Mateyu 19:21 - Tonga Bible 1986

²¹ Wangumnene Yesu. “Asani unkhumba kuŵa wakukongora, kanga, kasaske vyo we navyo, paska ku ŵakavu, ndipo uŵenge ndi mbiku kuchanya; ndipo zanga, rondo ine!”

Mateyu 19:21 ပူးပေါင်းရင်းမြစ်များ

Chiyambo 17:1

Pa nyengo yo Abramu wenga wa virimika machumi ghankhonde ndi ghanayi pachanya vinkhonde ndi vinayi (99) Ambuya angumuwoneke Abramu ndi anguti kwaku iyo, “Ndine Chiuta wanthazi zose; wendenge paurongo pangu ndipo uŵi wambura kalema.

Chiyambo 6:9

Izi ndi mphapu zaku Nowa. Nowa wenga munthu murunji, wambura kalema mu mgonezi wake; Nowa wangwenda ndi Chiuta.

Jobu 1:1

Kwenga munthu mu charu cha Uzu, yo zina lake lenga Jobu; munthu uyu wenga murunji ndi wakaunyoloka, wangopa Chiuta ndi wangutinkha uheni.

Sumu 37:37

Thoŵani munthu wambura kalema, ndi lereskani wakunyoroka, pakuti ku munthu wa chimangu yiŵengeko mphapu yakuvuli.

Mateyu 16:24

Yesu wanguŵanene ŵasambizi ŵake, “Asani yumoza wakhumba kuza kuvuli kwangu, wajikanizge, wato mphinjika yake, ndi wandirondo.

Mateyu 19:20

Jaha lo linguti kwaku iyo, “Ghose yagha ndikusungirizga: ndeche kupere chine?”

Mateyu 19:22

Kweni jaha lo, lati lavwa mazu gho linguruta lachisungu ukongwa; chifukwa lenga ndi usambasi unandi.

Mateyu 19:28

Yesu wanguŵanene, “Nadidi ndikuneniyani, kuti imwe mwaŵakundirondo, mu charu chifya cho penipo Mwana wa munthu wajenge pa chitengo cha unkhankhu wake, namwe so mwazamuja pa vitengo chumi ndi viŵi, ŵakweruzga mafuku chumi ndi ghaŵi ghaku Yisraele.

Mateyu 4:19

Wanguti kwaku wo, “Rondoni ine, ndipo nkhakuchitaninga ŵarovi ŵa ŵanthu.”

Mateyu 5:48

Viyo muŵenge ŵarunji imwe, nge ndimo Auskemwe ŵakuchanya ŵaliri ŵarunji.

Mateyu 8:22

Kweni Yesu wangunena nayo, “Rondo ine, uŵaleke ŵakufwa kuŵika ŵakufwa ŵaku ŵija.”

Mateyu 9:9

Ndipo wachirutiriyapo Yesu wanguwona munthu, wakudanika Mateyu, wakuja pa nyumba yakusonkhiyapo msonkho; ndipo wangumunene, “Rondo ine.” Ndipo wangusoka, wangumrondo.

Marko 10:21

Ndipo Yesu, pakumlereska, wangumwanja, wangunena nayo, “Chinthu chimoza usoŵa; kanga, kasaske chose cho wenacho, paska ku ŵakavu, ndipo ukaŵanga nayo mbiku kuchanya: ndipo zanga, ndirondo!”

Marko 2:14

Ndipo wachirutiriyapo wanguwona Levi, mwana waku Alifeyu, pasi je pa malo gha msonkho, ndipo watiti kwaku iyo, “Rondo ine!” Ndipo wangusoka, wangumrondo.

Marko 8:34

Ndipo wangudana mzindawo pamoza ndi ŵasambizi ŵake, wangunena nawo, “Asani yumoza wakhumba kuza kuvuli kwangu, wajikanizge, wato mphinjika yake, ndi wandirondonge ine.

Luka 12:33

Saskani vyo mwe navyo, ndi paskani chawezi. Jichitiyeni vikwama vyambura kuguga, mbiku yambura kupere mu machanya, kweniko munkhungu kuti wandere kufupi cha, chingana ndi chipupuruzu kuti chitananga cha.

Luka 14:33

Viyo ndimo yose mwaku imwe yo wareka kujipatiya vyose vyo wenavyo, kuti wangaziŵa cha kuŵa msambizi wangu.

Luka 16:9

Ndipo ine ndikuneniyani, jichitiyeni ŵabwezi ndi chuma cha uwura-urunji, alinga kuti, penipo chingapereŵe ŵangamrondeni mu mahema ghamuyaya gho.

Luka 18:22

Ndipo wachivwa Yesu wanguti kwaku iyo, “Chimoza chechekupereŵe kwako: vyose vyenivyo we navyo saskanga, ndi paskanga ku ŵakavu, ndipo uŵenge ndi mbiku kuchanya: ndipo zanga, rondo ine.”

Luka 5:27

Ndipo pavuli paku vyenivi wangutuwa, ndipo wanguona wamthulu, zina lake Levi, wakuja pa malo gha mthulu, ndipo wangumunene, “Rondo ine.”

Luka 6:40

Kuti msambizi we pachanya pa msambizgi wake cha: kweni wakufiskika yose waŵenge nge ndi msambizgi wake.

Luka 9:23

Ndipo waŵaneniyanga wose, “Asani yumoza wakhumba kuza kuvuli kwangu, wajikanizge, ndi wajitole mphinjika yake zuŵa ndi zuŵa, ndi warondonge ine.

Yohane 10:27

Mberere zangu zituvwa liu langu, ine nditiziziŵa, ndipo zitindirondo;

Yohane 12:26

asani yumoza watinditeŵete, wandirondonge; ndipo ko nde ine, kweniko waŵenge mteŵete wangu nayo: asani yumoza watinditeŵete, Ada amrumbenge.

Machitidu gha Ŵakutumika 2:45

ndipo ŵasaskanga viŵetu ndi vyuma vyawo ndipo ŵanguvigaŵiya kwaku wose, uli ndimo munthu we yose wangukavukiya.

ŴaHebere 10:34

Chifukwa mungufwiya so lisungu ŵamagoŵa wo, ndipo mungukunthiyapo kwakukondwa muskowu wa viŵetu vinu, pakuziŵa kuti mwaŵeni mwe ndi chiŵetu chamamphako ndi chakujaririya.