Mateyu 16:18 - Tonga Bible 1986

¹⁸ Ndipo ine nane ndinene iwe, kuti ndiwe Petro, ndipo pa jarawe lenili nkhazenganga eklesiya langu; ndipo nthazi za nyifwa kuti zingalipunda cha.

Mateyu 16:18 ပူးပေါင်းရင်းမြစ်များ

Chiyambo 22:17

kwakuneneska ndikakutumbikanga ndipo ndikandaniskanga mphapu yako uli ndi nyenyezi za kuchanya, ndipo uli ndi muchenga wo wepa likumba la nyanja. Mphapu yako yikaharanga malikomo gha ŵakupindikana nayo.

2 Samuele 18:4

Karonga wangunena nawo, “Cho chingaŵa chamampha mu maso ghinu ndichu ndichitenge.” Viyo karonga wanguma pamphepete pa chipata po nkhondo yose yatuwanga mu machumi pe chumi ndi mu vikwi.

Jobu 38:17

Kumbi malikomo gha nyifwa ghavumburika kwaku, kumbi mwaghawona malikomo gha mdima wa munkhorwe?

Sumu 107:18

chakurgha chose chinguŵawukuzga, ndipo ŵangundere kufupi ku malikomo gha nyifwa.

Sumu 127:5

Ŵakukondwa ndi munthu yo mivwi nge ndi iyi wenayo yinandi! Kuti wakachitanga soni cha, po warongoro ndi ŵarwani ŵake mu likomo.

Sumu 129:2

Kutuliya ku uhurwa wangu, wandisuzga, kweni kuti wandipunda cha.

Sumu 69:12

Ŵakamba gha paku ine mu zinthowa, ndipo ndaŵa sumu za ŵakuloŵe.

Sumu 9:13

Ndichitiyeni wezi, A Chiuta! A wonanimo ŵatindisuzgiya ŵakunditinkha, imwe mutindiyuskamo mu malikomo gha nyifwa,

Nthanthi 24:7

Zeru yitumuŵiya yizitu mubereŵeza; mu likomo kuti wajura mlomo wake cha.

Yesaya 28:16

chifukwa cho Ambuya Chiuta, atati, “Ehe, ndiŵika mu Zioni chiŵanja mwa, mwa wakweseka, mwa wanyondo wakuzirwa, wa chiŵanja chakuneneska: ‘Yo wavwana kuti wakatolekanga cha.’

Yesaya 28:6

mzimu wa cheruzgu chirunji kwaku yo waja mu cheruzgu, ndi nthazi kwaku wo ŵawezge vuli homwa pa chipata.

Yesaya 38:10

Ndingukamba, mukati mu kuŵala kwa mwezi kwa mazuŵa ghangu ndikarutanga: ndalangulikiya kuya ku malikmo gha Muunda mu virimika vyangu vyakujako.

Yesaya 54:17

palivi chidya cho chapangikiya paku iwe chikachitanga kanthu, iwe ukasuskanga lilime lose lenilo litukuyukiya mu cheruzgu. Ichi nchihara cha ŵateŵeti ŵa Ambuya, ndi kurunjiskika kwawo kwakutuliya kwangu, atiti Ambuya.”

Yona 2:6

kusi ku mapiri. Ndingusikiya ku charu cho mipiringizgu yake yingundijariya ine kwa muyaya; ndipuuli imwe munguwutuzgamo mzimu wangu kutuliya ku wanangiko, Ambuya Chiuta wangu.

Mateyu 10:2

Mazina gha ŵakutumika chumi ndi ŵaŵi ndi yagha: wachimoza, Simoni, wakudanika Petro, ndi Andreya, mhurwa wake; Yakobe, mwana waku Zebediya, ndi Yohane, mhurwa wake;

Mateyu 11:23

Ndipo iwe, Kapernaumu, utumphulikiyenge mpaka kuchanya, nthu? Mpaka ku Hadesi upawuskikiyenge. Chifukwa asani mu Sodomu vinguchitika vyanthazi vyakuchitika mwako, mphanyi wungujaririya mpaka kuno ku le.

Mateyu 18:17

Ndipo asani wareka kuvwa iwo, unene mpingu wo; kweni asani chingana nkhu mpingu wareka kuvwa, sono waŵe kwako nge ngwa mtundu ndi wamsonkho.

