikizgu? Nadidi ndinene imwe, kuti chipaskikenge chisimikizgu ku mgonezi uno cha.”

Marko 9:1

Ndipo wanguti kwaku wo, “Nadidi ndikuneniyani, Alipo ŵanyake ŵaku wo ŵatuma panu wo kuti ŵakesanga nyifwa cha, mpaka po ŵawona ufumu waku Chiuta uchiza ndi nthazi.”

Marko 9:41

Chifukwa yose yo wangamweska imwe nkhombo ya maji mu zina lakuti mwe ŵaku Kristu, ndikuneneskiyani kuti watayenge mphotu yake cha.

Luka 11:51

Kutuwa ku ndopa zo zaku Abelu mpaka ku ndopa zaku Zekariya, yo wangubayika pakati pa jochero lo ndi yo nyumba: inyadi, ndikuneniyani, zilembezekenge ku mphapu iyi.

Luka 12:37

Mbamwaŵi ŵaŵanda yaŵa ŵeniwo mbuya yo, wakuti waza, waŵasaniyenge mbakukhazga; nadidi ndikuneniyani, kuti wajichinyiyenge ndi waŵajarikenge pa kurgha, ndi wazamkuŵamiriya.

Luka 13:35

Awonani yijowoleke imwe nyumba yinu: ndipo ndikuneniyani, kuti mundiwonenge so cha, mpaka mwazamkamba, ‘Ngwakutumbikika yo watuziya mu zina la Mbuya.’ ”

Luka 16:17

Kweni nkhuyuyu kuti kuchanya ndi pasi virute, kwakuruska kuti kadonthu ka langulu lo kangapereŵe.

Luka 18:17

Ndikuneneskiyani, yose yo warekenge kuronde ufumu waku Chiuta nge nkhana, kuti wangasere mwaku wo cha.”

Luka 18:29

Ndipo iyo wanguŵanene, “Ndikuneneskiyani, Palive yumoza mweniyo warekenge nyumba, pamwenga muwoli, pamwenga ŵabali, pamwenga ŵapapi, pamwenga ŵana, pa chifukwa cha ufumu waku Chiuta,

Luka 23:43

Ndipo wanguti kwaku iyo, “Nadi ndikunene, le uŵenge mu Paradiso pamoza nane.”

Luka 4:24

Ndipo wanguti, “Nadidi ndinene imwe, Palive mchimi wamarondeka mu charu cha kwake.

Yohane 1:51

Ndipo wangumnene, “Nadidi, ndikuneneskiyani, muwonenge kuchanyakujurika, ndi ŵangelo ŵaku Chiuta ŵakwera ndi kusikiya pa Mwana wa munthu.”

Yohane 10:1

“Nadi, nadi ndikuneneskiyani, yo wareka kuserere pa khomo mu likutu la mberere, kweni wakwere kunyake, mweniyo ndi munkhungu ndi wakuphananga.

Yohane 10:7

Viyo Yesu wanguŵanene so, “Nadidi ndikuneniyani, ine ndine khomo la mberere.

Yohane 12:24

Nadidi ndikuneneskiyani, kwambura kuti nje ya trigu yawa mu charu ndi kufwa, yijaririya yija pe, kweni asani yingafwa, yipasa vipasi vinandi.

Yohane 13:16

Nadidi ndikuneneskiyani, Muŵanda kuti ndi mraku ku Mbuyake cha; chingana ndi nthumi kuti njiraku ku wakuyituma cha.

Yohane 13:38

Watamuka Yesu, “Kumbi uŵikiyenge pasi umoyo wako pa chifwa chaku ine? Nadidi ndikuneneske, kuti wakokoŵerekenge cha tambala, mpaka iwe wandikana katatu.

Yohane 14:12

“Nadidi ndikuneneskiyani, wakuvwana mwaku ine, nchitu zo ine ndichita, wachitenge iyo nayo; ndipo zikuru zakuzungura izi wakachitanga; chifukwa ine nditiya ku Dada.

Yohane 16:20

Nadidi ndikuneneskiyani, muliyenge ndi mutenjenge imwe, kweni charu chikondwenge: muchitenge chisungu imwe, kweni chisungu chinu, chisandukenge chimwemwe.

Yohane 16:23

Ndipo mu zuŵa liya kuti mundifumbenge kanthu cha. Nadi ndikuneneskiyani, asani mwazampempha Ada kanthu, mu zina langu wazamkukupaskani.

Yohane 21:18

Nadidi ndikuneneske, Penipo wenga wampupuka, wajichinyiriyanga wija, ndipo wendayendanga ko wakhumbanga; kweni utakuti wakota, ukatambasuwanga manja ghako, ndipo munyake wakaghanaghananga, ndipo wamkukutole kweniko iwe ulive kukhumba.”

Yohane 3:11

Nadi, ndikuneneske, tirongoro cho tiziŵa, ndipo chenicho tawona tisimikizga; kweni chisimisimi chidu kuti muronde cha.

Yohane 3:3

Wangwamuka Yesu wangumnene, “Nadi, nadi, ndikuneneske, munthu kuti waziŵa cha kuwona Ufumu waku Chiuta kwambura kuti wapapika so.”

Yohane 3:5

Wangwamuka Yesu, nadi, ndikuneneske, “Kwambura kuti munthu wapapika ndi maji ndi Mzimu, kuti waziŵa cha kusere mu Ufumu waku Chiuta.

Yohane 5:19

Yesu wanguŵamuka wanguŵanene, “Nadidi, ndikuneneskiyani, Mwana walive nthazi kuchita kanthu pa khumbo lakuyija, kweni keniko wawona Dada wachita: chifukwa vyenivyo wachita Dada, vyenivyo ndivyo Mwana wachita kwakulingana.

Yohane 6:26

Yesu wanguŵamuka, ndi wanguti, “Nadidi ndikuneneskiyani, mutindilembe, chifukwa munguwona visimikizgu cha, kweni chifukwa mungurgha viŵande vyo, ndi munguguta.

Yohane 6:32

Wanguŵanene Yesu, “Nadidi ndikuneneskiyani, kuti ndi Mosese yo wangukupaskani chiŵande cho chakutuwa kuchanya cha; kweni Ada ndiwo atukupaskani chiŵande chenecho chakutuwa kuchanya.

Yohane 6:47

Nadidi ndikuneneskiyani, Wakuvwana we ndi umoyo wamuyaya.

Yohane 6:53

Yesu wanguŵanene, “Nadidi ndikuneneskiyani, kwambura kuti muturgha nyama ya Mwana wa munthu ndi mutumwa ndopa zake, mulive umoyo mwaku imwe.

Yohane 8:34

Yesu wanguŵamuka, “Nadidi ndikuneneskiyani, yose wakuchita chilakwa, ndi muŵanda wachilakwa cho.

Yohane 8:51

Nadidi ndikuneneskiyani, asani yumoza wangasunga mazu ghangu, kuti wamuwona nyifwa cha.”

Yohane 8:58

Wanguŵanene Yesu, “Nadidi ndikuneneskiyani, wenga wandawe Abrahamu, ine ndiriko.”

1 Petro 1:25

kweni nenedu lo la Mbuya lijaririya muyaya.” Ndipo lenili ndi nenedu lenilo litaulikiya kwaku imwe.

Chivumbuzi 20:11

Ndinguwona chitengu-chaufumu chikuru ndi chituŵa, ndi mweniyo wajanga paku cho, ku chisku chaku mweniyo vinguthaŵako pasi ndi kuchanya; ndipo kuti malo ghangusanirikiya ivyo so cha.