Mateyu 26:72 - Tonga Bible 1986

⁷² Ndipo wangu­kana so ndi rapu, “Kuti ndimziŵa yo munthu cha.”

Mateyu 26:72 ပူးပေါင်းရင်းမြစ်များ

Chituwa 20:7

“Ungazumbuwanga sina la Ambuya Chiuta wako kwa ŵaka cha; pakuti Ambuya kuti akamurekanga wambura kalema cha yo wazumbuwa ŵaka zina la wo.

Yesaya 48:1

Ivwa ichi, wa nyumba yaku Yakobe we, imwe mudanika ndi zina laku Yisraele, ndi imwe mungutuwa mu viunu vyake Yuda, imwe murapa pa zina la Ambuya, ndi kuzomera Chiuta waku Yisraele, kweni mu uneneska pamwenga kwakurunjika cha.

Zekariya 8:17

rekani kughanaghaniyana uheni yumoza ndi munyake mu mtima winu, munganjanga kurapa utesi, chifukwa vinthu ivi vyose nditinkha, atiti Ambuya.”

Malaki 3:5

“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.

Mateyu 26:71

Ndipo wati watuliya kubwaro ku likomu, munthukazi munyake wangumuwona, ndipo watiti kwaku wo ŵenga kweniko, “Mwenuyu nayo wenga pamoza ndi Yesu waku Nazarete.”

Mateyu 26:73

Jepu kamanavi wo ŵangumapo ŵanguza, ndipo ŵangunena ndi Petro, “Kwakuneneska iwe nawe we waku wo; chifukwa karongoroledu kako katukupanikizga.”

Mateyu 26:74

Sono wangwamba kutemba ndi kurapa, kuti, kuti, “Ndimziŵa cha yo munthu.” Ndipo sosonukweni wangukokoŵereka tambala.

Luka 22:34

Ndipo iyo wanguti, “Ndikunene, Petro, kuti tambala wenga wandakokoŵereke usiku uno undikanenge katatu, kuti ulive kundiziŵa.”