Mateyu 4:18

Ndipo wachenda mumphepete mu nyanja ya Galile, wanguwona ŵabali ŵaŵi, Simoni wakuzumbulika Petro, ndi Andreya mhurwa wake, ŵakupong'a mikwau mu nyanja; pakuti ŵenga ŵarovi.

Mateyu 7:24

“Viyo yose yo watuvwa mazu ghangu ghenagha, ndi waghachita, walinganizgikenge ku munthu wazeru, mweniyo wanguzenga nyumba yake pa jarawe:

Yohane 1:42

Wangumtole kwaku Yesu, wati wamthoŵa Yesu wanguti, “Ndiwe Simoni, mwana waku Yohane: iwe udanikenge Kefa” (cho ching'anamuwa Petro).

Machitidu gha Ŵakutumika 2:47

ŵakumthamika Chiuta, ndi ŵakuŵa ndi rumbu ku khamu lo lose. Ndipo Ambuya ŵangukuskiyako ku unandi wawo ŵakutaskika zuŵa ndi zuŵa.

Machitidu gha Ŵakutumika 20:28

Viyo jiphwereni mwaŵeni ndi mskambu wose, paku weniwo Mzimu Wakupaturika wangukuŵikani ŵaliska, kwachiliska eklesiya laku Chiuta, lenilo wangujiguliya ndi ndopa zaku iyo mweneko.

Machitidu gha Ŵakutumika 8:1

Ndipo Saulo wazomerezgananga nawo mu kubayika kwake. Ndipo mu zuŵa lo chinguŵapo chiŵembu chikuru pa mpingu wamu Yerusalemu; ndipo ŵangumwaranikiya wose mu vyaru vya Yuda ndi Samaria, kweni ŵakutumika wo pe cha.

1 ŴaKorinte 15:55

Nyifwa'we, we pani upundi wako? Nyifwa we, le pani liwozga lako?”

ŴaGalatia 2:9

ndipo pakuwuteska wezi wo ungupaskikiya ine, Yakobe ndi Kefa ndi Yohane, wo ŵanguwoneka kuŵa mizati, ŵangupaska ine ndi Barnaba chasa cha janja lamarghe la wanase, kuti tikenge ifwe ku ŵaMitundu, ndipo iwo ku ŵamchinju;

ŴaEfeso 3:10

mwakuti sono zeru ya mtundumtundu yaku Chiuta yiziŵikwiye mu eklesiya ku miwusu ndi mitufu yo ye mu malo ghakuchanya;

ŴaEfeso 5:32

Ungari uwu ngukuru: kweni ine ndikamba Kristu ndi eklesiya lo.

ŴaKolose 1:18

Ndiyo mutu wa liŵavu lake, ndilo eklesiya lo; ndiyo chandiru wakupapika danga wakutuwa ku ŵakufwa; alinga kuti mwaku vyose waŵe iyo wakuzungura.

1 Timote 3:15

kweni asani ndiziulika, alinga kuti ungaziŵa mo kutenere kujariya mu nyumba yaku Chiuta, yeniyo ndi eklesiya laku Chiuta Wamoyo, mzati ndi chijarikiru cha uneneska.

1 Timote 3:5

kweni asani munthu wareka kuziŵa kweruzga nyumba yaku yija, waphwerenge uli eklesiya laku Chiuta?

ŴaHebere 12:28

Viyo, taŵakuronde ufumu wambura kusukunika, tiŵe ndi kuwonga, mwaku wo tisope Chiuta kwakumkondweska ndi uwopa Chiuta ndi wofe:

Chivumbuzi 11:15

Wangukuŵa mungelo wachinkhonde ndi chiŵi; ndipo ghanguŵapo mazu ghakuru kuchanya, ghakuti, “Ufumu wa panupasi sono ngwa Mbuyafwe, ndi waku Kristu wake, ndipo wakausanga ku muyaya muyaya!”

Chivumbuzi 21:14

Ndipo linga la msumba wo lenga navyo viŵanja chumi ndi viŵi, ndi paku vyomazina chumi ndi ghaŵi gha ŵakutumika chumi ndi ŵaŵi ŵa Mwana-mberere yo.