Mateyu 24:39 - Tonga Bible 1986

³⁹ ndipo kuti ŵanguziŵa kanthu cha mpaka chazandi cho chinguza, ndi chinguŵakukurwiska wose; viyo ndimu uŵiyenge uzi wa Mwana wa munthu.

Mateyu 24:39 ပူးပေါင်းရင်းမြစ်များ

Chiyambo 7:23

Wamusisita chinthu chose chamoyo cho chenga pa charu, munthu ndi nyama ndi vyakukwaŵa ndi viyuni vya mude; vingusisitika pa charu. Wangujako Nowa pe, ndi wo ŵenga nayo pamoza mu ngaraŵa.

Nthanthi 23:35

“Wangundipuma,” ndimu ukakambiyanga, “Kweni kuti ndingupwetekeka cha; ŵangundipuma, kweni kuti ndinguwapo cha. Kumbi ndiyukenge zuŵanji? Ndikapenjanga kumwa kunyake.”

Nthanthi 24:12

Asani utiti, “Ehe tengavi kuchiziŵa ichi,” kumbi mweniyo wapima mtima, kuti watichiziŵa cha chenichi? Kumbi mweniyo wasunga mzimu wako kuti watichiziŵa cha chenichi, ndipo kumbi iyo kuti wakalipilanga munthu kwakuyana ndi nchitu yake cha?

Nthanthi 29:7

Munthu murunji waziŵa vyakwenere vya mukavu; munthu wa mphulupulu kuti wawamo cha chinjeru cha viyo.

Yesaya 42:25

Viyo wangudira pake kufunda kwa ukari wake ndi kulimba kwa homwa; kungumupong'a pa moto kwakuzunguliya kweti, kweni kuti wanguwamo cha; ungumocha kweni kuti wanguphwereko cha.

Mateyu 16:27

Chifukwa Mwana wa munthu wakazanga mu unkhankhu wa Awiske pamoza ndi ŵangelo ŵake; ndipo penipo wapaskenge yumoza ndi yumoza kwakulingana ndi mlimu wake.

Mateyu 24:3

Ndipo wachija pasi pa phiri la Olivete, ŵanguza kwake wasambizi wo kuubende, ŵakuti, “Tineniyeni, viŵengepo vyenivyo zuŵanji? Ndipo chiŵenge chine chisimikizgu cha uzi winu, ndi cha umari wa mgonezi wo?”

Mateyu 24:30

sono chiwonekenge chisimikizgu cha Mwana wa munthu kuchanya: ndipo mafuku ghose gha charu ghatenjenge, ndipo ghawonenge Mwana wa munthu wachiza pa mitambo ya kuchanya ndi nthazi ndi unkhankhu ukuru.

Mateyu 24:37

Kweni uli ndi mu mazuŵa ghaku Nowa, viyo ndimu uŵiyenge uzi wa Mwana wa munthu.

Mateyu 24:40

Muŵenge ŵanthurumi ŵaŵi mu munda; yumoza watolekenge, ndipo yumoza wasiyikenge,

Luka 19:44

ndi ŵakuskesketenge ndi twana twako mwako; ndipo kuti ŵasiyengemo mwako cha mwa pa mwa; chifukwa kuti unguziŵa cha nyengo yo ya chilereze chako.”

Yohane 3:20

Pakuti yose wakuchita uheni watinkha Kungweruka ndipo kuti watuza ku Kungweruka ko cha, vinu nchitu zake zingasuskika.

Machitidu gha Ŵakutumika 13:41

‘Onani, mwaŵakuphara, ndi tondwani, ndi muzirimitiye; pakuti nditata ine nchitu mu mazuŵa ghinu, nchitu mwaku yo kuti muvwaniyenge cha, chingana yumoza wangamkonkhoskiyani.’ ”

ŴaRoma 1:28

Ndipo uli ndimo ŵangukaniya kuŵa ndi Chiuta mu mziŵiru wawo, Chiuta iyo wanguŵapereka ku chinjeru chauzereza kuchita vyamwikhu,

2 Petro 3:5

Chifukwa ŵaruwiya dara chenichi, chakuti ndi mazu ghaku Chiuta machanya ghanguŵako ku mwaka, ndi mtunda ungutuwa ku maji,

Ŵeruzgi 20:34

Ndipo kunguza ŵakumikana ndi Gibea, vikwi chumi (10,000) ŵanthu ŵakusankhika ŵakutuwa mwaku Yisraele yose, ndipo nkhondo yinguŵa yinonono; ŵaBenjamini ŵengavi kuziŵa kuti uyowi wenga pafupi ndi iwo.