Mateyu 19:29 - Tonga Bible 1986

²⁹ Ndipo yose yo wasiya zinyumba, pamwenga ŵabali, ŵazichi, wiske, nyina, ŵana pamwenga vyaru, pa chifukwa cha zina langu, wamronde mbwerezga ya machumi pe chumi, ndipo waharenge umoyo wamuyaya.

Mateyu 19:29 ပူးပေါင်းရင်းမြစ်များ

Wakutaula 3:6

nyengo yakupenje, ndi nyengo yakutayiya; nyengo yakusunga, ndi nyengo yakupong'a;

Mateyu 10:22

Ndipo muŵenge ŵakutinkhika ndi wose pa chifwa cha zina langu: kweni wakukunthiyapo mpaka umari, ndiyo wakataskikanga.

Mateyu 13:23

Kweni yo yingumijika pa nyata yamampha, uyu ndi mweniyo ngwakuvwa mazu ndi wakuwamo; mweniyo ndiyu wapasa, ndi wachita, uyu vya machumi pe chumi, uyu vya machumi ghankhonde ndi limoza, uyu vya machumi ghatatu.”

Mateyu 13:8

Kweni zinyake zinguwa pa nyata yamampha, ndipo zingupasa vipasi, zinyake machumi pe chumi, zinyake machumi ghankhonde ndi limoza, ndi zinyake machumi ghatatu.

Mateyu 16:25

Chifukwa yose yo wangakhumba kutaska umoyo wake, wawutayenge: kweni yose yo wangataya umoyo wake pa chifwa chaku ine, wawusaniyenge.

Mateyu 19:16

Ndipo yumoza wanguza, ndi wamunene, “Muwomba, ndichitenge chamampha chauli, mwakuti ndiŵe ndi umoyo wamuyaya?”

Mateyu 25:34

Sono karonga yo wakaneniyanga ŵaku marghe, ‘Zaninge, mwaŵakutumbika ŵa Ada, harani ufumu wakurongosoleke imwe kutuwa ku mtendeku wa charu:

Mateyu 25:46

Ndipo yaŵa ŵarutenge ku chilanga chamuyaya: kweni ŵarunjiwo ku umoyo wamuyaya.”

Mateyu 5:11

“Mwe ŵakutumbikika penipo ŵanthu ŵamtoza ndi kuŵemba imwe, ndipo ŵamnena chiheni chose paku imwe kwautesi, pa chifukwa chaku ine.

Mateyu 6:33

Kweni lembeni danga ufumu waku Chiuta ndi urunji wake, ndipo vyenivyo vyose vikuskikiyengeko kwaku imwe.

Luka 14:26

“Asani yumoza watuza kwaku ine, ndi kuti watinkha cha wiske waku yija, ndi nyina, ndi muwoli, ndi ŵana, ndi ŵabali, ndi ŵazichi, ndi so umoyo waku yija nawo, kuti wangaziŵa cha kuŵa msambizi wangu.

Luka 5:11

Ndipo ŵanguti ŵakwezga vyombo ku mtunda, ŵangusiya vyose, ndipo ŵangumrondo.

Luka 6:22

“Mwe ŵamwaŵi, penipo ŵanthu ŵatinkhenge imwe, ndi penipo ŵakupatuweninge, ndi ŵatozenge ndi ŵatayenge zina linu nge ndiheni, pa chifwa cha Mwana wa munthu.

Yohane 15:19

Asani mwenga ŵa charu ichi, mphanyi charu chamwanjani nge mbanthu ŵapa mtima wake: kweni chifukwa kuti mwe ŵa charu cha, ine ndakusankhani mu charu, chifukwa chenichi chikutinkhani charu cho.

Yohane 4:36

Wakuvuna waronde mphotu, ndipo waronga mbutu ku umoyo wamuyaya; alinga kuti wakumija ndi wakuvuna ŵakondwere pamoza.

Machitidu gha Ŵakutumika 9:16

chifukwa nkhamurongonga vyo vyose kutenere iyo kukunthiyapo pa chifwa cha zina langu.”

1 ŴaKorinte 2:9

Kweni nge ndimo kwalembeke, “Vyenivyo jiso lengavi kuviwona, ndi gutu lengavi kuvivwa mu mtima wa munthu vyengavi kubukamo, vyose vyo Chiuta waŵarongosole wo mbakumwanja.”

2 ŴaKorinte 5:16

Viyo na, ifwe kutuwa ku sono kuti tiziŵa yumoza uli nkhu liŵavu cha: chingana napo tamziŵa Kristu uli nkhu liŵavu, ndikweni sono kuti timziŵa viyo so cha.

ŴaFilipi 3:8

Nadi ndapima vyose kuŵa chitayiku chifukwa cha mziŵiru wakuzungura pakumuthoŵa Kristu Yesu Ambuyangu. Chifukwa chaku iyo ndataya, vyose, ndipo ndituvyesa mitawi alinga kuti ndanduwe Kristu,

1 Petro 4:14

Asani mutozeka chifukwa cha zina laku Kristu, mwe ŵamwaŵi; pakuti Mzimu wa unkhankhu, Mzimu waku Chiuta wapumuliya pinu.

3 Yohane 1:7

chifukwa kuti, pa chifukwa chazina lo, waruta kwambura kuronde kanthu ku ŵaMitundu wo.