Mateyu 18:12 - Tonga Bible 1986

¹² Mupima uli? Asani munthu yumoza wangaŵa ndi mberere machumi pe chumi, ndipo yingasoŵa yimoza yaku zo, asi wasiya zo machumi ghankhonde ndi ghanayi pachanya nkhonde ndi zinayi ndipo waruta mu mapiri, wakupenja yakusoŵa yo?

Mateyu 18:12 ပူးပေါင်းရင်းမြစ်များ

1 ŴaKaronga 21:17

Pavuli mazu gha Ambuya ghanguza kwaku Eliya muTishibi, ghakuti,

Sumu 119:176

Ndiyingayinga nge ndi mberere yakuranda; viyo zani ndipenjeni, ndamteŵeti winu, chifukwa malangulu ghinu kuti ndaghapata cha.

Yesaya 53:6

Tose nge ndi mberere taranda; tang'anamukiya yumoza ndi yumoza ku nthowa yake; ndipo Ambuya ayirika paku iyo mauheni ghaku ifwe tose.

Yeremiya 50:6

“Ŵanthu ŵangu ŵaŵa mberere zakusoŵa; ŵaliska ŵawo ŵaŵa aserezga pa dondo, kuŵawezge kutali ku mapiri; kutuwa ku phiri kuya ku mtunthu ndimu ŵayende, ŵaruwa khora lawo.

Ezekiele 34:12

Mo mliska wapenje mskambu wake asani zinyake mberere zake zaparghang'ikiya kutali, viyo ndimu ndikapenjiyanga mberere zangu; ndipo ndikazitaskanga mu malo ghose mo zikuparghang'ikiya pa zuŵa la mitambo ndi la munkhorwe.

Ezekiele 34:16

Ndipenjenge yakusoŵa, ndiwezgenge yakuranda, ndimangenge bala lakuyo yapwetekeka, ndikhomeskenge yakutomborika, ndipo ndikayiphwerenga yakututuŵa ndi yanthazi, ndikaziliskanga mu cheruzgu.

Ezekiele 34:28

Kuti zikaŵanga so chakuliwa ku mitundu cha, pamwenga vikoko vyo vye mu charu kuti vikazirghanga cha; zikajanga kwakufwasa paŵengevi nanga njumoza yo wakazitenthemeskanga.

Ezekiele 34:4

Wakutomboroka kuti mwaŵapaska nthazi cha, ŵakutama kuti mwaŵachizga cha, ŵakujipweteka kuti mwaŵamangapo mabala cha, ŵakuranda kuti mwaŵawezge kuvuli cha, ŵakusoŵa kuti mwaŵapenja cha, ndipo mwaŵausa mu kuŵakanchizga ndimu ukari.

Ezekiele 34:6

Mberere zangu zinguparghang'ika, zingurandiya mu mapiri ghose ndimu mitunthu yose; mberere zangu zingumbininikiya uku ndi uku mu charu chose chapasi, ndipo kwengavi nanga njumoza wakuzirondo pamwenga kuzipenja.

Mateyu 12:11

Iyo wanguŵanene, “Njani mwaku imwe waŵenge ndi mberere yimoza, ndipo asani yingawa mu mbuna pa zuŵa la Sabata, asi wayikonge ndi kuyituzga?

Mateyu 18:13

Ndipo asani wayisaniya, nadi ndikuneniyani, wakondwere paku yeniyo kwakuruska paku zo machumi ghankhonde ndi ghanayi pachanya nkhonde ndi zinayi zambura kusoŵa.

Mateyu 21:28

“Kweni imwe murunguruka uli? Munthu wenga ndi ŵana ŵaŵi: ndipo wati waza ku wakudanga, wanguti, ‘Wamwana, kanga, katate nchitu le mu munda wa mphereska.’

Mateyu 22:42

wakuti, “Mutitinji ndi Kristu? Ndi mwana waku yani?” Ŵamnene, “Waku Davidi.”

1 ŴaKorinte 10:15

Ndikamba nge nkhu ŵakuwamo; jeruzgeni mwaŵeni cho ndinena.

1 Petro 2:25

Chifukwa mwenga nge ndi mberere zakuranda; kweni sono mwanyongoke ku Mliska yo ndi Mlereze wa mauzima ghinu.