Mateyu 18:28 - Tonga Bible 1986

²⁸ Kweni wachituwa muŵanda yo, wangusaniya yumoza wa ŵaŵanda ŵanase ŵake, mweniyo wangumteuwa madenari machumi pe chumi, ndipo wangumko pa kagoromeru, wakuti, ‘Ndiwezge cho ukuteuwa.’

Mateyu 18:28 ပူးပေါင်းရင်းမြစ်များ

Nehemiya 10:31

ndipo asani ŵanthu ŵa charu ichi ŵatuŵa ndi vinthu vya malonda pamwenga kurgha pa zuŵa la sabata kuguliska, kuti tikagulananga nawo cha pa sabata pamwenga pa zuŵa lakupaturika tikarekanga vyakurgha vya chirimika cha chinkhonde ndi chiŵi ndi kupana mangaŵa ghose.

Nehemiya 5:7

Ndingujikhome fundu ndija, ndipo ndingutundula ŵaraŵara ndi zinduna. Ndinguti kwaku wo, “Imwe muchita phindu, we yose pa mwana munyake.” Ndipo ndinguchita unganu ukuru paku wo,

Nthanthi 28:3

Munthu mukavu mweniyo wayuzga ŵakavu ŵanyake, ndi vuwa ya kupuma yeniyo kuti yisiya kurgha cha.

Yesaya 58:3

‘Chifukwa chine tafunga, ndipo iwe kuti utichiwona cha? Chifukwa chine tajorovya ndipo iwe kuti uziŵa ichi cha?’ Ehe, mu zuŵa lakufunga kwinu mupenja vyakumukondwereskani vyakumwija, ndipo muyuzga ŵa nchitu ŵinu wose.

Ezekiele 45:9

“Viyo atiti Ambuya Chiuta: Mbwenu, mwa ŵaKaronga ŵaku Yisraele! Rekani chiwawa ndi nkhaza, chitani cheruzgu ndi urunji; rekani kudikiska ŵanthu ŵangu, atiti Ambuya Chiuta.

Mateyu 18:27

Ndipo mbuyake wa muŵanda yo, wakukoleka ndi chitima, wangumgowoke, wangumreke mateu gho.

Mateyu 18:29

Viyo muŵanda mwanase wake, wakuwa pasi, wangumuŵeyere wakuti, ‘Kunthiyapo nane, ndipo ndilipiyengepo ngongori yako.’

Mateyu 20:2

Ndipo wati wapangana nawo kwa tambala yumoza pa zuŵa, wanguŵatuma ku munda wake wamphereska.

Marko 14:5

Chifukwa mafuta yagha ghangaziŵa kusaskika kwakuruska matambala machumi pe chumi ghatatu, ndi kupaskika ku ŵakavu.” Ndipo ŵajumiyanga paku iyo.

Marko 6:37

Kweni wakwamuka wanguŵanene, “Wapaskeni imwe vyakurgha.” Ndipo watiti kwaku iyo, “Kumbi tirutenge kwachigula viŵande vya matambala machumi pe chumi ghaŵi, kuti tiŵapaske ŵarghe?”

Luka 10:35

Ndipo ku mlenji, wakutuzga matambala ghaŵi, wangughapaska ku wamphara, ndipo wanguti, ‘Umuphwere, ndipo chose cho chinyake ungamariyapo, ndichachiwe ine ndazamuwerezgiyapo.’

Luka 7:41

“Wakulambiska ngana wenga nawo ŵamateu ŵaŵi: yumoza yo wanguteuwa matambala machumi pe chumi ghankhonde, ndi munyake yo machumi ghankhonde.

Yohane 6:7

Filipu wangumwamuka, “Viŵande vya matambala machumi pe chume ghaŵi kuti vingaŵakwana wo cha, kuti yose waronde kamanavi.”

Marangu 15:2

Ndipo mugowoke viyo: yose wakuteulika, wagowoke kanthu ko wateuliska mwanasi wake; wareke kukafumba ku mwanasi wake, pamwenga mbali wake, chifukwa Ambuya atilanguliya chigowoke.