39 Ndipo ŵarutanjiya ŵamtukanga, ŵakupukung'a mitu yawo,
Agha ndigho mazu Ambuya akamba gha paku iyo: Watikuyuyuwani, watikutukani imwe mwa ŵanthu ŵaku Zioni; wapukung'a mutu wake ku msana kwinu mwa ŵanthu ŵa Yerusalemu.
Ine nani ndingaziŵa kukamba nge ndiwe, asani wenga mu malo ghangu, ndatinge ndikambenge mazu ghanandi ghakumikana ndi iwe, ndi kupukung'a mutu paku iwe.
Chifukwa Chiuta wafwatuwa mkoŵa wangu ndi wandiyuyuwa, watijiko cha panthazi pango.
Ŵanthu ŵaheni ndi ŵatesi ŵandizinga, ŵakamba ghakupusika paku ine.
Ndaŵa chisunjizgu ndi chakusekeka ku ŵakupindikana nane; ŵachindiwona, ŵapukung'a mitu yawo.
Ndingaziŵa kuŵerenga viwanga vyangu vyose; iwo ŵalereska ŵatindithwanukiya;
Kusunjizgika kwaswa mtima wangu, ndaguluruka nthazi. Ndingugomezga kuti ndiwonenge ŵalisungu, kweni kwengavi nanga njumoza; ndalereze ŵakusangaruska, kweni kuti ndaŵasaniya cha.
“Kumbi nchaŵaka ichi kwaku imwe, imwe mose mwaŵakujumphapo? Lereskani, ndipo wonani vinu chilipo chitima chinyake chakuyana ndi chitima changu cho chingutoleke paku ine, chenicho Ambuya andisuzga nacho pa zuŵa la kukwiya kwawo kwakofya.
Penipo ŵangupayikika pamoza nayo ŵakupoka ŵaŵi, yumoza ku marghe ndi yumoza ku maze.
Ndipo vinandi vinyake ŵanenanga paku iyo, ŵakumtuka.