Mateyu 26:24 - Tonga Bible 1986

²⁴ Kweni Mwana wa munthu waruta, uli ndimo kwalembeke ndi iyo; kweni owe ku munthu yo mweniyo Mwana wa munthu wapachirika nayo! Kwenga kwamampha kwaku iyo, asani wengavi kupapika.”

Mateyu 26:24 ပူးပေါင်းရင်းမြစ်များ

Chiyambo 3:15

Ndikaŵikangapo umawongo pakati pako ndi munthukazi, ndi pakati pa mphapu yako ndi mphapu yake; iyo watemenge mutu wako, ndipo iwe utemenge chitende chake.”

Sumu 55:15

Nyifwa yiŵaziye; ŵasikiye ku muunda ŵamoyo; ŵarutenge ku miunda yawo ndi mantha.

Sumu 55:23

Kweni imwe A Chiuta, muŵapong'enge pasi, mu zenje la pharghaniko; ŵanthu ŵakudiska ndopa ndi ŵakupusika kuti ŵafiskenge mazuŵa gha umoyo wawonanga mphakatikati cha. Ine ndigomekezgenge mwaku imwe.

Danyele 9:26

Ndipo pavuli pa ŵasabata machumi ghankhonde ndi limoza pachanya ŵaŵi (62) wakupakika yo walikhikenge, ndi wakaŵangavi kanthu; ndipo ŵanthu ŵa karonga ŵatuza ŵabwanganduwenge msumba ndi malo ghakupaturika; umari wake ukazanga ndi zandi, ndi ku umari kwake kuŵenge nkhondo; maphasulu ghalangulika.

Zekariya 12:10

“Ndipo ndipunguliyenge pa nyumba yaku Davidi ndi pa ŵakuja mu Yerusalemu mzimu wangu wachisungu-sungu ndi wakuŵeyere, viyo kuti asani ŵalereska paku yo ŵangumugwaza, ŵamuliriyenge, nge ndimo munthu waliriya kananda wake, ndipo wamuliriya ukongwa, nge ndi munthu yo waliriya mwana wake wakudanga.

Zekariya 13:7

“Yuka, lipanga, pa mliska wangu, pa munthu yo watuma pafupi ndi ine,” atiti Ambuya ŵa maŵanja. “Koso mliska, kuti mberere zimbininike; ndiwezgiyenge janja langu pa zimana-zimana.

Mateyu 18:7

“Owe ku charu pa chifwa cha vyakuguŵiska! Chifukwa vikazangadi viguŵisku; kweni owe ku munthu yo mwaku mweniyo chiguŵisku cho chituziya!

Mateyu 26:31

Sono Yesu wanguti kwaku wo, “Imwe mose muguŵiskikenge mwaku ine usiku uno: chifukwa kwalembeka, ‘Ndikosonge mliska, ndipo ziparghanikenge mberere za mskambu.’

Mateyu 26:54

Kweni na ghangafiskika uli malembo gho, kuti kutenere kuŵa viyo?”

Mateyu 26:56

Kweni chose ichi chaŵapo, alinga kuti makani gha ŵamchimi ghafiskike.” Sono wasambizi wose, ŵangumusiya, ŵanguthaŵa.

Marko 14:21

Pakuti Mwana wa munthu waruta viyo, uli ndimo kwalembeke paku iyo: kweni owe ku munthu mwaku mweniyo Mwana wa munthu wapachirika! Mphanyi kwenga kwamampha ku munthu yo, asani wengavi kupapika.”

Marko 9:12

Wakwamuka wanguŵanene, “Eliya wadangenge nadi kuza, mwakuti wanozge vinthu vyose; kweni na uli po kwalembeka ghapa Mwana wa munthu, kuti wavwiyepo vinandi, ndikuyuyulika?

Luka 22:22

Pakuti nadi Mwana wa munthu waruta, kwakulingana ndi chakutemeka: kweni owe kwaku yo munthu, mwaku mweniyo wakomboleke!”

Luka 24:46

ndipo wanguti kwaku wo, “Viyo kwalembeka, kuti Kristu wakomwe, ndi wayuke so ku ŵakufwa pa zuŵa lachitatu;

Yohane 17:12

Penipo ndenge pamoza nawo, ndaŵasungiyanga ine mu zina linu wo mwandipaska; ndipo ndinguŵasungirizga, kwauravi yumoza waku wo watayika, kweni mwana wo chitayiku pe ndiyo; mwakuti lifiskike lembo lo;

Yohane 19:24

Viyo ŵangunenerana, “Tingaliparuwa ili cha, kweni tilipenduzge, liŵe laku yani,” alinga lifiskike lembo lo lakuti, “Wangugaŵizgana munjirira yangu, ndipo pa chivwaru changu wangupong'a mphenduzga.” Ndipo ichi ndicho ŵanguchita ŵankhondo.

Yohane 19:28

Pavuli paku cho Yesu, pakuziwa kuti sono vyafiskika vyose mwakuti lifiskike lembo lo, watiti, “Nde ndi nyota.”

Machitidu gha Ŵakutumika 2:23

mwenuyu Yesu, wati wakomboleke mu khumbu lakutemeka ndi mziŵirulimu waku Chiuta, mungumpayika ndi manja gha ŵachikana marangu, ndimungubaya.

Machitidu gha Ŵakutumika 28:23

Ndipo ŵanguti ŵamteme zuŵa, ŵanguza kwake mu chitandara chake ŵanandi; kwaku wo wangupatauliya makani gho, wakusimikizga ufumu wo waku Chiuta, ndi wakuŵakope vyapaku Yesu, vyakutuwa ku langulu laku Mosese ndi ku ŵamchimi kwanda ku mlenji mpaka ku mazuro.

Machitidu gha Ŵakutumika 4:28

kwachichitiya vyo vyose janja linu ndi khumbu linu linguteme limu kuŵapo.

1 ŴaKorinte 15:3

Chifukwa mu vinthu vyakuzirwa vyakudanga ndingupereka kwaku imwe chenicho nacho ndinguronde, kuti Kristu wangufwa chifukwa cha vilakwa vidu, kwakulingana ndi malembo gho;