Mateyu 26:26 - Tonga Bible 1986

²⁶ Ndipo ŵachirgha, Yesu wanguto chiŵande wangutumbika, ndi wangumenya; ndipo wangupaska ku ŵasambizi wo, wanguti, “Rondani, rghani; ichi ndi liŵavu langu.”

Mateyu 26:26 ပူးပေါင်းရင်းမြစ်များ

Mateyu 14:19

Ndipo wati walanguliya mizinda kuteka pasi pa uteka, ndipo wati waronde viŵande vyo vinkhonde ndi somba zo ziŵi, wakulereska kuchanya wangutumbika, ndipo wati wamenya wangupaska viŵande ku ŵasambizi, ndi ŵasambizi wo ku mizinda.

Mateyu 26:27

Ndipo wanguto nkhombo, wanguti wawonga, wangupaska kwaku wo, wakuti, “Mwiyanimo mose;

Marko 6:41

Ndipo wati wato viŵande vinkhonde vyo ndi somba zo ziŵi, wangulereska kuchanya, wangutumbika, ndipo wangumenya viŵande vyo; wangupaska ku ŵasambizi kuti waŵajarikiye; ndi somba ziŵi zo wangugaŵiya wose.

Luka 22:17

Ndipo wanguronde jomera, ndipo wati wawonga wanguti, “Toni lenili, ndi gaŵanani:

Luka 24:30

ndipo kunguŵa, wachija nawo pa kurgha, wanguti wato chiŵande, wanguchitumbika, ndipo wanguti wamenya, wapaskanga kwaku wo.

Machitidu gha Ŵakutumika 2:46

Ndipo zuŵa ndi zuŵa, pakujaririya kwachitatata ndi mtima umoza mu kasopi ŵakumenya chiŵande, ŵarghanga, chaukurgha mu chimwemwe ndi chiyanamtima,

Machitidu gha Ŵakutumika 20:7

Ndipo pa zuŵa lachimoza la sabata, tati taungana kwachimenya chiŵande, Paulo waŵanduliyanga mazu, pakukhasa kutuwako ndi mlenji; ndipo watalikiskanga mazu mpaka usiku pakati.

1 ŴaKorinte 10:4

ndipo wose ŵangumwa chakumwa cha Mzimu wo. Chifukwa ŵamwanga ku Jarawe lamzimu lakuŵarondo: ndipo Jarawe lo lenga Kristu.