Mateyu 23:3 - Tonga Bible 1986

³ viyo vyenivyo vyose ŵangakuneniyani, chitani ndi phwereni: kweni nchitu zawo mungachitanga cha; chifukwa ŵakamba, kweni kuti ŵachita cha.

Mateyu 23:3 ပူးပေါင်းရင်းမြစ်များ

2 Mikoka 30:12

Janja laku Chiuta lenga so paku Yuda kuŵapaska mtima umoza kuchita cho karonga ndi mafumu ghangulangula mu mazu gha Ambuya.

Chituwa 18:23

Asani uchitenge ichi, ndipo Chiuta wakulanguliya kuchita viyo, po ndipo uziŵenge kuma gwa, ndipo ŵanthu wose nawo ŵakarutanga ku malo ghawo mu chimangu.”

Mateyu 21:30

Ndipo wati waza ku wachiŵi, wangukamba kwakukozgana. Ndipo iyo, wakwamuka, wanguti, ‘Ndirutenge, ambuya’: kweni kuti wanguruta cha.

Mateyu 23:2

“Pa chitengo chaku Mosese ŵajapo ŵalembi ndi ŵaFarisi,

Mateyu 23:4

Wamanga mphingu zizitundi zambura mapingika, ndi kuziŵika pa maphewa gha ŵanthu; zenizo iwo ŵeneko kuti ŵangazinderezga ndi munwi cha.

Machitidu gha Ŵakutumika 5:29

Kweni Petro ndi ŵakutumika ŵangwamuka, ndipo ŵanguti, “Kutenere kuvwiya Chiuta kwakuruska munthu.

ŴaRoma 13:1

Mzimu wose uthere ku mitufu yira: chifukwa kulive mtufu kwambura kuti we pasi paku Chiuta: ndipo mitufu yo yiripo, yatemeka ndi Chiuta.

Marangu 4:5

Ndakusambizgani vyakulayizga ndi vyeruzgu nge ndimo Ambuya Chiuta wangu wandikambiya, kuti muchite viyo mu charo cho mutuyako kwachironda kuŵa chinu.

Marangu 5:27

Ruta kufupi, uvwe vyose vyo Ambuya Chiuta widu wakakambnga ndipo utinene vyose vyenivyo Ambuya Chiuta widu wakambanga kwaku iwe, ndipo tikavwanga ndi kuvichita.’

2 Timote 3:5

ŵakuŵa ndi chikozgu cha uwopa Chiuta kweni ŵakukana nthazi yake; kwaku ŵeniwo nawo gaukako.

Tito 1:16

Ŵazomera kuti mbakumziŵa Chiuta; kweni ndi nchitu zawo ŵatumkana, pakuŵa ŵauziya, ndi ŵamtafu, ndi ku nchitu yose yamampha ŵambura kwenere.