Mateyu 23:23 - Tonga Bible 1986

²³ “Owe, mwa ŵalembi ndi mwa ŵaFarisi imwe, mwaŵakufuvya, pakuti cha chichumi nge ndi maŵe, mapira, ndi chitoŵe mupereka, kweni mureka vizitu vyakuzirwa vya langulu, cheruzgu, lisungu, ndi chivwanu: ivi ndivyo mungwenere kuchita, sono pavuli musazgiyeko vinyake vyo.

Mateyu 23:23 ပူးပေါင်းရင်းမြစ်များ

Nthanthi 21:3

Kuchita urunji ndi cheruzgu chirunji vyamarondeka ku Ambuya kwakuruska mipasku.

Yesaya 28:25

Asani wayaniska dongo lake pachanya, kuti wamija cha ndi kupanda chitoŵe, kupanda trigu mu mizere barle mu malo ghake ghamwenera, ndi mapira nge ndi mphaka?

Yeremiya 22:3

Viyo atiti Ambuya: Chitani cheruzgu chirunji ndi ukongorekwa, taskani ŵakuskoŵeka mu janja la wakumusuzga yo. Ndipo rekani kunangiya pamwenga ku chitiya phuzu mlendo, wambura awiske, ndi choko, chingana nkhudira ndopa zambura kalema mu malo yagha.

Hoseya 6:6

Chifukwa ndikhumba lisungu, sembe cha; kumuziŵa Chiuta kwakuruska sembe zakocha.

ŴaLevi 27:30

“Msonkho wose wa chichumi cha vyamu charu, manyi ngwa mbeu yamu minda, pamwenga wa vipasi vya miti, ngwa Ambuya; ngwakupaturika ku Ambuya.

Mika 6:8

Iyo wakurongo wa munthu, cho nchamampha, ndi cho Ambuya akhumbiya iwe, kweni kuchita urunji, ndi kwanja ulemu, ndi kwenda kwakujiyuyuwa ndi Chiuta wako?

Mateyu 12:7

Kweni asani munguziŵa mo chiriri chenichi, ‘Lisungu ndikhumba, ndi chisopu cha,’ mphanyi kuti mwaŵasuska cha wo mbambura kalema.

Mateyu 23:13

“Kweni owe kwaku imwe, mwa ŵalembi mwa ŵaFarisi, mwaŵakufuvya! Pakuti mujariya ŵanthu ufumu wakuchanya; chifukwa mwaŵeni kuti museremo cha, chingana nkhuti muŵazomerezga akusere kuseremo cha. [

Mateyu 9:13

Kweni mukachisambire mo chiriri chenichi, ‘Ndilembe lisungu, chisopu cha.’ Chifukwa kuti ndinguza kuzachidana ŵarunjicha, kweni ŵalakwi.”

Luka 11:42

“Kweni owe kwaku imwe, mwaŵaFarisi! Pakuti mupereka vyachichumi, nthenderu ndi vyema ndi sungwi yose, ndipo mujumpha cheruzgu ndi chanju vyaku Chiuta: kweni kungwenere kuchita vyenivi, ndi viya kuvireka cha.

Luka 18:12

Ndifunga kaŵi mu sabata; ndipaskaku chakuchumikiya chaku vyose vyenivyo nditanduwa.’

1 Samuele 15:22

Samuele wanguti, “Kumbi Ambuya ŵendi likondwa likuru mu mipasku yakocha ndi zisembe, nge ndimo aliri nalo mu kuvwiya mazu ghawo? Ehe, kuvwiya nkhwamampha kuruska sembe, kutegherezga kuruska mafuta gha viphongo.