Mateyu 21:22 - Tonga Bible 1986

²² Ndipo vyose vyo mungapempha mu kuromba ŵakuvwana murondenge.”

Mateyu 21:22 ပူးပေါင်းရင်းမြစ်များ

Mateyu 18:19

Ndipo so ndikuneniyani, kuti asani ŵaŵi ŵaku imwe ŵangapangana panupasi pa kanthu kose ko ŵangapempha, kachitikenge kwaku wo ndi Ada ŵakuchanya.

Mateyu 7:11

Viyo asani imwe chingana mwe ŵaheni, muziŵa kupaska mipasku yamampha ku ŵana ŵinu, na uli ukongwa Auskemwe ŵakuchanya ŵapaskenge vyamampha ku ŵakuŵapempha?

Mateyu 7:7

“Pemphani, ndipo kupaskikenge kwaku imwe; lembeni, ndipo musaniyenge, gong'askani, ndipo kujurikiyenge imwe.

Marko 11:24

Chifukwa chenichi ndikuneniyani, vyose vyo muromba ndi mupempha, gomekezgani kuti mwaronde, ndipo vikamuŵiyaninga.

Yohane 14:13

Ndipo chenicho chose mukapemphanga mu zina langu, chenicho nkhachitanga alinga kuti Dada wakankhuskikiye mu Mwana.

Yohane 15:7

Asani mujaririya mwaku ine, ndi mazu ghangu ghajaririya mwaku imwe, chose cho mungakhumba pemphani, ndipo chikuŵiyeninge,

Yohane 16:24

Kweni mpaka sono kuti mwapempha kanthu mu zina langu cha: pemphani ndipo murondenge, mwakuti chimwemwe chinu chiŵe chakuzala.

Yakobe 5:16

Viyo sumuliranani vilakwa vinu, ndipo romberanani, viyo kuti muchizgike. Niniziku la murunji ndanthazi ukongwa pakuchita.

1 Yohane 3:22

ndipo chose chenicho tipempha, tironde kwaku iyo, chifukwa tisunga marangu ghake, ndipo tivichita vyakunozga pa maso pake.