Mateyu 13:52 - Tonga Bible 1986

⁵² Ndipo wanguti kwaku wo, “Chifukwa chenichi mlembi yose yo wasambizgika vya ufumu wakuchanya ngwakukozgana ndi munthu mweninyumba, yo watuzga mu mbiku yake vifyandi vyakale.”

Mateyu 13:52 ပူးပေါင်းရင်းမြစ်များ

Ezra 7:10

Chifukwa Ezra wanguŵikapo limu mtima wake kupenjeska dangu laku Chiuta ndi kulichita, ndi kusambizga vilangulu vyake ndi vyeruzgu vyake mwaku Yisraele.

Ezra 7:21

“Viyo ine karonga Arataserese ndilangula ŵara wose ŵakusunga chuma cha karonga mu chigaŵa cha kusirgha la msinji. Che chose cho Ezra mzukuru, mlembi wa dangu laku Chiuta wa kuchanya, wafumbenge kwinu, chichitike kwaruŵi,

Ezra 7:6

Uyo Ezra wanguturiya ku Babiloni. Wenga mlembi waku ziŵiska vya dangu laku Mosese lo Ambuya Chiuta waku Yisraele wangupereka. Ndipo karonga wangumupaska vyose vyo wangupempha, chifukwa janja la Ambuya Chiuta wake lenga paku iyo.

Nthanthi 11:30

Chipasi cha ŵakurunjika ndi muti wa umoyo, kweni uchikanamaranga utuzgapo maumoyo.

Nthanthi 15:7

Milomo ya wazeru yiwandiska chinjeru, ku miwongo ya wakupusa kuti kwe viyo cha.

Nthanthi 18:4

Mazu ghamu mlomo wa munthu ndi maji gha ndimba, chisima cha zeru nkhamsinje kakupopoma.

Sumu ya Zisumu 7:13

Mandimu ghapereka fungu lake, ndipo pabwalo pa nyumba yidu pe vipasi vyose vyakusankhika, vya kale ndi vyasono, vyo ndakuŵikiya, wakwanjiwa wangu iwe.

Mateyu 12:35

Munthu wamampha kutuliya ku mbiku yake yamampha watuzga vyamampha: ndipo munthu muheni kutuliya ku mbiku yake yiheni watuzga viheni.

Mateyu 13:51

“Kumbi mwawamo mwaku vyenivyo vyose?” Atiti kwaku iyo, “Inya.”

Mateyu 13:53

Ndipo kunguŵa, Yesu wanguti wamara ntharika zo, wangutuwako kweniko.

Mateyu 23:34

Chifukwa chenichi, wonani, nditumizga kwaku imwe ŵamchimi ndi ŵazeru ndi ŵalembi: ŵaku wo mubayengepo ndi mupayikenge, ŵaku wo mukwechuwengepo ŵanyake mu masinagoge ghinu, ndipo muŵadikiskenge ku muzi ndi muzi,

Mateyu 28:19

Viyo rutani, sambizgani mitundu yose, ŵakuŵabatiziya mu zina la Dada ndi la Mwana ndi la Mzimu ŵakupaturika:

Luka 11:49

Chifukwa chaku chenichi zeru nayo yaku Chiuta yinguti, ‘Nditumizgiyenge kwaku wo ŵamchimi, ndi ŵakutumika; ndipo ŵabayengepo ndi ŵandondoloskengepo ŵaku wo;’

Yohane 13:34

dangu lifya ndikupaskani, kuti mwanjane; nge ndimo ine ndakwanjiyani, imwe so mwanjane.

2 ŴaKorinte 6:10

nge mbachisungu, kweni ŵakukondwere nyengo zose; nge mbakusauka, kweni ŵakusambisiska ŵanandi; nge mbakuuravi kanthu, kweni te ŵakusakata vyose.

ŴaEfeso 3:4

mwakuti, muchiŵerenga mungaziŵa kuteska kuwamu kwangu mu mangari ghaku Kristu;

ŴaEfeso 3:8

Kwaku ine mumanako ku ŵamana limu waku wode ŵakupaturika, ungupaskika wezi wenuwu, kuŵatauliya ŵaMitundu usambasi wambura mapenjeka wo waku Kristu;

ŴaKolose 1:7

uli ndimo so mungusambiriya kwaku Epafra mteŵeti-munyidu wakwanjiwa. Mweniyo ndi mteŵeti wamagomekezgeka waku Kristu pa chifukwa chinu,

ŴaKolose 3:16

Mazu ghaku Kristu ghaje mwinu kwakusambasa, pa kusambizgana ndi kuchinyirana mu zeru yose, ndi penipo mutumba mu buku la sumu ndi mu sumu ndi sumu zamzimu, kumuwonga Chiuta mu mitima yinu.

1 Timote 3:6

Mteta cha, vinu pakututumuka wangawiya mu chisusa cha diabolo.

Tito 1:9

wakumiziriya ku mazu ghamagomekezgeka gho ngakuyana ndi chisambizgu cho, alinga kuti waŵe wanthazi kuchiska mu sambizgu lizirima, ndi so kuŵapanikizga wo mbakususka.