Mateyu 16:16 - Tonga Bible 1986

¹⁶ Ndipo Simoni Petro wakwamuka, wanguti, “Imwe ndimwe Kristu, Mwana waku Chiuta wamoyo.”

Mateyu 16:16 ပူးပေါင်းရင်းမြစ်များ

Sumu 2:7

Ndikambenge vya langulu la Ambuya: Angundinene, “Ndiwe mwana wangu, msana wale ndakubara iwe.

Sumu 42:2

Mzimu wangu uparanthukiya Chiuta, Chiuta wamoyo. Ndizenge zuŵanji ndi kulereska chisku chaku Chiuta?

Danyele 6:26

Ndimika dangu kuti mu muwusu wangu wose ŵanthu ŵatenthemi ndi kopa paurongo paku Chiuta waku Danyele. Pakuti ndi Chiuta wamoyo, wajaririya muyaya; ufumu wake kuti umarenge cha ndi muwusu wake ngwambura chigoti.

Mateyu 1:16

ndipo Yakobe wangupapa Yosefe mrumi waku Mariya, mwaku mweniyo wangupapika Yesu, yo wazumbulika Kristu (lo ling'amuwa kuti wakupakika).

Mateyu 14:33

Ndipo ŵamu ngaraŵa ŵangumlambiya, ŵakuti, “Ndimwe nadi Mwana waku Chiuta.”

Mateyu 16:15

Watiti kwaku iwo, “Kweni imwe mutiti ine ndine yani?”

Mateyu 26:63

Kweni Yesu wanguchetama chete. Ndipo mzukuru mura wangumnene, “Ndikurapiya paku Chiuta Wamoyo, kuti utinene asani iwe ndiwe Kristu iyo, Mwana waku Chiuta.”

Mateyu 27:54

Kweni kenturione yo, ndi wo ŵapamoza nayo ŵakulindizga Yesu, wachiwona chiyeuyeu ndi vyo vinguŵapo ŵangopa ukongwa, ndipo ŵanguti, “Nadidi mwenuyu ndi Mwana waku Chiuta.”

Mateyu 4:3

Ndipo wakwesa yo wanguza wangunena nayo, “Asani we Mwana waku Chiuta, nene mya iyi kuti yiŵe viŵande.”

Marko 14:61

Kweni wanguchetama iyo, kuti wangwamukapo kanthu cha. Mzukuru mura yo wangumfumba so, watiti kwaku iyo, “Kumbi iwe ndiwe Kristu, Mwana wa Mtumbikiki Yo?”

Luka 2:11

pakuti wakuwiyani le, mu muzi waku Davidi, Mtaski mweniyo ndi Kristu Mbuya.

Yohane 1:49

Natanaele wangumwamuka, “Rabi imwe ndimwe Mwana waku Chiuta; imwe ndimwe Karonga waku Yisraele!”

Yohane 11:27

Wamnene, “Inya, Ambuya, ine ndavwana kuti imwe mwe Kristu, Mwana waku Chiuta, yo watuza mu charu.”

Yohane 20:31

Kweni vyenivi vyalembeka, alinga kuti muvwane kuti Yesu ndiyo Kristu, Mwana waku Chiuta: ndikuti mwaŵakuvwana muŵendi umoyo mu zina lake.

Yohane 6:57

Uli ndimo Dada wamoyo wangutumiya ine, ndipo ine ndija mwaku iyo wamoyo; viyo so wakurgha ine, nayo wajariyenge wamoyo pa chifwa chaku ine.

Yohane 6:68

Simoni Petro wangumwamuka, “Ambuya, tikayanga kwaku yani? Imwe mwe nagho mazu gha umoyo wamuyaya.

Yohane 6:69

Ndipo ifwe tavwana ndipo taziŵa kuti imwe ndimwe wakupaturika yo waku Chiuta.”

Machitidu gha Ŵakutumika 14:15

“Mwaŵanthu, chifukwa chine muchita ichi? Nafwe te ŵanthu kwakulingana ndi imwe, taŵakutauliya imwe evangeli, kuti kutuwa ku vyawaka vyenivi mung'anamukiye kwaku Chiuta wamoyo, mweniyo wangwata kuchanya ndi pasi ndi nyanja, ndi vyose vyamwenimo:

Machitidu gha Ŵakutumika 8:36

Ndipo ŵachiruta mu nthowa yo, ŵanguza pa maji ghakuti; ndipo wamthenu yo wanguti, “Awonani, maji! Chitindikanizga chine kubatizika?” [

Machitidu gha Ŵakutumika 8:37

Filipu wangumunene, “Ungabatizika, asani ugomezga ndi mtima wako wose.” Wangwamuka wanguti, “Ndigomezga kuti Yesu Kristu ndi Mwana waku Chiuta.”]

