Mateyu 17:18 - Tonga Bible 1986

¹⁸ Yesu wangumchenya, ndipo wangutuwamo mwake demone yo: ndipo wanguchizgika mhurwa yo kutuwa ku ora leniliya.

Mateyu 17:18 ပူးပေါင်းရင်းမြစ်များ

Mateyu 12:22

Penipo wangutoleke kwaku iyo wademone, wachiburumutiya ndi wambuwu: ndipo wangumchizga, viyo kuti wambuwu yo wangurongoro ndi wangulereska.

Mateyu 15:28

Sono Yesu, wakumwamuka, wangumunene, “Wamunthukazi'we, nchikuru chivwanu chako: kuŵiye iwe uli ndimo ukhumbiya.” Ndipo wanguchizgika mwana munthukazi wake paora leniliya.

Mateyu 17:17

Yesu wakwamuka wanguti, “Mgonezi wambura chivwanu ndi wakubende, mpaka zuŵanji nkhaŵanga namwe? Mpaka zuŵanji ndikunthiyengepo namwe? Mtoleni kuno kwaku ine.”

Mateyu 17:19

Sono wanguza wasambizi wo kwaku Yesu kuudeke, ŵanguti, “Chifukwa chine ifwe tengavi nthazi kumutuzga?”

Mateyu 9:22

Kweni Yesu, wakung'anamuka ndi wakumuwona, wanguti, “Chintha mtima, mwana munthukazi, chivwanu chako chakuchizga.” Ndipo munthukazi yo kutuwa pa ora lenilo wanguchizgika.

Marko 1:34

Ndipo wanguchizga ŵanandi ŵakutama ndi matenda ghakupambanapambana, wangutuzga ŵademone ŵanandi ndipo kuti wanguzomerezga ŵademone wo kurongoro cha, pakuti ŵangumziŵa.

Marko 5:8

Chifukwa wangunena nayo, “Tuwamo mu munthu yo, mzimu we, wawiyu.”

Luka 4:41

Ndipo ŵademone nawo ŵatuwangamo mu ŵanandi, ŵakukambura ndi ŵakuti, “Iwe ndiwe Mwana waku Chiuta!” Ndipo wanguŵachenya, kuti waŵazomerezganga kurongoro cha, pakuti ŵamziŵanga kuti wenga Kristu.

Luka 8:29

Chifukwa wanguulanguliya mzimu wawiyu kutuwamu mu munthu yo. Chifukwa nyengo zinandi wamkonga; ndipo wangulindika, ndipo wamangikanga ndi maunyoru ndi magweregwedi ndipo wadomonga vimangiru, ndi wagumizgikanga ndi demone ku mabozwa.

Luka 9:42

Ndipo weche kuza iyo, demone yo wangumtesuwa, ndi wangumviviriska viru-viru, kweni Yesu wanguuchenya mzimu wawiyu, ndi wangumchizga mhurwa, ndipo wangumwezge ku wiske.

Machitidu gha Ŵakutumika 16:18

Ndipo wachitanga chenichi mazuŵa ghanandi. Kweni Paulo pakusororeka mtima, wangung'anamuka ndi wanguunene mzimu, “Ndikulanguliya mu zina laku Yesu Kristu tuwamo mwake.” Ndipo ungutuwamo pa ora leniliya.