Mateyu 25:5 - Tonga Bible 1986

⁵ Kweni wachiswera mweni-nthengwa yo, zose zingusiwa ndi zingura.

Mateyu 25:5 ပူးပေါင်းရင်းမြစ်များ

Sumu ya Zisumu 3:1

Ndi usiku pa chita changu ndingumupenja mweniyo mzimu wangu utanja; ndingumupenja, kweni kuti ndingumusaniya cha; ndingumudana, kweni kuti wangundimuka cha.

Sumu ya Zisumu 5:2

Ndingugona, kweni mtima wangu wenga maso. Avwani! Nkhwanjiwa wangu wagong'oska. “Ndijuliyeko, mzichi wangu, chanju changu, nkhunda yangu, wambura kalema wangu; pakuti mutu wangu wazumba ndi dungwi, sisilangu ndi manthoni gha usiku.”

Sumu ya Zisumu 5:3

Ndazuwa raya langu, ndilivwarenge so uli? Marundi ghangu ndasamba, ndighafipiskenge so ule?

Habakuku 2:3

Chifukwa chiwona cheche kulindizga nyengo yake; yithaŵiriya ku umari yikapusikanga cha. Asani yingazuwulika, yilindizge; yizenge nadi, kuti yizuwulikenge cha.

Mateyu 24:48

Kweni asani muŵanda mweniyo mheni wanenenge mu mtima wake, ‘Ambuya ŵaswera,’

Mateyu 25:19

Ndipo pavuli pa nyengo yitali wanguza mweneko wa ŵaŵanda yaŵa, ndipo wangukokoskana nawo makani.

Mateyu 25:4

Kweni zazeru zingutole mafuta mu viyaŵi vyawo pamoza ndi nyali zawo.

Mateyu 25:6

Ndipo ndi usiku pakati kunguŵapo kudana, ‘Ehe, mweni-nthengwa yo! Tuwani kwachikumana nayo!’

Mateyu 26:40

Ndipo wanguza ku ŵasambizi, wanguŵasaniya ŵara tulo, ndipo watiti kwaku Petro, “Kwari? Kuti munguziŵa cha kucherezga pamoza nane ora limoza?

Mateyu 26:43

Ndipo wachiza so wanguŵasaniya ŵara tulo, chifukwa maso ghawo ghangundota.

Luka 1:21

Ndipo ŵanthu ŵalindizganga Zekariya, ndipo ŵazizwanga pa kuswera kwake mu kasopi mo.

Luka 12:45

Kweni asani muŵanda yo wanenenge mu mtima wake, ‘Waswera kuza mbuyangu;’ ndipo wambenge kupuma ŵahurwa ndi ŵasungwana, ndi so kurgha ndi kumwa, ndi kuloŵe:

Luka 18:8

Ndikuneniyani kuti, waŵachitiyenge utaski ruŵi. Posepose napo, wachiza Mwana wa munthu, wachisaniyenge chivwanu pa charu, kumbi?”

Luka 20:9

Ndipo wangwamba kukambiya khamu lo ntharika yeniyi: “Munthu wangupanda munda wamphereska, ndipo wanguwupazgiya ku ŵalimi, ndipo wangutuwapo nyengo yitali.

ŴaRoma 13:11

Ndipo so chenichi, pakuziŵa nyengo yino, kuti sonu ndi ora lakuti muyukeko ku tulu: chifukwa sono utaski we pafupiku kwaku ifwe kwakuruska penipo tinguvwaniya.

ŴaEfeso 5:14

Viyo watiti, “Yuka iwe, wakura tulo, ndipo yukanga ku ŵakufwa, ndi wakuwaliyenge Kristu.”

1 Petro 5:8

Zizani, khazgani: diaboloyo, mphindikwa yinu, uli ndi nkharamu yakukoroma, wayingayinga ndi kupenja mweniyo wakamphe.

Chivumbuzi 2:25

Mbwenu, cho mwenacho, koreskani mpaka ndizenge.