Mateyu 25:6 - Tonga Bible 1986

⁶ Ndipo ndi usiku pakati kunguŵapo kudana, ‘Ehe, mweni-nthengwa yo! Tuwani kwachikumana nayo!’

Mateyu 25:6 ပူးပေါင်းရင်းမြစ်များ

Sumu 96:13

paurongo pa Ambuya, chifukwa, atuza kweruzga charu chapasi. Ŵeruzgenge charu mu urunji, ndi makhamu mu ukongorekwa wawo.

Sumu 98:9

chifukwa atuza kuzacheruzga charu chapasi. Ŵeruzgenge charu mu urunji, ndi makhamu mu kunyoroka.

Yesaya 25:9

Kukanenekanga mu zuŵa leniliya, “Ehe, uyu ndi Chiuta widu, tamulindizganga, mwakuti watitaske, Yaŵa mba Mbuya; taŵalindizganga, tiyeni tikondwe ndi kusekere muutaksi wawo.”

Amosi 4:12

“Chifukwa ichi ndimo ndichitiyenge nawe, Yisraele; ndipo pakuti ndichitenge ichi kwaku iwe, ujinozge kukumana ndi Chiuta wako, iwe Yisraele!”

Mateyu 24:31

Ndipo watumenge ŵangelo ŵake ndi chizozu chikuru cha mbata, ndipo ŵawungang'enge ŵakusankhika ŵake ku mphepu zinayi, kutuwa ku vigoti vyakuti vya machanya mpaka ku vigoti vinyake.

Mateyu 24:44

Chifukwa chenichi imwe namwe muŵe ŵakurongosoleka: chifukwa Mwana wa munthu wazenge mu ora lenilo mulive kurunguruka.

Mateyu 25:1

“Penipo ufumu wa kuchanya ulinganizgikenge ku mbeta chumi, zenizo zinguti zato nyali zawo, zingutuwa kwachikumana ndi mweni-nthengwa.

Mateyu 25:31

“Kweni penipo wakazanga Mwana wa munthu mu unkhankhu wake, ndi ŵangelo wose pamoza nayo, penipo wajariyenge pasi pa chitengo cha ukhankhu wake.

Mateyu 25:5

Kweni wachiswera mweni-nthengwa yo, zose zingusiwa ndi zingura.

Mateyu 25:7

Sono zinguyuka mbeta zo zose, ndi zingunozga nyali zawo.

Luka 12:20

Kweni Chiuta wanguti kwaku iyo, ‘Wakupusa we, usiku uno ŵawufumbiyenge mzimu wako; ndipo vyenivyo warongoso, viŵenge vyaku yani?’

Luka 12:46

wazenge mbuyake wa muŵanda yuwa mu zuŵa lenilo walive kulereze, ndi mu ora lenilo walive kuziŵa, ndipo wamdumuwenge, ndi waŵikenge chigaŵa chake pamoza ndi ŵambura magomekezgeka.

1 ŴaTesalonika 4:16

Pakuti Ambuya ŵeneko ŵakasikanga kutuwa kuchanya ndi mdanu, ndi mazu gha mungelo-mura, ndi ndi mbata yaku Chiuta; ndipo ŵakufwiya mwaku Kristu ŵakayukanga danga:

2 Petro 3:10

Kweni zuŵa lo la Mbuya likazanga uli ndi munkhungu, mwaku lenilo zuŵa machanya gho ghamkungunuka ndi mphomu yikuru, ndi visina vyakunyeka vyamsongonoka, ndipo charu ndi nchitu zamwake vyazamukufya.

Chivumbuzi 16:15

(“Awonani, nthuza uli ndi munkhungu. Ngwakutumbikikayo ngwakucherezga, ndi wakusungirizga minjiriria yake, vinu wangenda nkhuli, ndi ŵangawona mariseche ghake.”)