Mateyu 19:22 - Tonga Bible 1986

²² Kweni jaha lo, lati lavwa mazu gho linguruta lachisungu ukongwa; chifukwa lenga ndi usambasi unandi.

Mateyu 19:22 ပူးပေါင်းရင်းမြစ်များ

Sumu 17:14

ku ŵanthurumi ndi janja linu, A Chiuta, ku ŵanthurumi wo chigaŵa chawo mbumoyo wamu charu ichi. Mphanyi nthumbu yawo mwayizaza ndi vyo imwe mwaŵaŵikiya; ŵana ŵawo ŵagute kwakurutizga; mphanyi malitema ghawo ŵaghasiriya vyo iwo ŵasiyako.

Ezekiele 33:31

Ŵatuza kwaku iwe nge ndimo ŵanthu ŵaziya, ndipo ŵaja paurongo pako nge mbanthu wangu, ŵatuvwa vyo iwe ukamba, kweni kuti ŵakavichitanga cha; pakuti ndi milomo yawo ŵarongo chanju chikuru, kweni mitima yawo yikukho mu chanduwu chawo.

Mateyu 13:22

Ndipo yo yingumijika mu minga uyu ndi mweniyo watuvwa mazu; ndipo phuruputiro la mgonezi uwu ndi fuvyu la usambasi vifinyirizga mazu, ndipo watuŵa wambura vipasi.

Mateyu 14:9

Karonga wanguchita chitima; kweni chifukwa cha marapu gho, ndi chifukwa cha ŵakutekapo pamoza nayo, wangulangula kuti upaskike;

Mateyu 16:26

Chifukwa kumovyengenji munthu, asani wanganduwa charu chose, kweni wataye umoyo wake? Pamwenga munthu wapaskenge chine nge ndi maronda gha umoyo wake?

Mateyu 19:21

Wangumnene Yesu. “Asani unkhumba kuŵa wakukongora, kanga, kasaske vyo we navyo, paska ku ŵakavu, ndipo uŵenge ndi mbiku kuchanya; ndipo zanga, rondo ine!”

Mateyu 19:23

Ndipo Yesu wanguŵanene ŵasambizi, “Nadidi ndikuneniyani, nkhwaunononu msambasi kusere mu ufumu wa kuchanya.

Mateyu 6:24

“Palive yumoza waziŵa kuteŵete ambuya ŵaŵi: chifukwa pamwe wamtinkhenge yumoza, ndi wamwanjenge munyake; pamwenga wajiperekenge ku yumoza, ndi wamtozenge munyake. Kuti muziŵa kuteŵete Chiuta ndi chuma so cha.

Marko 10:22

Kweni iyo wangubwanthuska chisku pa mazu yagha ndipo wanguruta wachisungu: chifukwa wenga nawo usambasi unandi.

Marko 6:26

Ndipo karonga wanguŵa wachitima ukongwa, kweni chifukwa cha marapu gho, ndi chifukwa cha ŵakuja pa kurgha, kuti wangukhumba kumkaniya cha.

Luka 18:23

Kweni wachivwa vyenivyo iyo, wanguŵa wachitima ukongwa; chifukwa wenga mromba ukongwa.

Yohane 16:20

Nadidi ndikuneneskiyani, muliyenge ndi mutenjenge imwe, kweni charu chikondwenge: muchitenge chisungu imwe, kweni chisungu chinu, chisandukenge chimwemwe.

ŴaEfeso 5:5

Chifukwa namwe muziŵiska chenichi, kuti chingana ndi mureŵi yose, chingana ngwawiyu, chingana ngwachiŵinu, yo ndi msopangoza, walive chihara mu ufumu waku Kristu ndi Chiuta.

ŴaKolose 3:5

Viyo fwiskani viŵaru vinu vya panupasi; ureŵi, wiyu, ulakalaka, likhumbira liheni, ndi bina, lenilo nkhusopa ngoza;