Mateyu 14:6 - Tonga Bible 1986

⁶ Kweni lati lafika zuŵa la kawi kaku Herode, mwana munthukazi waku Herodiya wanguvina mukati, ndipo wangukondweska Herode,

Mateyu 14:6 ပူးပေါင်းရင်းမြစ်များ

Chiyambo 40:20

Pa zuŵa la chitatu lenilo lenga zuŵa la kawi kaku Farao wangubikiya vyakurgha ŵateŵeti ŵake wose, ndipo wangusoska mutu wa wakupereka vinyo mura ndi mutu wa wakubika mura mukati mu ŵateŵeti ŵake.

Estere 2:18

Ndipo karonga wanguchitiya dghera likuru mafumu ghose, ndi ŵateŵeti ŵake, lenga dghera laku Estere; wangupumuzga vyaru, ndi wangupereka vyawanangwa kuyana ndi wanangwa wa karonga.

Mateyu 14:3

Chifukwa Herode, wati wamuko Yohane, wangumumanga ndi kumutaya mu ulinda pa chifukwa chaku Herodiya muwoli waku Filipu, mhurwa wake.

Mateyu 14:7

viyo kuti wangurapa rapu kumpaska chenicho chose wangapempha.

Mateyu 22:24

kuti, “Msambizgi, Mosese wangukamba, ‘Asani munthu wafwa wambura ŵana, mhurwa wake wahare muwoli wake, mwakuti wamyuskiye mkuwake mbeu.’

Marko 6:14

Herode karonga wanguvwa vyenivyo; chifukwa zina lake linguŵa lakuvwika. Ŵanyake ŵanguti, “Yohane Mbatizi yo wayuka ku ŵakufwa, ndipo chifukwa chenicho vyanthazi vyo vitataliya mwake.”

Marko 6:17

Chifukwa Herode iyo wangutuma ndi kumko Yohane, ndipo wangumuŵika mu ulinda, pa chifwa chaku Herodiya, muwoli waku Filipu mkuwake; akuti wangamto.

Marko 6:19

Ndipo Herodiya wangumfinga wakhumbanga kumbaya; kweni wengavi nthazi;

Marko 8:15

Ndipo wanguŵalanguliya wakuti, “Cheŵani ndi mtupu wa ŵaFarisi ndi mtupu waku Jerode.”

Luka 13:31

Mu ora leniliya ŵanguzako ŵaFarisi ŵangana, ŵakuti kwaku iyo, “Tuwapo, ndi usokepo panu: pakuti Herode wakhumba kukubaya.”

Luka 23:11

Herode nayo pamoza ndi ŵankhondo ŵake ŵati ŵamyeya ndi kumtombozga, ŵangumvwarika chivwaru charopa, ndipo wangumwezge kwaku Pilato.

Luka 23:7

Ndipo wachiziŵiska kuti wenga waku ukumu waku Herode, wangumtuma kwaku Herode, pakuŵa iyo nayo mu Yerusalemu mu mazuŵa yagha.

Luka 3:1

Kweni mu chirimika cha chumi ndi chinkhonde cha muwusu waku Tiberio Kaisare, pakuŵa Pontio Pilato nduna yaku Yuda, ndi Herode wachinaikiru waku Galile, ndi Filipu, mwana munyake, wachinaikiru waku Iturea, ndi Trakhoniti, ndi Lusanio wachinaikiru waku Abilene,

Luka 3:19

Kweni Herode, wachinaikiru yo, wanguti wachenyeka ndi iyo paku Herodiya muwoli waku Filipu mwana-munyake, ndi paku vyose viheni vyenivyo iyo Herode wanguchita,

Luka 8:3

ndi Yoana, muwoli waku Khuza, kapitau waku Herode, ndi Susana, ndi ŵanyake ŵanandi, ŵeniwo ŵamteŵetiyanga ndi chuma chawo.

Machitidu gha Ŵakutumika 12:1

Kweni pa nyengo yiya Herode karonga yo wangutambaruliya manja ghake kwachichitiya uheni ku ŵanyake ŵamu mpingu wo.

Machitidu gha Ŵakutumika 4:27

“Chifukwa mu msumba uno ŵanguwungirana pa Muŵanda winu Wakupaturika Yesu, yo mungupatuwa, Herode ndi so Pontio Pilato, pamoza ndi Mitundu ndi makhamu ghaku Yisraele,