Mateyu 27:19 - Tonga Bible 1986

¹⁹ Kweni wachija iyo pa chakweruzgiyapo, muwoli wake wangumutumiya mazu, wakuti, “Uŵevi kanthu ndi murunji mweniyo; chifukwa le mu lotu ndakomwiyapo vinandi pa chifwa chake.”

Mateyu 27:19 ပူးပေါင်းရင်းမြစ်များ

Chiyambo 31:11

Sono mungelo waku Chiuta wanguti kwaku ine mu loto, ‘Yakobe,’ ndipo ndinguti, ‘Nde pano!’

Chiyambo 31:24

Kweni Chiuta wanguza kwaku Labani mu Aramu yo mu loto ndi usiku, ndi wanguti kwaku iyo, “Chenje ungakamba cha mazu nanga ngamoza kwaku Yakobe, nanga ngamampha pamwenga ghaheni.”

Chiyambo 31:29

Nkhwangu kwaku ine kukuchitiya chiheni; kweni Chiuta wa ausu waŵereŵeta nane usiku waruta, kuti, ‘Chenje ungakamba kwaku Yakobe kamampha pamwenga kaheni cha.’

Nthanthi 29:1

Mweniyo wasuskika kaŵikaŵi kweni wangangamika mbwenu khosi lake wakaswekanga kwamabuchibuchi wambura machizgika.

Yesaya 53:11

wakawonanga chipasi chakutuwa musuzgu ya mzimu wake ndipo wakhorwenge; ndi zeru yake mteŵeti wangu murunji, wakanyoroskanga ŵanandi kuti ŵapimike ŵarunji; ndipo wakanyamuwanga mauheni ghawo.

Zekariya 9:9

Sekereni ukongwa, mwa ŵanthu ŵaku Zioni! Kamburani ukongwa, mwa ŵanthu ŵaku Yerusalemu! Wonani, karonga wino watuza kwinu, ndi murunji wendi utaski, ngwakuzika, wakwera pa mbunda, pa mwana wa mbunda yinthukazi.

Maŵerengedu 12:6

Ambuya anguti, “Tegherezgani mazu ghangu: Asani mwe mchimi mukati mwinu, ine Ambuya nditumuziŵiska kuti ndiripo mu chiwona, ndirongoro nayo mu loto.

Mateyu 1:20

Kweni powenga weche kughanaghana ndi ichi, wonani, mungelo wa Ambuya wangumwoneke mu loto, wakuti, “Yosefe, mwana waku Davidi, ungopanga cha kumto Mariya muwoli wako; chifukwa cho chazuwuka mwake nchaku Mzimu Wakupaturika.

Mateyu 2:19

Kweni wati wafwa Herode, wonani mungelo wa Ambuya mu loto wangumwoneke Yosefe mu Egipiti, wakuti,

Mateyu 2:22

Kweni pakuvwa kuti Arkelao wausanga mu Yuda mu malo ghaku Herode awiske, wangopa kuya kweniko; kweni pakuchenjezgeka mu loto, wangulazgiya ku mphaka za Galile.

Mateyu 27:18

Chifukwa wanguziŵa kuti nchifukwa cha chiŵinu ndichu ŵangumpereke.

Mateyu 27:24

Ndipo Pilato, pakuwona kuti wengavi kovya kanthu, kweni ukongwa kuti chichitika chiwawa, wanguto maji, wangusamba mu manja paurongo pa mzinda wo, wakuti, “Nde wambura kalema ku ndopa za murunji uyu: kweniko mwaŵeni!”

Mateyu 27:4

wakuti, “Ndalakwa, ndawakupachiya ndopa zizirakalema.” Kweni iwo ŵatinge, “Nchine, kwaku ifwe? Kweniko wamweni.”

Luka 23:41

Ndipo ifwe nadi nchakutenere pakuti tironde vyakwenere vyenivyo tachita: kweni uyu walive kuchita kanthu kakusovya.”

Luka 23:47

Ndipo nduna yo, yichiona cho chinguŵapo, yamkankhuskanga Chiuta, yakuti, “Nadidi munthu mwenuyu wenga murunji.”

Yohane 19:13

Viyo pakuvwa mazu yagha Pilato wangutole Yesu kubwaro, wanguja pasi pa chakweruzgiyapo, mu malo ghakuzumbulika, mphara yamya, kweni mu chiHebre, Gabata.

Machitidu gha Ŵakutumika 12:21

Ndipo pa zuŵa lakutemeka Herode, wakuvwara kavwaridu kaufumu, wanguka pa chakweruzgiyapo cho, ndipo wangukamba nawo.

Machitidu gha Ŵakutumika 18:12

Ndipo pakuŵa Galio kazembe waku Akhaia, ŵaYuda ndi mtima umoza ŵangumyukiya Paulo, ndipo ŵangumtole ku mphara yakweruzgiyapo,

Machitidu gha Ŵakutumika 18:16

Ndipo wanguŵadikiskamo mu mphara yo.

Machitidu gha Ŵakutumika 18:17

Ndipo wose ŵanguko Sosthene mura yo wa sinagoge, ndipo ŵangumpuma paurongo pa mphara. Ndipo Galio wengavi kuphwere kanthu kose paku vyenivi.

Machitidu gha Ŵakutumika 25:10

Kweni Paulo wanguti, “Ndituma paurongo pa chitengu chakweruzgiyapo chaku Kaisare, kweniko nditenere kweruzgika: ŵaYuda ndirive kuŵachitiya kanthu kaheni, mo imwe namwe muziŵiya umamphavi.

Machitidu gha Ŵakutumika 25:17

Viyo ŵachiungirana pamoza panu, kuti ndinguswera cha, kweni lamlenji ndinguja pa chitengu chakweruzgiyapo, ndipo ndingulangula kuti watoleke munthu yo.

Machitidu gha Ŵakutumika 25:6

Ndipo wati watandara mwaku wo mazuŵa ghakuruska ghankhonde ndi ghatatu pamwenga chumi, wangusikiya ku Kaisarea; ndipo pa lamlenji, pakujapo pa chitengu chakweruzgiyapo, wangulangula kuti Paulo watoleke.

1 Petro 2:22

Iyo wengavi kuchita chilakwa, chingana nkhuti lingusanirika fuvyu mu mlomo wake cha;

1 Yohane 2:1

Mwatwana twangu, ndikulembiyani vyenivi kuti mungalakwa cha. Ndipo asani munthu wangalakwa, nkhoswi te nayo ku Dada, Yesu Kristu murunji yo: