Mateyu 15:31 - Tonga Bible 1986

³¹ viyo kuti mzinda wo unguzizwa wachiwona ŵambuwu kurongoro, ŵakupunduka kuŵa ŵanthazi, ŵakuganthiya kwenda, ndi ŵachiburumutiya kulereska: ndipo ŵangumkankhuska Chiuta waku Yisraele.

Mateyu 15:31 ပူးပေါင်းရင်းမြစ်များ

Chiyambo 32:28

Sono iyo wanguti, “Zina lako kuti likadanikanga so Yakobe cha kweni Yisraele pakuti walimbana ndi Chiuta ndi ŵanthu so, ndipo wapunda.”

Chiyambo 33:20

Penipo wanguzengapo jochero la sembe ndi wangudanapo kuti Ele-elohe-Yisraele.

Sumu 50:15

undidane mu zuŵa la suzgu; ndikupozomoskenge, ndipo undikankhuskenge.”

Sumu 50:23

Yo wapinga chisopo cha kuwonga nge ndi sembe yake, wakankhuska ine; kwaku yo wanozga nthowa yake, ndirongonge chipozomosko chaku Chiuta!”

Chituwa 24:10

ndipo ŵanguwona Chiuta wa ŵaYisraele, ndipo pasi pa marwayo ghake penga uli nkhanthowa ka mya yasangarawe, kukozgana ndi kuchanya iko kungweruka.

Mateyu 15:30

Ndipo kungumziya mizinda yikuru, yakuŵa nawo pamoza ŵakuganthiya, ŵachiburumutiya, ŵambuwu, ŵakupunduka, ndi ŵanyake ŵanandi, ndipo ŵanguŵapong'a pa marundi ghake; iyo wanguŵachizga;

Mateyu 18:8

Kweni asani janja lako pamwenga rundi lako litukuguŵiska, ulidumuwe, ulitaye; nkhwamampha kwaku iwe kuseremu umoyo tumbundu pamwenga wakuganthiya kwakuruska, kuŵa, nagho manja ghaŵi pamwenga marundi ghaŵi; kuti upong'eke mu moto wamuyaya.

Mateyu 21:14

Ndipo ŵanguza kwake mu kasopi ŵachiburumutiya ndi ŵakuganthiya; ndipo wanguŵachizga.

Mateyu 8:10

Ndipo pa kumuvwa, Yesu wanguzizwa, ndipo wanguti ku ŵakumrondo, “Inyadi ndikuneniyani chingana ndi mu Yisraele kuti ndasaniya cha, chivwanu chikuru chaviyo.

Mateyu 9:32

Ndipo ŵachituwa iwo, awonani, ŵangumtole wambuwu, wakuŵa ndi demone.

Mateyu 9:33

Ndipo wachituzgika demone, wambuwu yo wangurongoro: ndipo yinguzizwa mizinda yo, yakuti, “Kosekose kuti chiuwonekapo chaviyo cha mu Yisraele.”

Mateyu 9:8

Kweni, yati yawona mizinda yo, yingopa, ndipo yingumkankhuska Chiuta yo wapaska nthazi yaviyo ku ŵanthu.

Marko 2:12

Ndipo wanguyuka, ndi sosonukweni wangunyamuwa chita, wangutuwa paurongo paku wose; viyo kuti wose ŵanguzizwa ndipo ŵamukankhuskanga Chiuta, ŵakuti, “Kali kose kuti tachiona chaviyo cha.”

Marko 7:37

Ndipo ŵazizwanga ukongwa limu ŵatinge, “Vyose wachita urusu; ŵamgota wati ŵasanduska ŵakuvwa, ndipo ŵambuwu ŵarongoro.”

Marko 9:43

Ndipo asani janja lako lingakuguŵiska, lidumuweko; nkhwamampha kusere iwe wakupunduka mu umoyo, kwakuruska wakuŵa nagho manja ghaŵi; kuruta ku Gehena ku moto wo wambura mazimwika. [

Luka 14:13

Kweni penipo ubika dghera, dana ŵakavu, ŵakupunduka, ŵakuganthiya, ŵachiburumutiya.

Luka 14:21

Ndipo muŵanda yo wanguza, ndipo wangutauliya mbuyake vinthu vyenivi. Sono mweninyumba, wakutundiya, wangumunene muŵanda wake, ‘Tuliya ruŵi ku miseu ndi nthowa zamu muzi, ndipo katore muno ŵakavu ndi ŵakupunduka ndi ŵachiburumutiya ndi ŵakuganthiya.’

Luka 18:43

Ndipo sosonukweni wangulereska so, ndipo wamrondonga wakukankhuska Chiuta: ndipo khamu lo lose, lichiwona, linguthamika Chiuta.

Luka 7:16

Ndipo chopu chinguŵako wose, ndipo ŵakankhuskanga Chiuta, ŵakuti, “Mchimi mura wayuka mwidu: ndipo, Chiuta walingiyapo pa khamu lake.”

Yohane 9:24

Viyo ŵangumdana kachiŵi munthu yo wenga wachiburumutiya, ndipo ŵangunena nayo, “Paska unkhankhu kwaku Chiuta: ifwe tiziŵa kuti munthu yo ndi mlakwi.”