Mateyu 27:52 - Tonga Bible 1986

⁵² miunda yingubanuka; ndipo mathupi ghanandi gha wakupaturika wo ŵangura, ghanguyuskika,

Mateyu 27:52 ပူးပေါင်းရင်းမြစ်များ

2 ŴaKaronga 13:21

Ndipo nyengo yimoza po ŵaŵikanga munthu wakufwa, ehe, kabungwi ka ŵachivwamba kanguburika ndipo chitanda cho ŵanguchitaya mu muunda waku Elisha, ndipo penipo chitanda cho chingukwaska viwanga vyaku Elisha, wakufwa yo wanguyuka, wanguma jo.

Yesaya 25:8

Akameziyanga limu nyifwa muyaya, ndipo Ambuya Chiuta wakaleskanga masozi ku visku vyose, ndipo soni ya ŵanthu ŵake wakatuzgangamo mu charu chose chapasi; pakuti Ambuya ndiwo akamba.

Yesaya 26:19

Ŵakufwa ŵinu ŵakaŵanga ŵamoyo, maliŵavu ghawo ghakayukanga. Okwe mwa ŵakuja mu fuvu imwe! Yukani, mbani gha chimwemwe! Pakuti dungwi linu ndi dungwi la ukweru, ndipo charu chikatoriyanga so ku umoyo mizimu yaku wo ŵakufwa kale.

Danyele 12:2

Ndipo ŵanandi wo ŵagona mu fuvu la charu ŵayukenge, ŵanyake ku umoyo wa muyaya, ndi ŵanyake ku soni, ndi chilengesku cha muyaya.

Hoseya 13:14

Kumbi nkhaŵawombonga ku nthazi ya muunda? Kumbi nkhaŵawombonga ku nyifwa? Wa nyifwa we, urwirwi wako we pani? Wa muunda we, kuparghang'a kwako kwe pani? Lisingu labisika ku maso ghangu.

Yohane 11:11

Vyenivi wangukamba: ndipo pavuli watiti kwaku wo, “Lazaro, bwezi lidu, wara tulo; sono ndiruta alinga kuti ndikamuyuske ku tulo.”

Machitidu gha Ŵakutumika 7:60

Ndipo pakupeta makongonu, wangukambura ndi liu likuru, “Ambuya, mungaŵaŵikiya ulakwi uwu cha.” Ndipo wanguti wakamba ichi, wangura.

1 ŴaKorinte 11:30

Chifukwa chenichi ŵanandi mbakutomboroka ndi mbarwali mwaku imwe, ndipo ŵanandi ŵara tulo.

1 ŴaKorinte 15:20

Kweni sono wayuskika Kristu ku ŵakufwa, mruwuku waku wo mbakura.

1 ŴaKorinte 15:51

Awonani, ndikukambiyani mangari. Tose kuti tamura cha, kweni tamsanduskika,

1 ŴaTesalonika 4:14

Chifukwa asani tivwana kuti Yesu wangufwa ndi wanguyuka, viyo so Chiuta, mwaku Yesu, waŵatoliyenge pamoza nayo wo mbakura tulo.

1 ŴaTesalonika 5:10

yo wangutifwiya, alinga kuti, chingana ticherezga, chingana tira, tiŵenge ŵamoyo pamoza nayo.