Mateyu 13:22 - Tonga Bible 1986

²² Ndipo yo yingumijika mu minga uyu ndi mweniyo watuvwa mazu; ndipo phuruputiro la mgonezi uwu ndi fuvyu la usambasi vifinyirizga mazu, ndipo watuŵa wambura vipasi.

Mateyu 13:22 ပူးပေါင်းရင်းမြစ်များ

Sumu 52:7

“Awoni munthu yo wengavi kusanduska Chiuta kuŵa chakudingang'amo chake, kweni wangugomezga uzari wa usambasi wake, ndi mu uromba wake kuŵa chakudingang'amo chake.”

Sumu 62:10

Rekani kuŵika chigomezgu chinu mu vyakuskoŵa; rekani kugomekezga muusambasi wakuchita kuphanga; asani usambasi ungandana, ungaŵikangako mtima wako cha.

Nthanthi 11:28

Mweniyo wagomekezga mu uromba wake wakamilanga, kweni murunji watipitiyenge uli ndi jani liŵisi.

Nthanthi 23:5

Maso ghako ghachilereska paku cho, mbwenu charuta, pakuti ruŵiruŵi chitijitole mapapa, kuphululuka uli ndi nombo kulata kuchanya.

Wakutaula 4:8

munthu yo walivi nanga njumoza, kaya mwana munthurumi pamwenga mbali, kweni uli kulivi umari ku suzgu yake yose, ndipo maso ghake kuti ghaguta ndi usambasi cha, viyo kuti watijifumba cha kuti, “Kumbi ine ndisuzgikiya yani pakujikanizga ku malikondwa?” Ichi nacho so nchawaka ndipo ndi nchitu yambura kukondweska.

Yeremiya 4:3

Pakuti viyo Ambuya atiti ku ŵanthu ŵaku Yuda, ndi ku ŵakuja mu Yerusalemu: “Kong'onthani minda yinu ya mawongolomwa ndipo mureke kumija mu minga.

Mateyu 12:32

Ndipo yose yo wanganena mazu ghaheni pa Mwana wa munthu, kugowokelekiyenge iyo; kweni yose yo wangakamba pa Mzimu Wakupaturika yo, kuti kugowokelekiyenge iyo cha, chingana ndi mu umoyo uno, chingana ndi mwaku wo utuza.

Mateyu 13:39

wamawongu yo wakughamija ndi diabolo ndipo kuvuna ko nkhamaridu ka mgonezi wo; ndi ŵakuvuna mbangelo.

Mateyu 13:40

Viyo nge ndimo maduru gho ghawunjikikiya ndi kocheka ndi moto; ndimu kuŵiyenge mu kamaridu ka mgonezi wo.

Mateyu 13:7

Zinyake zinguwa mu minga; ndipo minga yo yingubuka, ndi yinguzifinyirizga.

Luka 12:15

Ndipo wanguti kwaku wo, “Mucheŵe ndi muchwe ku mbunu yose: pakuti umoyo wa munthu kuti uŵiya mu ufurwi waku vyo we navyo cha.”

Luka 12:21

Viyo ndimo waliri wakujiŵikiya mbiku, ndi kuti ndi mromba cha kuchiri kwaku Chiuta.”

Luka 21:34

“Kweni jichenjeriyeni, vinu yingavimbirwa mitima yinu ndi mgutu, ndi vinyo mukari ndi maphuruputiro gha chijariyu chino, ndi zuŵa liya lingamuwiyani kwamabuchibuchi;

Luka 8:14

Ndipo yo yakuwa mukati mu minga, mbeniwo ŵavwa, ndipo ŵachiruta ŵafinyirizgika ndi malikweŵeska ndi mausambasi ndi malikondwa gha umoyo, ndi kuti ŵafiska cha.

Machitidu gha Ŵakutumika 8:18

Kweni wachiwona Simoni kuti mu chiŵika cha manja gha ŵakutumika Mzimu Wakupaturika wapaskikanga, wanguŵatole ndrama,

ŴaRoma 12:2

Ndipo mungajilinganizga ndi mgonezi uno cha: kweni mujisanduske mu kuchitika vifya vinjeru vinu, alinga kuti mwesenge imwe mo liriri khumbu lo laku Chiuta, lamampha ndi lamarondeka ndi lakufiskika.

1 ŴaKorinte 1:20

We pani wazeru? We pani mlembi? We pani wasuskano wa mgonezi uno? Asi Chiuta wayipusiska zeru ya charu?

1 ŴaKorinte 2:6

Nakweni nako zeru tirongoro mu ŵakukhoma: ndipo kuti ndi zeru ya mgonezi uno cha, chingana nja wachirongozgi ŵamgonezi uno cha, wo ŵakutemeke ku wayurika:

1 ŴaKorinte 2:8

Zeru yeniyo wengavi kuyiziŵa nanga njumoza wa ŵakuwusa ŵa mgonezi uwu: chifukwa asani ŵanguyiziŵa, mphanyi ŵengavi kuŵapayika Ambuya ŵa unkhankhu.

1 ŴaKorinte 3:18

Paŵevi wakujifuvya. Asani munthu mwaku imwe watijipima kuti ngwazeru mu mgonezi uwu ikuwaŵe wakupusa, alinga kuti waŵenge wazeru.

2 ŴaKorinte 4:4

Mwaku ŵeniwo Chiuta wa mgonezi uno waburumutizga vinjeru vya ŵambura chivwanu, viyo kuti ungaŵaŵaliya cha ukweru wo wa evangeli wa unkhankhu waku Kristu, yo nchikozgu chaku Chiuta.

ŴaGalatia 1:4

yo wangujipereka pa chifukwa cha vilakwa vidu, mwakuti watitaske ku mgonezi uwu uheni, kwakulingana ndi khumbu laku Chiuta widu, Auskefwe;

ŴaEfeso 2:2

mwaku ghenigho mungwendayenda ulaka ndi mgonezi wa charu chenichi, kwakuzomerezgana ndi fumu ya mitufu ya mude mzimu yo sono watataliyamo mu ŵana ŵa mtafu;

1 Timote 6:17

Ŵalanguliye ŵasambasi mu mgonezi wa sono kuti ŵareke kujitumphuska, chingana nkhugomekezgapo pa kanthu kakuwura ukhonge ndi chuma, kweni mwaku Chiuta, mweniyo watipaska vyose kwakusakata kuti tikakondweremo;

2 Timote 4:10

chifukwa Demase wandisiya, wati wanja mgonezi wasono, ndipo waruta ku Tesalonika; Kreskeno nayo ku Galatia, Tito ku Dalmatia.