Mateyu 20:19 - Tonga Bible 1986

¹⁹ ndipo ŵamkombolenge ku Mitundu kumtombozga ndi kumukwechuwa ndikumpayika; ndipo pa zuŵa lachitatu wayukenge.”

Mateyu 20:19 ပူးပေါင်းရင်းမြစ်များ

Jobu 30:8

Ŵana ŵa vindere, ŵana ŵa mbiri yiheni, ŵathyapulika ndi kuchimbizgikiya kutali kutuwa mu charu.

Sumu 35:16

kwambura uwopa Chiuta ŵangundiwera ukongwa, ŵangundikukutiya minyu ghawo.

Yesaya 26:19

Ŵakufwa ŵinu ŵakaŵanga ŵamoyo, maliŵavu ghawo ghakayukanga. Okwe mwa ŵakuja mu fuvu imwe! Yukani, mbani gha chimwemwe! Pakuti dungwi linu ndi dungwi la ukweru, ndipo charu chikatoriyanga so ku umoyo mizimu yaku wo ŵakufwa kale.

Yesaya 53:3

Wangunyozeka ndi kupatika ndi ŵanthu; munthu wa vitima, ndi wakuziŵiriya vyakupweteka; ndi mweniyo ŵanthu ŵatumubisa visku vyawo wangunyozeka, ndipo ifwe tengavi kumtumbika.

Hoseya 6:2

Pavuli pa mazuŵa ghaŵi atizizimuskenge; pa zuŵa la chitatu atiyuskenge, mwakuti tije ŵamoyo pa maso pa wo.

Mateyu 12:40

Chifukwa uli ndimo Yona wanguŵiya mumoyu mwa chisomba cho mazuŵa ghatatu ndi mausiku ghatatu; viyo so ndimu Mwana wa munthu waŵiyenge mukati mu charu mazuŵa ghatatu ndi mausiku ghatatu.

Mateyu 16:21

Kwanda pa nyengo yeniyiya Yesu wangwamba kurongo ŵasambizi ŵake kuti kutenere iyo kuruta ku Yerusalemu, ndi kuvwiyapo vinandi ku ŵara ndi ŵazukuru ŵara ndi ŵalembi kubayika, ndipo pa zuŵa lachitatu kuyuskika so.

Mateyu 17:23

ŵambayenge ndipo pa zuŵa lachitatu wayuskikenge.” Ndipo ŵanguchita chitima ukongwa.

Mateyu 27:26

Sono wanguŵafwatuliya Baraba: kweni Yesu, wati wamukwechuwa, wangumukombo kuti wapayikike.

Mateyu 27:63

ŵakuti, “Abwana, takumbuka kuti mrandizgi yo weche wamoyo wanguti, ‘Pavuli pa mazuŵa ghatatu ndiyukenge.’

Marko 14:65

Ndipo wangwamba ŵanyake kumfunyiya mata, kumujara ku maso, kumpafuwa, ndi kumnene, “Loskanga”: ndipo ŵalinda ŵangumronde ndi inakofe.

Marko 15:1

Ndipo sosonukweni ku mlenji-lenji ŵangupanga upu ŵazukuru ŵara pamoza ndi ŵara ndi ŵalembi, ndi upu wose, ndipo ŵangumumanga Yesu ndi kuruta nayo, kwaku Pilato,

Marko 15:15

Ndipo Pilato, pakukhumba kuŵakhorweska, wanguŵafwatuliya Baraba, ndipo wangukombo Yesu, wati wamukwechuwa, kuti wapayikike.

Luka 18:32

Chifukwa wakombolekiyenge ku Mitundu, ndipo watombozgekenge, ndi walengeskekenge, ndi wafunyirikenge;

Luka 23:11

Herode nayo pamoza ndi ŵankhondo ŵake ŵati ŵamyeya ndi kumtombozga, ŵangumvwarika chivwaru charopa, ndipo wangumwezge kwaku Pilato.

Luka 24:46

ndipo wanguti kwaku wo, “Viyo kwalembeka, kuti Kristu wakomwe, ndi wayuke so ku ŵakufwa pa zuŵa lachitatu;

Machitidu gha Ŵakutumika 2:23

mwenuyu Yesu, wati wakomboleke mu khumbu lakutemeka ndi mziŵirulimu waku Chiuta, mungumpayika ndi manja gha ŵachikana marangu, ndimungubaya.

Machitidu gha Ŵakutumika 21:11

Ndipo pakuza kwaku ifwe, wanguto likwamba laku Paulo, ndipo wangujimanga marundi ndi manja, wanguti, “Ivi wakamba Mzimu Wakupaturika, ‘Viyo ŵaYuda mu Yerusalemu ŵamumanga mweneko wa likwamba lenili, ndi kumpereka mu manja gha ŵaMitundu.’ ”

Machitidu gha Ŵakutumika 4:27

“Chifukwa mu msumba uno ŵanguwungirana pa Muŵanda winu Wakupaturika Yesu, yo mungupatuwa, Herode ndi so Pontio Pilato, pamoza ndi Mitundu ndi makhamu ghaku Yisraele,