Mateyu 26:74 - Tonga Bible 1986

⁷⁴ Sono wangwamba kutemba ndi kurapa, kuti, kuti, “Ndimziŵa cha yo munthu.” Ndipo sosonukweni wangukokoŵereka tambala.

Mateyu 26:74 ပူးပေါင်းရင်းမြစ်များ

Mateyu 10:28

Ndipo mungopanga cha ŵakubaya liŵavu, kweni mbakuwara nthazi kubaya mzimu: ukongwa mopenge yo ngwanthazi kwananga mzimu nawo ndi liŵavu mu gehena.

Mateyu 26:34

Yesu wanguti kwaku iyo, “Nadidi ndikunene, kuti usiku uno wandakokoŵereke tambala, undikanenge katatu.”

Mateyu 26:73

Jepu kamanavi wo ŵangumapo ŵanguza, ndipo ŵangunena ndi Petro, “Kwakuneneska iwe nawe we waku wo; chifukwa karongoroledu kako katukupanikizga.”

Mateyu 26:75

Ndipo wangukumbuka Petro mazu ghaku Yesu, ghakuti, “Wandakokoŵereke tambala, undikanenge katatu.” Ndipo wakutuliya kubwaro, wanguliya kwakuŵaŵa.

Mateyu 27:25

Ndipo khamu lo lose lakwamuka, linguti, “Ndopa zake ziŵe paku ifwe ndi pa ŵana ŵidu!”

Marko 14:30

Ndipo Yesu wangumnene, “Ndikuneneske kuti le, usiku uno, tambala wandakokoŵereke kaŵi, iwe undikanenge katatu.”

Marko 14:68

Kweni wangukana iyo, wakuti, “Kuti ndiziŵa, chingana nkhuwamu cha, cho ukamba.” Ndipo wangutuliya ku khonde;

Luka 22:60

Kweni Petro wanguti, “Wamunthu, kuti ndiziŵa cha chenicho ukamba.” Ndipo sosonukweni wachirongoro iyo, tambala wangukokoŵereka.

Yohane 18:27

Kweni Petro wangukana mbwenu: ndipo sosonukweni tambala wangukokoŵereka.

ŴaRoma 9:3

Chifukwa ndingakhumba mphanyi kuti ine ndamweni ndiŵe wakutembeka kwaku Kristu pa chifukwa cha ŵabali ŵangu, ŵachikazi ŵanyangu kuchiri ku liŵavu:

1 ŴaKorinte 16:22

Asani munthu wareka kwanja Ambuya, waŵe wakutembeka. Ambuyafwe ŵatuza.

Chivumbuzi 3:19

Ŵeniwo wose nditanja, ndituŵachenya ndikuŵalanga: viyo pamphuka, ndi ng'anamuka.

Ŵeruzgi 17:2

Ndipo uyu wanguti ku nyina, vya siliva chikwi chimoza ndi machumi pe chumi (1,100) vingutoleka kwinu, vyo mungukambiyapo thembo lo ndingulivwa ndi ine, ehe, siliva yo wendi ine, “Ndine ndinguto.” Ndipo anyina ŵanguti “Wakutumbikika waŵe mwana ku Ambuya.”

Ŵeruzgi 21:18

Kweni kuti tingaŵapaska ŵana ŵidu ŵanthukazi kuŵa ŵawoli cha.” Chifukwa ŵaYisraele ŵangurapa, “Watembeke yo wakapaskanga muwoli wake kwaku Benjamini.”