Mateyu 27:57 - Tonga Bible 1986

⁵⁷ Kweni kwati kwaŵa mazuro wanguza munthu msambasi waku Arimataya, zina lake Yosefe, mweniyo nayo wenga mzambizi waku Yesu.

Mateyu 27:57 ပူးပေါင်းရင်းမြစ်များ

Yesaya 53:9

Ndipo ŵanguchita muunda wake pamoza ndi ŵaheni, ndi pamoza ndi ŵakupatika mu nyifwa yake, chingana iyo wengavi kuchita chiwawa, ndipo mwengavi urghargha mu mlomo wake.

Mateyu 27:58

Wanguza kwaku Pilato, ndipo wangupempha thupi laku Yesu. Sono Pilato wangulangula kuti liperekeke.

Marko 6:29

Ndipo ŵati ŵavwa ŵasambizi ŵake ŵanguza, ŵanguto thupi lake, ndipo ŵanguliŵika mu muunda.

Machitidu gha Ŵakutumika 13:29

Ndipo penipo ŵangufiska vyose vyakulembeka paku iyo, ŵangumpauwako ku mphinjika, ndipo ŵangumuŵika mu muunda.

1 Samuele 1:1

Kwenga munthu yumoza waku Ramataimi-zofimu mu phiri laku Efraimu, yo zina lenga Elkana mwana waku Yerohamu, mwana waku Elihu, mwana waku Tohu, mwana waku Zufu, mwina Efraimu.

1 Samuele 7:17

Pavuli wanguwere ku Rama, pakuti nyumba yake yenga kweniko, ndipo ndikwenikuwa so ko waperekiyanga cheruzgu ku ŵaYisraele. Ndipo wanguzengako jochero la sembe la Ambuya.