Mateyu 18:15 - Tonga Bible 1986

¹⁵ “Ndipo asani mbaliwako wakulakwiya, kanga, kampanikizge, nge mphakati paku iwe ndi iyo pe: asani wakuvwiya, wamuwoja mbali wako.

Mateyu 18:15 ပူးပေါင်းရင်းမြစ်များ

Sumu 141:5

Munthu wamampha wandilange ndi kundichenya mwa ulemu, kweni kuti ndizomerezgenge muheni kundipaka mafuta ku mutu cha, chifukwa nyengo yose ndirombe pa nchitu zawo ziheni.

Nthanthi 11:30

Chipasi cha ŵakurunjika ndi muti wa umoyo, kweni uchikanamaranga utuzgapo maumoyo.

ŴaLevi 19:17

“Mungatinkhanga mwana munyinu mu mtima winu cha, kweni mukambiskanenge kwakujarikana umampha ndi muzengezgani winu, vinu mungatopo ulakwi chifukwa chake.

Mateyu 18:14

Eviyo, kuti ndi khumbo la Ada wakuchanya cha, kuti katayike kamoza ka ŵamana yaŵa.

Mateyu 18:21

Sono wanguza Petro, wanguti kwaku iyo, “Ambuya, mbali wangu wandilakwiyenge ndipo ndimgowokiyenge karinga. Mpaka kankhonde ndi kaŵi?”

Mateyu 18:35

Viyo Ada nawo ŵakuchanya ndimo achitiyenge we yose waku imwe, asani mbali winu mureka kumugowoke kutuliya ku mitima yinu.”

ŴaRoma 12:21

Ungagodeka ndi uheni cha, kweni ugode uheni wo ndi umampha.

1 ŴaKorinte 8:12

Ndipo pakulakwiya ŵabali wo, ndi pakulasa njuŵi zawo zakutomboloka, mulakwiya Kristu,

2 ŴaKorinte 7:12

Viyo chingana ndingumlembiyani, kuti kwenga pa chifukwa chaku yo wangutokota cha, chingana nchifukwa chaku yo wangumutokote cha, kweni mwakuti (iwoneke kwaku mwaŵeni pamphu linu lapa chifwa chidu paurongo paku Chiuta.)

ŴaGalatia 6:1

Mwaŵabali, asani munthu wakoreka mu ubudi wakuti e, imwe mwa ŵamzimu munyoroskeni waviyo mu mzimu wa upovu, pakujithoŵa wamweni, vinu nawe so ungeseka.

ŴaKolose 3:13

muŵe ŵakukunthiriyana ndi ŵakurekiyana, yumoza ndi munyake; asani munthu wangaŵa ndi kafukwa pa munyake uli ndimo Ambuya agowoke imwe, namwe so muchite viyo.

1 ŴaTesalonika 4:6

paŵevi yumoza wakunyumba ndi wakuŵiniwa mbali wake mu kanthu: chifukwa kuti Ambuya ndi mweruzgi mwaku vyenivyo vyose, nge ndimo tingumkambiyani limu ndi kusimikizga.

2 ŴaTesalonika 3:15

Kweni mungampimiyanga nge ngwamawongu cha, kweni muchenjezgeni nge ndi mbali.

Tito 3:10

Munthu wapambuku kananga pavuli pa kumchenjezga kamoza ndi kaŵi,

1 Petro 3:1

Kwakulingana nako, mwaŵanthukazi, muŵe ŵakujithereske ku ŵarumi ŵaku mwija, alinga kuti, chingana ŵatafuliya mazu gho ŵanyake, chifukwa cha kajaridu ka ŵawoli ŵawo, ŵandulike kwambura mazu,