Mateyu 22:3 - Tonga Bible 1986

³ wangutuma ŵaŵanda ŵake kwachiŵadana ŵakudanika ku zowara zo: kweni kuti ŵangukhumba kuzako cha.

Mateyu 22:3 ပူးပေါင်းရင်းမြစ်များ

Sumu 68:11

Ambuya angulangula ndipo ŵanthukazi ŵanandi ŵangupinga makani:

Yesaya 30:15

Pakuti viyo atiti Ambuya Chiuta, Mtuŵa yo Yumoza waku Yisraele, “Pakuwe ndi kupumuwa mukataskikanga; mu chisisi ndi mu chigomezgu mukaŵanga nthazi yinu.”

Yeremiya 25:4

Mulivi kuvwiya nanga nkhutegherezga kuti muvwe, chingana Ambuya anguwerezgapo-werezgapo kutuma ŵateŵeti ŵawo wose ŵamchimi,

Yeremiya 35:15

Ndakutumiyani ŵateŵeti ŵangu wose ŵamchimi, kuŵatuma kaŵikaŵi, kuti, ‘Ng'anamukaniko yose waku imwe ku nthowa yake yiheni, ndipo musinthe machitidu ghinu, ndipo mungalondonga ŵachiuta ŵanyake cha kuŵatataliya po ndipo mukajanga mu charu chenicho ndingukupaskani imwe ndi auskemwe.’ Kweni kuti munguvwiya cha pamwenga kutegherezga kwangu.

Hoseya 11:2

Mo ndinguŵadaniya, ndimu so ŵangutuwiyako kwaku ine; ŵangurutiriya kupereka sembe ku ŵaBala, ndi kuŵawoche vyakununkhira ŵangoza.

Hoseya 11:7

Ŵanthu ŵangu ŵaŵika mitima yawo pakutuwako kwaku ine; viyo ŵarongozgeke ku goŵa, ndipo palivi yumoza walituzgengeko.

Zefaniya 1:7

Uje chete paurongo pa Ambuya Chiuta! Chifukwa zuŵa la Ambuya laŵandika; Ambuya arongoso kubaya sembe ndi apatuwa ŵakudanika ŵawo.

Mateyu 21:34

Kweni penipo yingufika nyengo ya vipasi, wangutumizga ŵaŵanda ŵake ku ŵalimi wo, kwachironda vipasi;

Mateyu 23:37

“Yerusalemu, Yerusalemu we, wakubaya ŵamchimi, ndi wakuŵapong'a mya wo ŵatumizgika kwako! Kwakaringa ndakhumba kuwunjika pamoza twana twako, nge ndimo nyakhutu waunjikiya twapiyupiyu twake kusi ku mapapiku ghake, ndipo kuti ungukhumba cha!

Mateyu 3:2

“Ng'anamukani; chifukwa waŵandika ufumu wa kuchanya.”

Mateyu 9:15

Yesu wanguŵanene, “Kumbi ŵangatenje ŵana ŵanthengwa, penipo mweninthengwa we nawo pamoza? Kweni ghazenge mazuŵa ndipo wampokeka kwaku wo mweni-nthengwa, ndipo ŵafungenge penipo.

Luka 13:34

Yerusalemu, Yerusalemu, wakubaya ŵamchimi wo, ndi wakupong'a mya wo ŵatumika kwako! Karinga ndingukhumba kuwungang'a pamoza ŵana ŵako, nge ndimo nyakhutu wachitiya ŵana ŵake kusi ku mapapiku ghake, ndipo kuti mungukhumba cha.

Luka 15:28

Kweni wangudunda iyo ndipo kuti wakhumbanga kusere cha: ndipo wiske wangutuwa, ndipo wangumuŵeyere.

Luka 19:27

Ndipo so ŵakupindikana nane yaŵa, wo ŵengavi kukhumba ine kuŵaŵusa ŵatoleni kuno, ndi ŵabayiyeni paurongo pangu.’ ”

Yohane 5:40

kweni kuti mukhumba kuza kwaku ine cha, mwakuti muŵe umoyo.

Machitidu gha Ŵakutumika 13:45

Kweni ŵaYuda ŵachiwona mizinda yo, ŵanguzazika sanji, ndipo ŵasuskanga vyo vingukambika ndi Paulo, ndi ŵamtukanga.

ŴaRoma 10:21

Kweni kuchiri kwaku Yisraele watiti, “Zuŵa lose ndatambasuliya manja ghanguku khamu lamtafu ndi lamapiku-mapiku.”

ŴaHebere 12:25

Lereni vinu mungamkana mweniyo wakamba namwe. Chifukwa asani ŵa ŵengavi kupozomoka pakukana kuvwiya mweniyo wanguŵachenjezga panupasi, ukongwa viŵi kuti tikapozomokanga cha ifwe taŵakugaruka ku kwaku mweniyo wachenjezga kuchanya.

ŴaHebere 9:15

Ndipo pa chifukwa chenichi ndiyo mwendapakati wa chipanganu chifya, viyo kuti yati yaŵapo nyifwa yakwachipepeske pa maujumphi ghapa chipanganu chakudanga wo ŵadanika ŵarondenge phanganu lo la chihara chamuyaya cho.

Chivumbuzi 22:17

Mzimu ndi Mwali wa nthengwa ŵatiti, “Zanga!” Ndipo mweniyo watuvwa wanene, “Zanga!” Ndipo mweniyo ngwanyota waze: yo ngwakukhumba waronde kwawezi maji gha umoyo.

1 Samuele 9:13

Mutakuti mwasere mu msumba, mumusaniyenge, wenga wandarute kwa chirgha pa malo gha pachanya; chifukwa ŵanthu kuti ŵangargha cha mpaka penipo iyo waza pakuti ndiyo watenere kudanga kutumbika sembe; sono pavuli ndipo ŵakudanika wo ŵarghenge Viyo kwerani mukumanenge nayo sosonukweni.”