Mateyu 13:19 - Tonga Bible 1986

¹⁹ Wachivwa munthu mazu gho gha ufumu, ndipo kuti wawamo cha, watuza mheni yo, ndipo wapoka cho chamijika mu mtima wake. Iya ndiyo yingumijika mumphepete mu nthowa.

Mateyu 13:19 ပူးပေါင်းရင်းမြစ်များ

Nthanthi 1:7

Kopa Ambuya ndiku kwamba kwa zeru; ŵakupusa ŵayeya chinjeru ndi visambizgu.

Nthanthi 17:16

Chifukwa nchine chakuti wakupusa waŵi ndi malonda mu janja lake kugula zeru, penipo walivi maghanughanu?

Ezekiele 31:18

Kumbi iwe ukozgana ndiyani mu unkhankhu ndi ukuru mukati mu miti yamu Edeni? Ukasiskikiyanga pasi pamoza ndi miti yamu Edeni kusi kwa charu chapasi; ukagonanga mukati mu ŵambura kuchinjika, pamoza ndiwo ŵakubayika ndi lipanga. “Uyu ndi Farao ndi umba wake wose, atiti Ambuya Chiuta.”

Mateyu 12:26

ndipo asani Satana wamtuzga Satana, wagaukana mwaku yija; na ufumu wake umenge uli?

Mateyu 13:20

Ndipo yo yingumijika pa malo ghajarawi; uyu ndi mweniyo watuvwa mazu, ndipo ruŵi ndi chimwemwe watigharonde;

Mateyu 13:38

ndipo munda wo ncharu; mbeu yamampha, mbana ŵa ufumu; ndi maduru mbana ŵa mheni yo,

Mateyu 4:23

Ndipo Yesu wazunguliyanga Galile yose, wakusambizga mu masinagoge ghawo, ndi wakumemeza evangeli wa ufumu wo, wakuchizga nthenda yose ndi unthomboru wose mukati mu ŵanthu.

Mateyu 5:37

Kweni mazu ghinu pakurongoro ghaŵe, ‘Inya,’ pamwenga, ‘Awa’; ndipo ghakutaruliya kwaku yagha ngakutuwa ku mheni yo.

Marko 4:15

Ndipo ŵeniwo ŵemu mphepete mu nthowa, mwenimo ghamijika mazu; penipo ŵatiti ŵavwa, ruŵi watuza Satana, ndipo waghapoka mazu ghakumijika mwaku wo.

Luka 10:9

ndipo ŵachizgeni ŵarwali mwake, ndi nenani kwaku wo, ‘Waŵandikiya kwaku imwe ufumu waku Chiuta.’

Luka 9:2

Ndipo wanguŵatuma kwachimemeza ufumu waku Chiuta, ndi kuchizga ŵakutama.

Yohane 18:38

Wangumfumba Pilato, “Ngune uneneska?” Ndipo wachikamba chenichi Pilato wangutuliya so ku ŵaYuda, wanguŵanene, “Ine ndirive kusaniya kufakwa kose mwaku iyo.

Yohane 8:43

Chifukwa chine mureka kuwamu mu kakambidu kangu? Nchifukwa chakuti mulive kuziŵa kughavwa mazu ghangu.

Machitidu gha Ŵakutumika 17:32

Kweni pakuvwa ndi chiyuka cha ŵakufwa, ŵanguwera ŵanyake; kweni ŵanyake ŵanguti, “Tikuvwenge panyake so vyapaku chenichi.”

Machitidu gha Ŵakutumika 18:15

kweni asani kwe mafumbo ghapa mazu ndi mazina ndi chilangulu chakwinu, thoŵani mwaŵeni; ine kuti ndikhumba cha kuŵa cheruzga mwaku vyenivi.”

Machitidu gha Ŵakutumika 20:25

Ndipo sono, onani, ndiziŵa ine kuti imwe mose mwamuwona so chachisku changu, mwaku imwe ndendi yanga kwachimemeza ufumu waku Chiuta.

Machitidu gha Ŵakutumika 28:23

Ndipo ŵanguti ŵamteme zuŵa, ŵanguza kwake mu chitandara chake ŵanandi; kwaku wo wangupatauliya makani gho, wakusimikizga ufumu wo waku Chiuta, ndi wakuŵakope vyapaku Yesu, vyakutuwa ku langulu laku Mosese ndi ku ŵamchimi kwanda ku mlenji mpaka ku mazuro.

ŴaRoma 1:28

Ndipo uli ndimo ŵangukaniya kuŵa ndi Chiuta mu mziŵiru wawo, Chiuta iyo wanguŵapereka ku chinjeru chauzereza kuchita vyamwikhu,

ŴaRoma 14:17

Chifukwa ufumu waku Chiuta kuti mbunkharghi ndi unkhamwi cha, kweni urunji ndi chimangu ndi chimwemwe mu Mzimu Wakupaturika.

ŴaRoma 2:8

kweni kwaku wo mbakujitukumuwa ndi kuti ŵavwiya uneneska cha kweni ŵavwiya ulakwi kukaŵanga ukari ndi kandundu,

ŴaEfeso 3:8

Kwaku ine mumanako ku ŵamana limu waku wode ŵakupaturika, ungupaskika wezi wenuwu, kuŵatauliya ŵaMitundu usambasi wambura mapenjeka wo waku Kristu;

2 ŴaTesalonika 2:12

viyo kuti ŵeruzgike wose wo ŵengavi kuvwana mu uneneska wo, kweni ŵangukondwere mu uura-urunji.

ŴaHebere 2:1

Chifukwa chenichi kutenere kwakuruska kuphwere vyo vinguvwika, vinu tingadeukako.

1 Yohane 3:12

Ulaka ndi Kaine cha, yo wenga wakutuliya ku mheni yo, ndipo wangubaya mhurwa wake. Ndipo wangumbayiya chifukwa chine? Chifukwa nchitu zake zenga ziheni, ndi za mhurwa wake zirunji.

1 Yohane 5:18

Tiziŵa kuti yose yo ngwakupapika kwaku Chiuta kuti warutiliya mu kulakwa cha, chifukwa Mwana yo waku Chiuta watimsunga ndipo mheni yo kuti wamkwaska cha.

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.