Mateyu 16:24 - Tonga Bible 1986

²⁴ Yesu wanguŵanene ŵasambizi ŵake, “Asani yumoza wakhumba kuza kuvuli kwangu, wajikanizge, wato mphinjika yake, ndi wandirondo.

Mateyu 16:24 ပူးပေါင်းရင်းမြစ်များ

Mateyu 10:38

Ndipo yose yo wareka kujitole mphinjika yake ndi kurondo ine, kuti ngwakwenere ine cha.

Mateyu 27:32

Ndipo ŵachituwa ŵangusaniya munthu mKurene, zina Simone: ŵangumkakamizga mweniyo kuti wanyamuwe mphinjika.

Marko 10:21

Ndipo Yesu, pakumlereska, wangumwanja, wangunena nayo, “Chinthu chimoza usoŵa; kanga, kasaske chose cho wenacho, paska ku ŵakavu, ndipo ukaŵanga nayo mbiku kuchanya: ndipo zanga, ndirondo!”

Marko 15:21

Ndipo wangukakamizga mwenda-nthowa yumoza, wakutuwa ku viŵera, Simoni waku Kurene, uskeu waku Alekezandara ndi Rufu, kuti ŵanyamuwe mphinjika yake.

Marko 8:34

Ndipo wangudana mzindawo pamoza ndi ŵasambizi ŵake, wangunena nawo, “Asani yumoza wakhumba kuza kuvuli kwangu, wajikanizge, wato mphinjika yake, ndi wandirondonge ine.

Luka 14:27

Yose yo wareka kunyamuwa mphinjika yake, ndi kuza kuvuli kwangu, kuti waziŵa cha kuŵa msambizi wangu.

Luka 23:26

Ndipo ŵachimgumizga, ŵanguko yumoza, Simoni waku Kurene, wakutuwa ku viŵera, ndipo ŵanguŵika pake mphinjika yo, kuyinyamuwa kuvuli kwaku Yesu.

Yohane 19:17

Ŵangumrondo Yesu; ndipo wakujipingiya mphinjika yake, wangutuliya ku malo ghakuzumbulika Ghabwaza, ghenigho mu chiHebere ghazumbulika, Golgota.

Yohane 21:19

(Ndipo ichi wangunena, pakusimikizga ndi nyifwa yo Petro wakafwanga ndi kutore unkhankhu kwaku Chiuta.) Ndipo wati wakamba chenichi, wangumnene, “Rondo ine.”

Yohane 21:22

Yesu wangunena nayo, “Asani ndingakhumba kuti waje ndi umoyo mpaka po ine nthuza, nchine kwaku iwe? Iwe, rondo ine.”

Machitidu gha Ŵakutumika 14:22

ŵakukhozga mizimu ya ŵasambizi, pakuŵachichizga kujaririya mu chivwanu, ndi kuti mu masuzgu ghanandi kutenere ifwe kusere mu ufumu waku Chiuta.

ŴaKolose 1:24

Sono ndikondwere mu malikomwa ghangu ghapa chifukwa chinu, ndipo mu liŵavu langu ndifiskiyamo vyakupere vya suzgu yaku Kristu pa chifukwa cha liŵavu lake, lenilo ndi eklesiya lo.

1 ŴaTesalonika 3:3

alinga kuti wareke kuyuzgika, yumoza ndi suzgu zenizi: pakuti muziŵa mwaŵeni kuti nkhwaku chenichi ko ifwe tikumikikiya.

2 Timote 3:12

Nadidi, ndipo wose ŵakukhumba kujariya kwauwopa Chiuta mvyaku Kristu Yesu ŵayuzgikenge.

1 Petro 2:21

Chifukwa kwaku chenichi mungudanikiya; pakuti Kristu nayo wangukomwa chifukwa chinu, ndipo wamsiyiyani chandiru, kuti mundondoloskemo mu menderu ghake.