Mateyu 26:56 - Tonga Bible 1986

⁵⁶ Kweni chose ichi chaŵapo, alinga kuti makani gha ŵamchimi ghafiskike.” Sono wasambizi wose, ŵangumusiya, ŵanguthaŵa.

Mateyu 26:56 ပူးပေါင်းရင်းမြစ်များ

Chiyambo 3:15

Ndikaŵikangapo umawongo pakati pako ndi munthukazi, ndi pakati pa mphapu yako ndi mphapu yake; iyo watemenge mutu wako, ndipo iwe utemenge chitende chake.”

Yesaya 44:26

mweniyo wakhozga mazu gha ŵateŵeti ŵake, ndipo wafiska fundu za mathenga ghake, mweniyo watiti gha paku Yerusalemu, ‘Wakajangamo ŵanthu,’ ndi gha mizi yaku Yuda, ‘Yikazengekanga; ndipo ndikasoskanga so malo ghawo gha mapopa’;

Chitenje 4:20

Muvuchi wamu mphunu zidu ifwe tawakupakika wa Ambuya, ungutoleka mu mazenje ghako, iyo mweniyo tingumukamba, “Pasi pa chiduzi chake tikawanga wamoyo mu wamitundu.”

Danyele 9:24

“Ŵasabata machumi ghankhonde ndi ghaŵi ŵa virimika ŵamikikiya pa ŵanthu ŵako ndi msumba wako wakupaturika, kumarizga maubudi ndi kumara ulakwi, ndi kupepeske uchikana marangu, ndi kwazachiserezga urunji wa muyaya, kuzighiriya ivi, chiwona ndi uchimi, ndi kudira mafuta pa malo ghakupaturika ukongwa.

Danyele 9:26

Ndipo pavuli pa ŵasabata machumi ghankhonde ndi limoza pachanya ŵaŵi (62) wakupakika yo walikhikenge, ndi wakaŵangavi kanthu; ndipo ŵanthu ŵa karonga ŵatuza ŵabwanganduwenge msumba ndi malo ghakupaturika; umari wake ukazanga ndi zandi, ndi ku umari kwake kuŵenge nkhondo; maphasulu ghalangulika.

Zekariya 13:7

“Yuka, lipanga, pa mliska wangu, pa munthu yo watuma pafupi ndi ine,” atiti Ambuya ŵa maŵanja. “Koso mliska, kuti mberere zimbininike; ndiwezgiyenge janja langu pa zimana-zimana.

Mateyu 21:42

Yesu watiti kwaku wo, “Kumbi kali kose mundaŵerenge mu malembo: ‘Mwa wo ŵakuzenga nyumba ŵanguwukana, weniwo waŵa mutu wa nyondu: ichi ndi nchitu ya Ambuya. Ndipo nchakuziziswa mu maso ghidu?’

Mateyu 26:24

Kweni Mwana wa munthu waruta, uli ndimo kwalembeke ndi iyo; kweni owe ku munthu yo mweniyo Mwana wa munthu wapachirika nayo! Kwenga kwamampha kwaku iyo, asani wengavi kupapika.”

Mateyu 26:31

Sono Yesu wanguti kwaku wo, “Imwe mose muguŵiskikenge mwaku ine usiku uno: chifukwa kwalembeka, ‘Ndikosonge mliska, ndipo ziparghanikenge mberere za mskambu.’

Mateyu 26:54

Kweni na ghangafiskika uli malembo gho, kuti kutenere kuŵa viyo?”

Yohane 16:32

Awonani, ora lituza, ndipo nadi lafika, lakuti mumbininikenge imwe munthu yose ku nyumba yake, ine mundisiyenge ndija: ndikweni kuti nde ndija cha, pakuti Ada we nane pamoza.

Machitidu gha Ŵakutumika 1:16

“Mwaŵanthu mwa ŵabali, lingwenere kufiskika lembo lo, lenilo Mzimu Wakupaturika wangukambiya limu mu mlomo waku Davidi la paku Yuda, yo wenga chirongozgi kwaku wo ŵangumko Yesu.

Machitidu gha Ŵakutumika 2:23

mwenuyu Yesu, wati wakomboleke mu khumbu lakutemeka ndi mziŵirulimu waku Chiuta, mungumpayika ndi manja gha ŵachikana marangu, ndimungubaya.

2 Timote 4:16

Pa kwamuka kwangu kwachimoza pengavi yumoza wanguŵapo nane pamoza, kweni wose ŵangundisiya: kureke kupimikiya kwaku wo!