Machitidu gha Ŵakutumika 9:20

Ndipo sosono mu masinagoge wangutaula Kristu, kuti, “Ndiyo Mwana waku Chiuta.”

ŴaRoma 1:4

ndipo kuchiri ku Mzimu Wakupaturika, wangusimikizgika ndi nthazi kuŵa Mwana waku Chiuta ndi chiyuka cha ŵakufwa, Yesu Kristu Ambuyafwe;

2 ŴaKorinte 1:19

Chifukwa Mwana waku Chiuta, Yesu Kristu, wakumemezeke mwinu ndi ifwe, nadi ndi Silvano, Timote ndi ine, kuti wenga Inya ndi Awa cha; kweni mwaku iyo nyengo yose waŵa Inya.

2 ŴaKorinte 3:3

pakurongoleka kuti mwe kalata waku Kristu, wakuperekeka ndi ifwe, wakulembeka ndi inke cha, kweni pa vipadwa vya mitima ya ŵanthu.

2 ŴaKorinte 6:16

Ndipo ndine yanu lapa kasopi waku Chiuta ndi vyangoza? Chifukwa ndifwe kasopi waku Chiuta wamoyo; nge ndimo Chiuta wanene, “Nkhajariyanga mwaku wo, ndipo nkhendeyanga mwaku wo, ndipo nkhaŵanga Chiuta wawo, ndipo iwo ŵakaŵanga khamu langu.

Marangu 5:26

Pakuti ndiyani wa ŵamoyo wose yo wavwa mazu ghaku Chiuta wamoyo wakukamba mukati mu moto nge ndifwe, ndipo weche wamoyo?

1 ŴaTesalonika 1:9

Chifukwa iwo ŵeneko ŵakamba gha kurondereka kwidu kwaku imwe ko tinguŵa nako, ndimo mungung'anamukiya kwaku Chiuta kutuwako ku vyangoza kwachiteŵete Chiuta wamoyo ndi muneneska,

1 Timote 3:15

kweni asani ndiziulika, alinga kuti ungaziŵa mo kutenere kujariya mu nyumba yaku Chiuta, yeniyo ndi eklesiya laku Chiuta Wamoyo, mzati ndi chijarikiru cha uneneska.

1 Timote 4:10

Chifukwa cheni chititataliya ndipo tilimbalimbiya, pakuti tagomekezge paku Chiuta wamoyo, mweniyo ndi Mtaski wa ŵanthu wose, ukongwa wa ŵachivwanu.

ŴaHebere 10:31

Nkhwakofya kuwa mu manja ghaku Chiuta wamoyo.

ŴaHebere 12:22

Kweni mwaziya ku phiri Zioni ku Msumba waku Chiuta wamoyo, Yerusalemu wakuchanya, ndi ku maurapasi ghakuru gha ŵangelo,

ŴaHebere 3:12

Cheŵani, mwa ŵabali vinu kokuli mu yumoza waku imwe uŵenge mtima uheni wambura chivwanu, mu kudezukako kwaku Chiuta wamoyo.

ŴaHebere 9:14

uli ukongwako ndopa zo zaku Kristu, mweniyo mu Mzimu Wamuyaya wangujipereka wambura kalema kwaku Chiuta, zitozgenge njuŵi zinu ku nchitu zakufwa kwachiteŵete Chiuta wamoyo?

1 Yohane 4:15

Mweniyo yose wazomerenge kuti Yesu ndi Mwana waku Chiuta, Chiuta waja mwaku iyo, ndi iyo mwaku Chiuta.

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.

1 Yohane 5:5

Kweni njani yo ngwakupunda charu? Ndi mweniyo ngwakuvwana kuti Yesu ndi Mwana waku Chiuta.

Chivumbuzi 7:2

Ndipo ndinguwona mungelo munyake wakwera kutuwa ku utuli wa dazi, mweniyo wenga ndi chizighiri chaku Chiuta Wamoyo, ndipo wangukambura ndi mazu ghakuru ku ŵangelo wo ŵanayi kwaku ŵeniwo kungupaskika mazaza gha kunanga charu ndi nyanja,