19 Wanguti kwaku wo, “Rondoni ine, ndipo nkhakuchitaninga ŵarovi ŵa ŵanthu.”
Yesu wanguŵanene ŵasambizi ŵake, “Asani yumoza wakhumba kuza kuvuli kwangu, wajikanizge, wato mphinjika yake, ndi wandirondo.
Wangumnene Yesu. “Asani unkhumba kuŵa wakukongora, kanga, kasaske vyo we navyo, paska ku ŵakavu, ndipo uŵenge ndi mbiku kuchanya; ndipo zanga, rondo ine!”
Ndipo wachenda mumphepete mu nyanja ya Galile, wanguwona ŵabali ŵaŵi, Simoni wakuzumbulika Petro, ndi Andreya mhurwa wake, ŵakupong'a mikwau mu nyanja; pakuti ŵenga ŵarovi.
Ndipo iwo ŵakusiya mikwau, sosonukweni ŵangumurondo.
Kweni Yesu wangunena nayo, “Rondo ine, uŵaleke ŵakufwa kuŵika ŵakufwa ŵaku ŵija.”
Ndipo wachirutiriyapo Yesu wanguwona munthu, wakudanika Mateyu, wakuja pa nyumba yakusonkhiyapo msonkho; ndipo wangumunene, “Rondo ine.” Ndipo wangusoka, wangumrondo.
Ndipo wachirutiriyapo wanguwona Levi, mwana waku Alifeyu, pasi je pa malo gha msonkho, ndipo watiti kwaku iyo, “Rondo ine!” Ndipo wangusoka, wangumrondo.
Ndipo pavuli paku vyenivi wangutuwa, ndipo wanguona wamthulu, zina lake Levi, wakuja pa malo gha mthulu, ndipo wangumunene, “Rondo ine.”
Ndipo wanguti ku wamwenga, “Rondo ine.” Kweni iyo wanguti, “Ambuya, ndizomerezgeni kuruta danga kwachiŵika ŵada.”
Ndi mlenji wangukhumba Yesu kuruta ku Galile, ndipo wangusaniya Filipu: wangumnene, “Rondo ine!”
asani yumoza watinditeŵete, wandirondonge; ndipo ko nde ine, kweniko waŵenge mteŵete wangu nayo: asani yumoza watinditeŵete, Ada amrumbenge.
Yesu wangunena nayo, “Asani ndingakhumba kuti waje ndi umoyo mpaka po ine nthuza, nchine kwaku iwe? Iwe, rondo ine.”
Nanga kunguŵaviyo, ine kuti ndingumzitiskani cha; kweni pakuŵa muchenjezi ndingukukoleni mu uchenjezi!