Mateyu 20:26 - Tonga Bible 1986

²⁶ Kuti kukaŵanga viyo cha mwaku imwe: kweni yose yo wakhumba kuŵa mura mwaku imwe, waŵenge mteŵeti winu;

Mateyu 20:26 ပူးပေါင်းရင်းမြစ်များ

Ezekiele 24:13

Uloso wake nkhufipiskika kwa ukazuzi wako. Chifukwa ndingwesa kukusuka kuti ungutozgeka cha kukufipirwa kwako, ndipo kuti ukatozgekanga so cha mpaka penipo ine ndakhorwa ndi kukara kwangu paku iwe.

Mateyu 20:27

ndipo yose wakukhumba kuŵa wachimoza mwaku imwe, waŵe muŵanda winu;

Mateyu 25:44

Sono iwo nawo ŵamukenge, kuti, ‘Ambuya, tingukuwonani zuŵanji wanja, pamwenga wanyota, pamwenga mlendo, pamwenga wankhuli, pamwenga wakutama, pamwenga mu ulinda, ndipo tengavi kukuteŵetiyani?’

Mateyu 27:55

Ndipo kwengako kweniko ŵanthukazi ŵanandi, ŵakulereske patari, ŵeniwo ŵangurondo Yesu kutuwa ku Galile, ŵakumteŵete;

Marko 10:43

Kweni kuti kwe viyo mwaku imwe cha: yose yo wakhumba kuŵa mura mwaku imwe, waŵe mteŵeti winu,

Marko 10:45

Chifukwa Mwana wa munthu nayo kuti wanguza kuzachiteŵeteke cha, kweni kuzachiteŵete, ndi kupereka umoyo wake thumba lapa ŵanandi.”

Marko 9:35

Ndipo wachija pasi, wangudana chumi ndi ŵaŵi, watiti kwaku wo, “Asani yumoza wakhumba kuŵa wachimoza, waŵe wakumariya limu waku wose, ndi mteŵeti waku wose.”

Luka 18:14

Ndikuneniyani, wangusikiya uyu wakurunjiskika ku nyumba yake, kwakuruska yuwa; pakuti yose wakujikuzga wayuyulikenge; kweni wakujiyuyuwa wakuzgikenge.”

Luka 22:26

Kweni imwe viyo cha; kweni mraku mwaku imwe waŵenge nge ndi mumanako; ndi chirongozgi nge ngwakuteŵeta.

Yohane 18:36

Yesu wangwamuka, “Ufumu wangu kuti ngwacharu chino cha; asani ufumu wangu wenga wa charu chinu mphanyi ŵamirizi ŵangu ŵarwa, mwakuti ndireke kuperekeka ku ŵaYuda kweni ufumu wangu kuti ngwakuturiya ku charu cha.”

Machitidu gha Ŵakutumika 13:5

Ndipo pakuŵa mu Salami, ŵataulanga mazu ghaku Chiuta mu masinagoge gha ŵaYuda; ndipo ŵaŵanga ndi Yohane nge ngwakovya.

2 ŴaKorinte 1:24

kuti nchakuti titufuliyenge pa chivwanu chinu cha, kweni titataliye ifwe pamoza namwe chimwemwe chinu; pakuti mu chivwanu chinu mutuma gwa!

2 Timote 1:18

(Mbuya wampaske kusaniya lisungu ku Mbuya mu zuŵa liya!) Ndipo vyenivyo vyose wanguteŵeta mu Efeso, iwe uziŵa umamphavi.

Filemone 1:13

mweniyo ndakhumbanga ine kumsungiya kwaku ndamweni, alinga kuti mu malo mwako wanganditeŵete mu magoŵa gho gha evangeli:

ŴaHebere 1:14

Asi wose wo mbazimu ŵakuteŵeta, ŵakutumikiya kwachiteŵete pa chifwa chaku wo ŵakhasa kuhara utaski?

1 Petro 4:11

Asani munthu wakamba, wakambe kwakuyana ndi makambidu ghaku Chiuta; asani yumoza wateŵete, wateŵetenge kwakulingana ndi nthazi zenizo Chiuta wampaska, alinga kuti mwaku vyose wakankhuskike Chiuta mwaku Yesu Kristu, kwaku mweniyo kwe unkhankhu ndi ukumu muyayamuyaya. Ameni.

1 Petro 5:3

uli mbakutufuliya vigaŵa vinu nako cha, kweni pakuŵa vikozgu vya ku mskambu wo.

Chivumbuzi 17:6

Ndipo ndingumuwona munthukazi yo wakuloŵe ndopa za ŵakupaturika ndi ndopa za ŵakaboni ŵaku Yesu. Ndipo pakumuwona ndingurwita ndi chirwita chikuru.