Mateyu 18:22 - Tonga Bible 1986

²² Wamunene Yesu, “Kuti nditukunene mpaka kankhonde ndi kaŵi cha, kweni, mpaka kamachumi ghankhonde ndi ghaŵi kuwerezga kankhonde ndi kaŵi.

Mateyu 18:22 ပူးပေါင်းရင်းမြစ်များ

Chiyambo 4:24

Asani Kaini watayikiya thayu kankhonde ndi kaŵi, kwakuneneska Lameke ndi machumi ghankhonde ndi ghaŵi pachanya kankhonde ndi kaŵi (77).”

Yesaya 55:7

muheni wareke nthowa yake, ndi wakuwura urunji maghanaghanu ghake; wawere ku Ambuya, kuti amuŵiye ndi lisungu, ndi kwaku Chiuta widu, pakuti wagowokiyenge kwakuzala.

Mika 7:19

Ŵakaŵanga so nafwe ndi chitima, wakakandirizgiyanga pasi pamarundi ghake maulakwi ghidu. Mukatayanga mu zindimba za nyanja mauheni ghidu ghose.

Mateyu 18:23

“Chifukwa chenichi ufumu wa kuchanya ulinganizgika ndi munthu, karonga yo wangukhumba kuchita chakuŵerenge ndi ŵaŵanda ŵake.

Marko 11:25

Ndipo penipo pose mutuma ndi kuromba, khururukiyani, asani mwe nako kanthu pa yumoza; kuti Auskemwe ŵakuchanya nawo akhururukiye imwe mamphuru ghinu. [

ŴaRoma 12:21

Ungagodeka ndi uheni cha, kweni ugode uheni wo ndi umampha.

ŴaEfeso 4:26

Tundiyani, ndikweni mungalakwanga cha: pa chikaralizga chinu lingasere dazi cha:

ŴaEfeso 4:31

Kurunda kose, ndi chikwiya, ndi kandundu, ndi gazamu, ndi utusi, vituzgikeko kwinu, pamoza ndi uheni wose:

ŴaKolose 3:13

muŵe ŵakukunthiriyana ndi ŵakurekiyana, yumoza ndi munyake; asani munthu wangaŵa ndi kafukwa pa munyake uli ndimo Ambuya agowoke imwe, namwe so muchite viyo.

1 Timote 2:8

Viyo ndiŵakhumba ŵanthurumi kuromba mu malo ghose, pakusoska manja ghakhovu kwambura chikwiya ndi suskanu.