Mateyu 13:24 - Tonga Bible 1986

²⁴ Ntharika yinyake wanguŵakambiya, wakuti, “Ufumu wakuchanya ukozgana ndi munthu wakumija mbeu yamampha mu munda wake;

Mateyu 13:24 ပူးပေါင်းရင်းမြစ်များ

Yesaya 28:10

Pakuti ndi langulu pa langulu, langulu pa langulu, mzere pa mzere, mzere pa mzere, pano kamanavi, kuwa kamanavi.”

Yesaya 28:13

Chifukwa cho mazu gha Ambuya kwaku iwo ghakaŵanga langulu pa langulu, langulu pa langulu, mzere pa mzere, mzere pa mzere, pano kamanavi, kuwa kamanavi, kuti ŵarutenge, ndi kuwiya kuvuli, kufyoda, kurghika, ndi kutoleka.

Ezekiele 17:2

“Mwana wa munthu, ghanaghana ntharika, kamba chakweruzgiyapo ku nyumba yaku Yisraele;

Mateyu 13:19

Wachivwa munthu mazu gho gha ufumu, ndipo kuti wawamo cha, watuza mheni yo, ndipo wapoka cho chamijika mu mtima wake. Iya ndiyo yingumijika mumphepete mu nthowa.

Mateyu 13:25

kweni ŵachira ŵanthu, kinguza wamawongu wake ndi wangumija maduru mukati mu trigu, ndipo wanguruta.

Mateyu 13:31

Ntharika yinyake wanguŵakambiya, wakuti, “Ufumu wakuchanya ngwakukozgana ndi nje ya kamganje, yeniyo munthu wanguto, ndi wangumija mu munda wake:

Mateyu 13:33

Ntharika yinyake wanguŵakambiya. “Ufumu wakuchanya ngwakukozgana ndi mtupu, weniwo munthukazi wanguto ndi wanguwusazga mu myesu yitatu ya ufwa, mpaka ungutupiskika wose.”

Mateyu 13:37

Ndipo wa munthu;

Mateyu 13:47

“Panyake, ufumu wakuchanya ukozgana ndi mukwau wakupong'eka mu nyanja, ndi wakuzinga za mtundu we wose,

Mateyu 18:23

“Chifukwa chenichi ufumu wa kuchanya ulinganizgika ndi munthu, karonga yo wangukhumba kuchita chakuŵerenge ndi ŵaŵanda ŵake.

Mateyu 20:1

“Chifukwa ufumu wa kuchanya ukozgana ndi munthu, mweninyumba, yo wangutuwa pa nyengo ya mlenji kwachilembera ŵanchitu ku munda wake wa mphereska.

Mateyu 21:33

“Avwani ntharika yinyake. Kwenga munthu, mweni-nyumba yo wangupanda munda wa mphereska, wanguwusitiya lisitu, wangukumba chakukandiyamo mphereska, ndi wanguzenga chigongwe ndipo wanguwupazgiya ŵalimi, ndipo wangamtembeya ku charu chinyake.

Mateyu 22:2

“Ufumu wa kuchanya ukozgana ndi munthu karonga, mweniyo wangubikiya mwana wake zowara,

Mateyu 25:1

“Penipo ufumu wa kuchanya ulinganizgikenge ku mbeta chumi, zenizo zinguti zato nyali zawo, zingutuwa kwachikumana ndi mweni-nthengwa.

Mateyu 3:2

“Ng'anamukani; chifukwa waŵandika ufumu wa kuchanya.”

Mateyu 4:23

Ndipo Yesu wazunguliyanga Galile yose, wakusambizga mu masinagoge ghawo, ndi wakumemeza evangeli wa ufumu wo, wakuchizga nthenda yose ndi unthomboru wose mukati mu ŵanthu.

Luka 13:18

Viyo wangunena, “Ufumu waku Chiuta ngwakukozgana ndi chine? Ndipo ndiulinganizgenge ndi chine?

Luka 13:20

Ndipo wanguti so, “Ndilinganizgenge ufumu waku Chiuta ndi chine?

ŴaKolose 1:5

chifukwa cha chigomekezgu cho chiŵikikiya imwe kuchanya. Ndipo ichi nchenicho mukuvwa kali mu mazu gha uneneska wa evangeli, wo mukuronda;

1 Petro 1:23

pakupapika so, ku mbeu yamawoleka cha, kweni ku yiziramawoleka, mu mazu ghaku Chiuta, ghamoyo ndi ghakujaririya.