Mateyu 23:26 - Tonga Bible 1986

²⁶ MuFarisi wachiburumutiya iwe, tozga danga mukati mu chandi ndi mbale, alinga kuti kubwaro kwake nako kuŵe kwakutowa.

Mateyu 23:26 ပူးပေါင်းရင်းမြစ်များ

Yesaya 55:7

muheni wareke nthowa yake, ndi wakuwura urunji maghanaghanu ghake; wawere ku Ambuya, kuti amuŵiye ndi lisungu, ndi kwaku Chiuta widu, pakuti wagowokiyenge kwakuzala.

Yeremiya 13:27

Ndaghawona maukazuzi ghako, maureŵi ghako ndi kulampha-lampha kwako, uyagha-yagha wako wa ureŵi, pa mapiri ndi mu minda. Soka kwaku iwe, Yerusalemu! Kwakujariya mazuŵa ghalinga po wenga undatozgeke?”

Yeremiya 4:14

Yerusalemu we, suka mtima kuti uheni utuwemo, mwakuti utaskike. Mpaka zuŵanji maghanaghano ghako ghaheni ghakajanga mu mtima wako?

Ezekiele 18:31

Tayani kutali, tuzganimo maubendezi mukati mwino gho mwachitiya ine, ndipo jitoriyeni mtima ufya ndi mzimu ufya! Mukafwiyanganji, owe nyumba yaku Yisraele?

Mateyu 12:33

“Kuŵa ndi chipasi chamampha, nkhuŵa ndi chimuti chamampha; pamwenga asani chimuti nchakuwo, chipasi chake chikaŵanga chakuwo; chifukwa chimuti chiziŵikwa ndi chipasi chake.

Mateyu 14:8

Ndipo msungwana yo, pakusambizgika ndi anyina, wanguti, “Ndipaskeni panu pa mbale mutu waku Yohane Mbatizi yo.”

Marko 7:4

ndipo pakuwe ku vyamaronda, kwambura kuti asamba, kuti ŵaturgha cha; ndipo vinyake vinandi viripo vyenivyo ŵaronde kukoreze, masukidu gha vyandi ndi viŵiya ndi viyaŵi vya mkuŵa.

Luka 11:39

Ndipo Mbuya wagumunene, “Sono imwe mwaŵaFarisi muphoto kubwaro ko kwa jomera ndi kwa mbali; kweni mukati mwinu muzala kufyonkhonyo ndi uheni.

Luka 6:45

Munthu wamampha mu mbiku yamampha ya mtima wake watomu cho nchamampha; ndi mheni nayo mu uheni watomu cho nchiheni: pakuti vyakutuwa mu ufurwi wamu mtima, mlomo wake urongoro.

2 ŴaKorinte 7:1

Viyo pakuŵa ndi mapanganu ghenagha, mwaŵakwanjiwa, tijitozge ku ukazuzi wose wa liŵavu ndi mzimu, ndipo tiŵe ŵakhovu mu chopu chaku Chiuta.

ŴaHebere 10:22

tiŵandikiye ndi mtima weneko mu uzali wa chivwanu, ŵakumijirika kuchiri ku mitima yidu kutuwa ku njuŵi yiheni, ndi ŵakusambiskika kuchiri ku liŵavu lidu ndi maji ghakutowa,

Yakobe 4:8

Ndereni kufupi kwaku Chiuta, ndipo wanderenge kufupi kwinu. Photoni manja, mwaŵalakwi; ndipo tozgani mitima, mwaŵamitimapaŵi.