Mateyu 2:12 - Tonga Bible 1986

¹² Ndipo pakucheŵeskeka mu loto kuti ŵareke kuwere so kwaku Herode, ŵangukiya mu nthowa yinyake kuwere ku charu chawo.

Mateyu 2:12 ပူးပေါင်းရင်းမြစ်များ

Chiyambo 31:24

Kweni Chiuta wanguza kwaku Labani mu Aramu yo mu loto ndi usiku, ndi wanguti kwaku iyo, “Chenje ungakamba cha mazu nanga ngamoza kwaku Yakobe, nanga ngamampha pamwenga ghaheni.”

Chituwa 1:17

Kweni ŵazamba wo ŵawopanga Chiuta. Ndipo kuti ŵanguchita nge ndimo wanguŵalanguliya karonga wa Egipiti cha. Kweni ŵanguŵareka ŵamoyo ŵana ŵanthurumi.

Danyele 2:19

Viyo chamuchindindi ichi chinguvumbulika kwaku Danyele mu chakuwona cha usiku. Viyo Danyele wanguthamika Chiuta wakuchanya.

Mateyu 1:20

Kweni powenga weche kughanaghana ndi ichi, wonani, mungelo wa Ambuya wangumwoneke mu loto, wakuti, “Yosefe, mwana waku Davidi, ungopanga cha kumto Mariya muwoli wako; chifukwa cho chazuwuka mwake nchaku Mzimu Wakupaturika.

Mateyu 2:13

Ndipo ŵati ŵaruta iwo, wonani, mungelo wa Ambuya wangumwoneke Yosefe mu loto, wakuti, “Yuka, to mwana yo ndi anyina, thaŵiyani ku Egipiti, ndi mukaje kweniko mpaka pondikuneniyani; chifukwa Herode wapenjenge mwana yo kumubaya.”

Mateyu 2:19

Kweni wati wafwa Herode, wonani mungelo wa Ambuya mu loto wangumwoneke Yosefe mu Egipiti, wakuti,

Mateyu 2:22

Kweni pakuvwa kuti Arkelao wausanga mu Yuda mu malo ghaku Herode awiske, wangopa kuya kweniko; kweni pakuchenjezgeka mu loto, wangulazgiya ku mphaka za Galile.

Mateyu 27:19

Kweni wachija iyo pa chakweruzgiyapo, muwoli wake wangumutumiya mazu, wakuti, “Uŵevi kanthu ndi murunji mweniyo; chifukwa le mu lotu ndakomwiyapo vinandi pa chifwa chake.”

Luka 2:26

Ndipo kunguvumbulikiya iyo ndi Mzimu Wakupaturika, kuti wangawona nyifwa cha wandawone Kristu wa Mbuya.

Machitidu gha Ŵakutumika 10:22

Ndipo ŵanguti iwo, “Kenturione Kornelio, munthu murunji ndi wakopa Chiuta, wakusimikizgika so ndi mtundu wose wa ŵaYuda, wangupangizgika ndi mungelo wakupaturika kwachidaniya iwe ku nyumba yake, ndi kuvwa kwako makani.”

Machitidu gha Ŵakutumika 4:19

Kweni Petro ndi Yohane, pakuŵamuka, ŵanguti, “Asani nkhwakurunjika paurongo paku Chiuta kuvwiya imwe kwakuruska Chiuta, yeruzgani;

Machitidu gha Ŵakutumika 5:29

Kweni Petro ndi ŵakutumika ŵangwamuka, ndipo ŵanguti, “Kutenere kuvwiya Chiuta kwakuruska munthu.

1 ŴaKorinte 3:19

Chifukwa kwaku Chiuta zeru ya charu chino nkhupusa. Chifukwa kwalembeka, “Ngwakuŵakole ŵazeru mu uchenjezi wawo,”

ŴaHebere 11:7

Ndi chivwanu Nowa, wati wachenjezgeka ndi vinthu vyo vyenga vindawoneke, kwa uwopa Chiuta wangarongoso ngaraŵa kwachitaska ŵamu nyumba yake; mwaku chenicho wanguchisuska charu, ndipo wanguŵa muhara wamu urunji wa chivwanu.

ŴaHebere 8:5

Weniwo ŵatataliya chandiru ndi chizgezge cha vyakuchanya, nge ndimo ŵangulangulikiya Mosese po wenga pafupi kuzenga hema lo: chifukwa watiti, “Alere, kuti uchite vyose uli ndi chandiru cho chingurongoleke iwe mu phiri lo.”