Mateyu 19:23 - Tonga Bible 1986

²³ Ndipo Yesu wanguŵanene ŵasambizi, “Nadidi ndikuneniyani, nkhwaunononu msambasi kusere mu ufumu wa kuchanya.

Mateyu 19:23 ပူးပေါင်းရင်းမြစ်များ

Nthanthi 11:28

Mweniyo wagomekezga mu uromba wake wakamilanga, kweni murunji watipitiyenge uli ndi jani liŵisi.

Mateyu 13:22

Ndipo yo yingumijika mu minga uyu ndi mweniyo watuvwa mazu; ndipo phuruputiro la mgonezi uwu ndi fuvyu la usambasi vifinyirizga mazu, ndipo watuŵa wambura vipasi.

Mateyu 18:3

Wanguti, “Inyadi ndikuneniyani, kwambura kuti mung'anamuka, ndi mutuŵa nge mbanamana, kuti muserenge mu ufumu wa kuchanya cha.

Mateyu 19:22

Kweni jaha lo, lati lavwa mazu gho linguruta lachisungu ukongwa; chifukwa lenga ndi usambasi unandi.

Mateyu 21:31

Mwaku wo ŵaŵi njani wanguchita khumbu la awiske?” Watiti, “Wakudanga yo.” Yesu wanguŵanene, “Nadidi ndikuneniyani kuti ŵamsonkhu ndi ŵanthukazi ŵareŵi ŵakudanjiriyeninge mu ufumu waku Chiuta.

Mateyu 5:20

Chifukwa ndikuneniyani, kuti, kwambura kuti urunji winu ungaruska wo wa ŵalembi ndi ŵaFarisi, kuti mwamsere mu ufumu wo wa kuchanya cha.

Marko 10:23

Ndipo Yesu wati walereska kwakuzunguliya, wanguŵanene ŵasambizi ŵake, “Nkhwaunononu mbwenu ku ŵasambasi kusere mu ufumu waku Chiuta.”

Luka 18:24

Ndipo Yesu pakumuwona wanguti, “Kwaunononu ŵaserenge mu ufumu waku Chiuta wo mbakuŵa ndi vyuma.

Yohane 3:3

Wangwamuka Yesu wangumnene, “Nadi, nadi, ndikuneneske, munthu kuti waziŵa cha kuwona Ufumu waku Chiuta kwambura kuti wapapika so.”

Yohane 3:5

Wangwamuka Yesu, nadi, ndikuneneske, “Kwambura kuti munthu wapapika ndi maji ndi Mzimu, kuti waziŵa cha kusere mu Ufumu waku Chiuta.

Machitidu gha Ŵakutumika 14:22

ŵakukhozga mizimu ya ŵasambizi, pakuŵachichizga kujaririya mu chivwanu, ndi kuti mu masuzgu ghanandi kutenere ifwe kusere mu ufumu waku Chiuta.

1 ŴaKorinte 1:26

Chifukwa thoŵani kudanika kwinu, mwa ŵabali, ŵalive kudanika ŵanandi ŵazeru uli nkhu liŵavu, ŵanthazi ŵanadi cha, ŵanangwa ŵanandi cha;

Yakobe 2:6

Kweni imwe muyuyuwa mkavu yo. Asi mbasambasi wo ŵasuzga imwe, ndi ŵakuguziyani iwo ku mphara zakwe uzgiya?