Mateyu 5:17 - Tonga Bible 1986

¹⁷ “Mungarunguruka cha kuti ndaziya kuzachinanga chilangulu cho chingana mbamchimi; kuti ndaziya kuzachinanga cha, kweni kuzachifiska.

Mateyu 5:17 ပူးပေါင်းရင်းမြစ်များ

Yesaya 42:21

Ambuya angukondwa, chifukwa cha urunji wawo, kutumbika dangu lawo ndi kulikankhuska.

Mateyu 3:15

Kweni wakwamuka Yesu wangumunene, “Inya kuŵi viyo: chifukwa nkwakwenere ifwe kufiska urunji wose.” Sono wangumzomerezga.

Mateyu 7:12

Viyo vyose vyo mungakhumba kuti ŵanthu ŵachitiye imwe, namwe so muchitiye iwo kwakulingana: chifukwa chenichi nchilangulu cho ndi ŵamchimiwo.

Luka 16:17

Kweni nkhuyuyu kuti kuchanya ndi pasi virute, kwakuruska kuti kadonthu ka langulu lo kangapereŵe.

Yohane 8:5

Ndipo mu langulu lidu Mosese wangutilanguliya kumupong'a mya waviyo kuti wafwe. Kweni imwe, na, mutitinji ndi iyo?”

Machitidu gha Ŵakutumika 18:13

ŵakuti, “Mwenuyu wakopa ŵanthu kusopa Chiuta kwakupambana ndi chilangulu.”

Machitidu gha Ŵakutumika 21:28

ŵakukambura kuti, “Mwaŵa Yisraele, tovyeni: mwenuyu ndi munthu, yo wasambizga ŵanthu wose kosekose kumikana ndi khamu ndi chilangulu ndi malo ghano; ndipo so waŵatole ŵaGriki nawo muno mu kasopi ndi wakazuzga malo ghano ghakupaturika.”

Machitidu gha Ŵakutumika 6:13

ndipo ŵangumika ŵakaboni ŵatesi, wo ŵanguti, “Munthu mwenuyu kuti wareka cha kukamba mazu pa malo ghano ghakupaturika ndi pa chilangulu;

ŴaRoma 10:4

Chifukwa kwaku yose wakuvwana Kristu mbumari wa langulu laku urunji.

ŴaRoma 3:31

Viyo ndi chivwanu tiwayuwa chilangulu kumbi? Kungaŵanga viyo cha! Kweni tikhozga chivwanu.

ŴaRoma 8:4

Chiuta wanguchita yichi mwakuti cha urunji cha langulu chifiskike mwaku ifwe, taŵeni fweti ja kwakuyana ndi Mzimu, kwakuyana ndi kaŵiro ka unthu cha.